കുട്ടികളുടെ പാർക്കിലേക്ക് അപകടാവസ്ഥയിൽ ചാഞ്ഞ് വലിയ മരം

ഇരിങ്ങാലക്കുട ∙ അപകടാവസ്ഥയിൽ കുട്ടികളുടെ നഗരസഭ പാർക്കിലേക്ക് ചാഞ്ഞ് റോഡരികിൽ നിൽക്കുന്ന മരം ഭീഷണിയാവുന്നു. ഏത് നിമിഷവും നിലംപൊത്താവുന്ന നിലയിലാണ്.  ദിവസവും കുട്ടികൾ അടക്കം ഒട്ടേറെപ്പേർ വിനോദങ്ങൾക്ക് എത്തുന്ന സ്ഥലത്താണ് അപകടാവസ്ഥയിൽ മരം നിൽക്കുന്നത്. വഴിയാത്രക്കാർക്കും വാഹനയാത്രക്കാർക്കും മരം ഭീഷണിയാണ്. ആഴ്ചകളായി മരം അപകടാവസ്ഥയിൽ നിൽക്കാൻ തുടങ്ങിയിട്ട്.