തിരയ്ക്കൊപ്പം മത്തിയും കരയിലേക്ക് ഒഴുകി; അകലാട് ബീച്ചിൽ 'ചാകര', കൗതുക കാഴ്ച
Mail This Article
×
പുന്നയൂർക്കുളം∙ അകലാട് താഹ പളളി ബീച്ചിൽ തിരയ്ക്കൊപ്പം മത്തിയും കരയിലേക്ക് ഒഴുകി എത്തിയത് കൗതുക കാഴ്ചയായി. ഏതാനും മിനുറ്റ്മാത്രമാണ് ഇത് ഉണ്ടായതെങ്കിലും തീരവാസികൾക്ക് ഇത് ചാകരയായി. ഇതിന്റെ വിഡിയോ സാമൂഹിക മാധ്യമങ്ങളിൽ പ്രചരിച്ചതോടെ ധാരാളം പേർ സഞ്ചിയുമായി ബീച്ചിൽ എത്തിയെങ്കിലും വെറും കയ്യോടെ മടങ്ങേണ്ടി വന്നു.ഇന്നലെ രാവിലെയാണ് തിരമാലയ്ക്കൊപ്പം തിങ്ങിനിറഞ്ഞ് മത്സ്യം അടിഞ്ഞത്. ബീച്ചിൽ ഉണ്ടായിരുന്നവർക്കും പരിസരവാസികൾക്കും ധാരാളം മത്സ്യം കിട്ടി. വലിയ ബോട്ടുകൾ കടലിൽ നീട്ടുവല വിരിക്കുമ്പോൾ ഇതിൽ നിന്നു രക്ഷപ്പെടാൻ ശ്രമിക്കുന്ന മത്സ്യക്കൂട്ടം തിരയിൽപ്പെട്ട് കരയിൽ എത്തുന്നതാണ് ഇൗ പ്രതിഭാസം. തീരത്ത് അടിയുന്ന മത്സ്യങ്ങൾക്ക് തിരിച്ച് കടലിൽ ഇറങ്ങൽ പ്രയാസമാണ്.
English Summary:
A rare and fascinating event unfolded at Akalaad Taha Palli beach in Kerala, India, as a wave brought a large shoal of sardines ashore. The incident, captured on video, quickly went viral on social media, attracting locals hoping to gather the fish. While some were lucky enough to collect some, the phenomenon was short-lived.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
