ഇലക്ട്രോണിക് ബാങ്ക് ഗാരന്റി സംവിധാനവുമായി ഫെഡറൽ ബാങ്ക്

കൊച്ചി ∙ പൂർണമായും ഡിജിറ്റലായി ബാങ്ക് ഗാരന്റി ലഭ്യമാക്കുന്ന ഇലക്ട്രോണിക് ബാങ്ക് ഗാരന്റി (ഇ – ബാങ്ക് ഗാരന്റി) സൗകര്യം ഫെഡറൽ ബാങ്ക് അവതരിപ്പിച്ചു. നാഷനൽ ഇ – ഗവേണൻസ് സർവീസസ് ലിമിറ്റഡുമായി (എൻഇഎസ്എൽ) ചേർന്നാണു സൗകര്യം ലഭ്യമാക്കുന്നത്. ഡോക്കുമെന്റേഷനും ബന്ധപ്പെട്ട കടലാസ് ജോലികളും പുതിയ സൗകര്യത്തിൽ ആവശ്യമില്ല. ഇടപാടുകളുടെ വേഗവും സുരക്ഷയും വർധിപ്പിക്കാൻ ഇ-ബാങ്ക് ഗാരന്റി സഹായിക്കും. ഇ-സ്റ്റാമ്പിങ് സൗകര്യം ലഭ്യമായ സംസ്ഥാനങ്ങളിലാണ് നിലവിൽ ഇ-ബാങ്ക് ഗാരന്റി ലഭിക്കുന്നതെന്നു ഫെഡറൽ ബാങ്ക് എക്സിക്യൂട്ടീവ് ഡയറക്ടർ ശാലിനി വാരിയരും എൻഇഎസ്എൽ എംഡിയും സിഇഒയുമായ ദേബജ്യോതി റായ് ചൗധരിയും പറഞ്ഞു.