Manipur Unrest: Latest News on the Violence, Protests, and Conflict

രാജി ആവശ്യം: വഴങ്ങാതെ ബിരേൻ; കേന്ദ്രവും മൗനത്തിൽ

ഭൂരിപക്ഷം ബിജെപി എംഎൽഎമാരും എതിരായിട്ടും രാജിവയ്ക്കണമെന്ന ആവശ്യത്തിന് മണിപ്പുർ മുഖ്യമന്ത്രി ബിരേൻ സിങ് വഴങ്ങുന്നില്ല. സർക്കാരിനെതിരെ സമരവുമായി എത്തിയ പൗരസംഘടനകളെയും ബിരേൻ കൈപ്പിടിയിലാക്കി. ബിജെപി കേന്ദ്രനേതൃത്വം പോലും ബിരേൻ സിങ്ങിനെ മാറ്റാൻ ധൈര്യപ്പെടുന്നില്ല.
India
മണിപ്പുരിൽ ബിരേൻ ഭീതിയിൽ എംഎൽഎമാർ

ഇംഫാൽ ∙ മണിപ്പുരിൽ മുഖ്യമന്ത്രി ബിരേൻ സിങ് കഴിഞ്ഞ ദിവസം വിളിച്ചു ചേർത്ത യോഗത്തിൽ പങ്കെടുക്കാത്ത എംഎൽഎമാരുടെ പേരുകൾ മുഖ്യമന്ത്രിയുടെ ഓഫിസ് പരസ്യമാക്കിയത് എംഎൽഎമാരെ സമ്മർദത്തിലാക്കാനുള്ള നീക്കത്തിന്റെ ഭാഗമെന്ന് സൂചന. ബിരേൻ സിങ് രാജിവയ്ക്കണമെന്ന് ആവശ്യപ്പെട്ടവരുടെയും പിന്തുണ പിൻവലിച്ച സഖ്യകക്ഷിയായ എൻപിപി എംഎൽഎമാരുടെയും പേരുകൾ ഇതിലുണ്ട്. കുക്കികൾക്കെതിരെ മുഖ്യമന്ത്രി ശക്തമായ നടപടികൾക്ക് ഒരുങ്ങുമ്പോൾ ഒരു വിഭാഗം പിന്തുണ നൽകുന്നില്ലെന്നു ജനങ്ങളെ അറിയിക്കുകയായിരുന്നു പേരുകൾ പുറത്തുവിട്ടതിലൂടെ ലക്ഷ്യമിട്ടത്.
India
മണിപ്പുർ കലാപം: നിലപാട് കടുപ്പിച്ച് മെയ്തെയ് പൗരസംഘടനകൾ; സർക്കാർ ഓഫിസുകൾ താഴിട്ടുപൂട്ടുമെന്ന് ഭീഷണി

മണിപ്പുരിൽ കുക്കി സായുധഗ്രൂപ്പുകൾക്കെതിരെ മെയ്തെയ് പൗരസംഘടനകൾ നിലപാടു കടുപ്പിച്ചു. കുക്കി സായുധ ഗ്രൂപ്പുകളെ അടിച്ചമർത്തിയാൽ മതിയെന്ന മണിപ്പുർ മുഖ്യമന്ത്രി ബിരേൻ സിങ്ങിന്റെ അധ്യക്ഷതയിൽ ചേർന്ന എൻഡിഎ എംഎൽഎമാരുടെ യോഗത്തിലെ നിർദേശത്തെ ഇവർ എതിർത്തു. സായുധ സംഘടനകളുമായുള്ള സമാധാനക്കരാർ പിൻവലിക്കണമെന്ന ആവശ്യം തങ്ങൾ നേരത്തേ ഉന്നയിച്ചത് ഇവർ ചൂണ്ടിക്കാട്ടി. 24 മണിക്കൂറിനകം നടപടി അറിയിച്ചില്ലെങ്കിൽ എല്ലാ കേന്ദ്ര-സംസ്ഥാന സർക്കാർ ഓഫിസുകളും താഴിട്ടു പൂട്ടുമെന്നു പൗരസംഘടനകളുടെ ഏകോപനസമിതിയായ കൊകോമി അറിയിച്ചു.
India
മണിപ്പുരിൽ അക്രമം പടരുന്നു; അസം അതിർത്തി അടച്ചു

∙ കലാപം രൂക്ഷമായതോടെ മണിപ്പുരുമായുള്ള അതിർത്തി അസം അടച്ചു. അക്രമം അസമിലേക്കും വ്യാപിക്കുമെന്ന സൂചനയെത്തുടർന്ന് അതിർത്തിയിൽ കമാൻഡോകളെ വിന്യസിച്ചു.
India
‘പ്രധാനമന്ത്രിയിലുള്ള വിശ്വാസം നഷ്ടപ്പെട്ടു’: മണിപ്പുർ സംഘർഷത്തിൽ രാഷ്ട്രപതിക്ക് കോൺഗ്രസിന്റെ കത്ത്

ന്യൂഡൽഹി∙ മണിപ്പുർ സംഘർഷത്തിൽ ഇടപെടൽ തേടി കോൺഗ്രസ് അധ്യക്ഷൻ മല്ലികാർ‌ജുൻ ഖർഗെ രാഷ്ട്രപതി ദ്രൗപതി മുർമുവിന് കത്തയച്ചു. മണിപ്പുർ ജനതയുടെ ജീവനും സ്വത്തിനും സംരക്ഷണം ഉറപ്പാക്കാൻ ഉടനടി നടപടി വേണമെന്നാണ് ആവശ്യം. സംസ്ഥാനത്തിന്റെ സമ്പദ് വ്യവസ്ഥയെയും ജനങ്ങളുടെ ജീവിത സാഹചര്യങ്ങളെയും കലാപം ബാധിച്ചുവെന്നും ഖർഗെ കത്തിൽ ചൂണ്ടിക്കാട്ടുന്നു.
Latest News
ബിരേൻ സിങ്ങിനെ മാറ്റിയാൽ പിന്തുണ പുനഃസ്ഥാപിക്കാമെന്ന് കോൺറാ‍ഡ് സാങ്മ; കലാപം നേരിടാന്‍ സജ്ജമായി കേന്ദ്രസേന

ഇംഫാൽ∙ മണിപ്പുരിൽ മുഖ്യമന്ത്രി ബിരേൻ സിങ്ങിനെ മാറ്റണമെന്ന് ആവശ്യപ്പെട്ട് എൻപിപി നേതാവ് കോൺറാ‍ഡ് സാങ്മ. എൻപിപി എൻഡിഎയെ വിട്ടതിന് പിന്നാലെയാണ് കോൺറാഡ് സാങ്മ മുഖ്യമന്ത്രിക്കെതിരെ രംഗത്തെത്തിയത്. ബിരേൻ സിങ്ങിനെ മുഖ്യമന്ത്രി സ്ഥാനത്തുനിന്നു മാറ്റിയാൽ സംസ്ഥാന സർക്കാരിനുള്ള പിന്തുണ പുനഃസ്ഥാപിക്കുമെന്നും കോൺറാഡ് സാങ്മ വ്യക്തമാക്കി.
Latest News
Today's Recap പാലക്കാട് കലാശക്കൊട്ട്; മണിപ്പുരിൽ കൂടുതൽ സൈനികരെ അയയ്ക്കും– പ്രധാന വാർത്തകൾ

പാലക്കാട് ഉപതിരഞ്ഞെടുപ്പിനുള്ള പരസ്യപ്രചാരണം അവസാനിച്ചതും മണിപ്പുർ സംഘർഷവുമായി ബന്ധപ്പെട്ട വാർത്തകളുമാണ് ഇന്ന് പ്രധാന വാർത്തകളിൽ ഇടംപിടിച്ചത്. പാലക്കാട് നിയമസഭാ മണ്ഡലത്തിൽ ഉപതിരഞ്ഞെടുപ്പിനുള്ള പരസ്യപ്രചാരണം അവസാനിച്ചു. മൂന്നു മുന്നണികളുടെ കലാശക്കൊട്ടോടെയാണ് പരസ്യപ്രചാരണം അവസാനിച്ചത്. യുഡിഎഫിന്റെയും എൽഡിഎഫിന്റെയും ബിജെപിയുടെയും വമ്പൻ റോ‍ഡ് ഷോകൾക്കാണ് ഇന്നു നഗരം സാക്ഷ്യംവഹിച്ചത്.
Latest News
‘മണിപ്പുർ സന്ദർശിക്കാൻ പ്രധാനമന്ത്രി തയാറാകാത്തത് എന്തുകൊണ്ട്?’: മോദിയെ വിമർശിച്ച് ലാലു പ്രസാദ് യാദവ്

പട്ന ∙ കലാപം തുടരുന്ന മണിപ്പുർ സന്ദർശിക്കാൻ പ്രധാനമന്ത്രി നരേന്ദ്ര മോദി തയാറാകാത്തത് എന്തു കൊണ്ടാണെന്ന് ആർജെഡി അധ്യക്ഷൻ ലാലു പ്രസാദ് യാദവ്. മണിപ്പൂർ വിഷയത്തിൽ പ്രധാനമന്ത്രിക്കും കേന്ദ്ര സർക്കാരിനുമെതിരെ നിശിത വിമർശനമാണ് ആർജെഡി നടത്തിയത്.
Latest News
കാലിനു വെടിയേറ്റ യുവതിയെ പീഡിപ്പിച്ച് ‌ചുട്ടുകൊന്നു, പിഞ്ചുകുഞ്ഞിനെയും വെറുതെ വിട്ടില്ല; മണിപ്പുരിൽ എന്താണ് സംഭവിക്കുന്നത്?

മെയ്തെയ് വിഭാഗത്തിൽപ്പെട്ടവരുടെ കൊലപാതകത്തിനു പകരംവീട്ടാൻ സായുധഗ്രൂപ്പുകൾ നീക്കം തുടങ്ങിയതോടെ മണിപ്പുർ വീണ്ടും കലാപഭീതിയിൽ. ബിരേൻ സിങ് സർക്കാരിനുള്ള പിന്തുണ ഏഴ് എംഎൽഎമാരുള്ള നാഷനൽ പീപ്പിൾസ് പാർട്ടി(എൻപിപി) പിൻവലിക്കുകയും കൂടുതൽ ഭരണപക്ഷ, പ്രതിപക്ഷ എംഎൽഎമാർ രാജിഭീഷണി ഉയർത്തുകയും ചെയ്തതോടെ ഭരണവും പ്രതിസന്ധിയിലേക്കു നീങ്ങുന്നു. എട്ടു മാസം പ്രായമുള്ള കുഞ്ഞുൾപ്പെടെ മൂന്നു കുട്ടികളെയും മൂന്നു സ്ത്രീകളെയും ദുരിതാശ്വാസ ക്യാംപിൽനിന്നു തട്ടിക്കൊണ്ടുപോയി കൊലപ്പെടുത്തിയ സംഭവമുണ്ടായതിനെത്തുടർന്നാണ് മണിപ്പുരിൽ വീണ്ടും സ്ഥിതിഗതികൾ കൈവിട്ട നിലയിലേക്കെത്തിയത്. ഒന്നരവർഷത്തിനുശേഷം ആദ്യമായി സുരക്ഷാസേനയോടു കലാപം അടിച്ചമർത്താൻ ആവശ്യപ്പെട്ടിരിക്കുകയാണ് കേന്ദ്ര സർക്കാർ. ഇംഫാൽ താഴ്‌വരയും കുക്കി കുന്നുകളും സംഗമിക്കുന്ന ‘ബഫർസോണിൽ’ ഇന്നലെയും വ്യാപക വെടിവയ്പു നടന്നു. കലാപത്തിൽ മെയ്തെയ് വിഭാഗത്തിന് അനുകൂലമായ നിലപാടെടുത്ത മുഖ്യമന്ത്രി ബിരേൻ സിങ് ഉൾപ്പെടെയുള്ള നേതാക്കൾക്കെതിരെ ഇംഫാൽ താഴ്‌വരയിലെ ഒരു വിഭാഗം രംഗത്തിറങ്ങിയതു സർക്കാരിനെ ഞെട്ടിച്ചിട്ടുണ്ട്. ഒന്നരവർഷം പിന്നിട്ടിട്ടും
Opinion And Analysis
മണിപ്പുരിൽ കൂടുതൽ സൈനികരെ അയയ്ക്കാൻ കേന്ദ്ര തീരുമാനം; അമിത് ഷായുടെ വസതിയിൽ ഉന്നതതല യോഗം

ന്യൂ‍ഡൽഹി∙ മണിപ്പുരിൽ കൂടുതൽ സൈനികരെ അയയ്ക്കാൻ കേന്ദ്ര തീരുമാനം. വിവിധ സേനകളിൽ നിന്നായി 5,000 ജവാന്മാരെ കൂടി മണിപ്പുരിലേക്ക് അയയ്ക്കും. സംസ്ഥാനത്തെ സുരക്ഷ വെല്ലുവിളി നേരിടുന്ന സാഹചര്യത്തിലാണ് തീരുമാനമെന്ന് അധികൃതർ പറഞ്ഞു. കലാപം ഏറ്റവും കൂടുതൽ പടർന്ന ജിരിബാം ജില്ലയിൽ
Latest News
അണയാതെ മണിപ്പുർ കലാപം, ഡൽഹിയിൽ ഗെലോട്ടിന്റെ രാജി; ഇന്നത്തെ പ്രധാനവാർത്തകൾ

∙ മണിപ്പുരിൽ ആഭ്യന്തര കലാപം രൂക്ഷമായതിനു പിന്നാലെ സമാധാനം പുനഃസ്ഥാപിക്കാനുള്ള ചർച്ചകൾ ആരംഭിച്ചതാണ് ഇന്നത്തെ പ്രധാന വാർത്ത. മണിപ്പുരിലെ സ്ഥിതിഗതികൾ അവലോകനം ചെയ്യാൻ കേന്ദ്ര ആഭ്യന്തര മന്ത്രി അമിത് ഷായുടെ നേതൃത്വത്തിൽ പ്രത്യേക യോഗം ചേർന്നു. മഹാരാഷ്ട്രയിലെ തിരഞ്ഞെടുപ്പ് പരിപാടികൾ റദ്ദാക്കിയാണ് അമിത് ഷാ
Latest News
മണിപ്പുർ സംഘർഷം; ഡൽഹിയിൽ അടിയന്തര ചർച്ച , നാളെ അമിത് ഷായുടെ നേതൃത്വത്തിൽ വിശദമായ അവലോകന യോഗം

ന്യൂഡൽഹി∙ മണിപ്പുരിൽ സംഘർഷം ശക്തമായതിനു പിന്നാലെ സ്ഥിതിഗതികൾ അവലോകനം ചെയ്യാൻ കേന്ദ്ര ആഭ്യന്തര മന്ത്രി അമിത് ഷാ ഡൽഹിയിൽ ഉന്നത ഉദ്യോഗസ്ഥരുമായി ചർച്ച നടത്തി. നാളെ നോർത്ത് ബ്ലോക്കിൽ ആഭ്യന്തരമന്ത്രി വിശദമായ അവലോകന യോഗം നടത്തും. മഹാരാഷ്ട്ര തിരഞ്ഞെടുപ്പ് പ്രചാരണത്തിനായി മുംബൈയിലെത്തിയ അമിത് ഷാ പ്രചാരണ പരിപാടികള്‍ റദ്ദാക്കിയാണ് ഡല്‍ഹിക്ക് മടങ്ങിയത്. വടക്ക് കിഴക്കന്‍ മേഖലയിലെ സംസ്ഥാനങ്ങളിലെ സ്ഥിതിഗതികളും യോഗം പരിശോധിച്ചു.
Latest News
കണ്ടുകിട്ടിയത് അഴുകിയ മൃതദേഹങ്ങൾ; പ്രതിഷേധം പൊട്ടിത്തെറിയായി; അതിർത്തിയിൽ വെടിവയ്പ്

കൊൽക്കത്ത ∙ ജിരിബാമിൽ കാണാതായ 6 മെയ്തെയ് വിഭാഗക്കാരുടെ മൃതദേഹം കണ്ടെത്തിയ വാർത്തയാണ് മണിപ്പുരിനെ വീണ്ടും പൊട്ടിത്തെറിയിലെത്തിച്ചത്. കുക്കി വിഭാഗക്കാർ ഇവരെ തട്ടിക്കൊണ്ടുപോയി കൊലപ്പെടുത്തിയെന്നാണ് കരുതുന്നത്. 3 സ്ത്രീകളുടെയും 3 കുട്ടികളുടെയും അഴുകിയ മൃതദേഹങ്ങളാണ് ജിരി, ബരാക്ക് പുഴകൾ സംഗമിക്കുന്ന സ്ഥലത്തു കണ്ടെത്തിയത്.
India
മണിപ്പുർ വീണ്ടും കത്തുന്നു; ക്രിസ്ത്യൻ പള്ളികൾക്കു നേരെ ആക്രമണം; പ്രധാന കേസുകൾ എൻഐഎയ്ക്ക്

കൊൽക്കത്ത ∙ ജിരിബാമിൽ കഴിഞ്ഞദിവസം തട്ടിക്കൊണ്ടുപോയ സ്ത്രീകളും കുട്ടികളും ഉൾപ്പെടെയുള്ള 6 പേരും കൊല്ലപ്പെട്ടതായി കണ്ടെത്തിയതിനെത്തുടർന്ന് മണിപ്പുരിൽ വീണ്ടും സ്ഥിതി സ്ഫോടനാത്മകമായി. 8 മാസം പ്രായമുള്ള കുഞ്ഞ് ഉൾപ്പെടെയുള്ളവരുടെ കൊലപാതകത്തിൽ പ്രതിഷേധിച്ച ജനക്കൂട്ടം മുഖ്യമന്ത്രി ബീരേൻ സിങ്ങിന്റെയും മറ്റു മന്ത്രിമാരുടെയും എംഎൽഎമാരുടെയും വീടുകൾ ആക്രമിച്ചു.
India
മണിപ്പുരിൽ സംഘർഷം കനക്കുന്നു; മന്ത്രിമാരുടെയും മൂന്ന് എംഎൽഎമാരുടെയും വീടിനു നേരെ ആക്രമണം

കൊൽക്കത്ത ∙ മണിപ്പുരിലെ ജിരിബാമിൽ മെയ്തെയ് വിഭാഗത്തിൽപ്പെട്ട ആറുപേരെ തട്ടിക്കൊണ്ടുപോയി കൊലപ്പെടുത്തിയ സംഭവത്തിൽ പ്രതിഷേധം ശക്തമാകുന്നു. രണ്ട് മന്ത്രിമാരുടെയും മൂന്ന് എംഎൽഎമാരുടെയും വീടിനു നേരെ ആക്രമണം ഉണ്ടായി. ഇംഫാൽ വെസ്റ്റ് ജില്ലയിൽ നിരോധനാജ്ഞ പ്രഖ്യാപിച്ചു. ഇംഫാൽ ഉൾപ്പെടെയുള്ള സ്ഥലങ്ങളിൽ ഇന്റർനെറ്റിന് നിരോധനം ഏർപ്പെടുത്തി. ആരോഗ്യ കുടുംബക്ഷേമ മന്ത്രി സപം രഞ്ജന്റെയും ഉപഭോക്തൃ മന്ത്രി എല്‍.സുശീന്ദ്രോ സിങ്ങിന്റെയും വീട്ടിൽ പ്രതിഷേധക്കാര്‍ അക്രമം നടത്തിയതായി ദേശീയ മാധ്യമങ്ങൾ റിപ്പോർട്ട് ചെയ്തു.
Latest News
മണിപ്പുർ: ബന്ദികളിൽ 3 പേരുടെ മൃതദേഹം കണ്ടെത്തിയതായി സൂചന

കൊൽക്കത്ത ∙ മണിപ്പുരിലെ ജിരിബാമിൽ തട്ടിക്കൊണ്ടുപോയ മെയ്തെയ് വിഭാഗത്തിൽപ്പെട്ട ആറുപേരിൽ ഒരു സ്ത്രീയുടെയും രണ്ടു കുട്ടികളുടെയും മൃതദേഹം കണ്ടെത്തിയതായി വിവരം. ജിരി പുഴയിലാണ് മൃതദേഹങ്ങൾ കണ്ടെത്തിയത്. പോസ്റ്റ്മോർട്ടത്തിനായി അസമിലെ സിൽച്ചറിൽ എത്തിച്ചു. തട്ടിക്കൊണ്ടുപോയവരിൽപ്പെട്ടവരാണ് ഇവരെന്നു സൂചനയെങ്കിലും ഔദ്യോഗിക സഥിരികീരണമില്ല.
India
മണിപ്പുർ: കൂടുതൽ മേഖലകളിലേക്ക് സൈനികാധികാര നിയമം

കൊൽക്കത്ത ∙ മണിപ്പുരിൽ വീണ്ടും അക്രമങ്ങൾ പൊട്ടിപ്പുറപ്പെട്ട പശ്ചാത്തലത്തിൽ 6 പൊലീസ് സ്റ്റേഷനുകളുടെ പരിധിയിൽ കൂടി പ്രത്യേക സൈനികാധികാര നിയമം (അഫ്സ്പ) നടപ്പിലാക്കി. കഴിഞ്ഞ ദിവസങ്ങളിൽ അക്രമങ്ങൾ ഉണ്ടായ ജിരിബാമും പ്രത്യേക സൈനികാധികാര നിയമത്തിനു കീഴിലാക്കി. വാറന്റില്ലാതെ റെയ്ഡ് നടത്തുന്നതിനും ആവശ്യമെങ്കിൽ വെടിവയ്പു നടത്തുന്നതിനും സൈന്യത്തിനും കേന്ദ്ര സേനയ്ക്കും അധികാരം നൽകുന്നതാണ് അഫ്സ്പ.
India
മണിപ്പുർ: ഗോത്രവനിതയെ കൊല്ലപ്പെടുത്തിയത് പീഡിപ്പിച്ച ശേഷം

കൊൽക്കത്ത ∙ മണിപ്പുരിലെ ജിരിബാമിൽ ചുട്ടുകൊല്ലപ്പെട്ട മാർ ഗോത്ര വനിത ക്രൂരമായ പീഡനത്തിനിരയായതായി പോസ്റ്റ്മോർട്ടം റിപ്പോർട്ട്. തലയോട്ടിയും എല്ലുകളും തകർത്ത നിലയായിലായിരുന്നു. 3 കുട്ടികളുടെ അമ്മയായ യുവതിയുടെ ശരീരം മുഴുവൻ കത്തിക്കരിഞ്ഞതിനാൽ ബലാൽസംഗത്തിന് ഇരയായോ എന്നു വ്യക്തമല്ല. മെയ്തെയ് സായുധ ഗ്രൂപ്പുകളാണ് ആക്രമണത്തിന് പിന്നിൽ.
India
മണിപ്പുർ: കാണാതായ 8 പേരിൽ 2 പേരുടെ മൃതദേഹം കണ്ടെത്തി

കൊൽക്കത്ത ∙ മണിപ്പുരിൽ ജിരിബാമിലെ ദുരിതാശ്വാസക്യാംപിൽ നിന്നു കാണാതായ മെയ്തെയ് വിഭാഗക്കാരായ 2 പേരുടെ മൃതദേഹം കണ്ടെത്തി. 3 സ്ത്രീകളെയും 3 കുട്ടികളെയും ഇനിയും കണ്ടുകിട്ടിയില്ല. സിആർപിഎഫുമായുള്ള ഏറ്റുമുട്ടലിൽ 11 കുക്കി വിഭാഗക്കാർ കൊല്ലപ്പെട്ടതിന്റെ പിറ്റേന്നാണു പുതിയ സംഭവം.
India
മണിപ്പുരിൽ സിആർപിഎഫ് ക്യാംപിന് നേരെ ആക്രമണം; ഏറ്റുമുട്ടലിൽ 11 കുക്കി വിഭാഗക്കാരെ വധിച്ചു

ഇംഫാൽ∙ മണിപ്പുരിൽ സൈനിക ക്യാംപ് ആക്രമിച്ച് 11 കുക്കികളെ സുരക്ഷാ സേന വെടിവച്ച് കൊലപ്പെടുത്തി. മണിപ്പുരിലെ ജിരിബാമിൽ തിങ്കളാഴ്ച ഉച്ചതിരിഞ്ഞ് 3.30നാണ് കുക്കികൾ സിആർപിഎഫ് ക്യാമ്പ് ആക്രമിച്ചത്. ആക്രമണത്തിൽ ഒരു സിആർപിഎഫ് ജവാന് പരിക്കേറ്റു. ആയുധങ്ങളുമായാണ് കുക്കികൾ സൈനിക ക്യാപിന് നേർക്ക് ആക്രമണം നടത്തിയത്. ഇവർ നേരത്തെ ബോറോബെക്ര പൊലീസ് സ്‌റ്റേഷനും ആക്രമിക്കുകയും ജകുരധോറിലെ മെയ്തേയ് വിഭാഗത്തിൽപ്പെട്ടവരുടെ നാല് വീടുകൾക്ക് തീയിടുകയും ചെയ്തിരുന്നു. കൊല്ലപ്പെട്ട കുക്കികളുടെ കയ്യിൽ നിന്നും നിരവധി ആയുധങ്ങളും കണ്ടെടുത്തിട്ടുണ്ട്. പരുക്കേറ്റ സിആർപിഎഫ് ജവാൻ ഇപ്പോൾ ചികിത്സയിലാണ്. ഇയാളെ ഹെലികോപ്റ്ററിലാണ് ആശുപത്രിയിലേക്ക് മാറ്റിയത്.
Latest News
മണിപ്പുരിൽ വീണ്ടും വെടിവയ്പ്; വ്യവസായികളെ തട്ടിക്കൊണ്ടുപോയി

കൊൽക്കത്ത ∙ ഇംഫാൽ ഈസ്റ്റ്- കാങ്പോക്പി അതിർത്തിയിൽ കുക്കി സായുധ സംഘവും ഗൂർഖ റജിമെന്റും തമ്മിൽ രൂക്ഷമായ വെടിവയ്പ്. ഇംഫാൽ ഈസ്റ്റിലെ അതിർത്തിയിലെ കൃഷി ഭൂമിയിൽ ജോലി ചെയ്യുന്നവർക്കു നേരെ കുക്കി കുന്നുകളിൽ നിന്നു വെടിവയ്പു നടത്തി. തുടർന്ന് അതിർത്തിയിൽ കാവൽനിൽക്കുന്ന ഗൂർഖാ റജിമെന്റ് തിരികെ വെടിവച്ചു. അരമണിക്കൂറിലധികം ഇതു നീണ്ടു. അതേസമയം, മണിപ്പുരിൽ നാഗാ ഗോത്രങ്ങളും മെയ്തെയ്കളും സംഘർഷത്തിന്റെ വക്കിലെത്തി. 2 നാഗാ ബിസിനസുകാരെ മെയ്തെയ് സായുധ ഗ്രൂപ്പായ ആരംഭായ് തെംഗോൽ അംഗങ്ങൾ തട്ടിക്കൊണ്ടുപോയി പണം പിടുങ്ങാകാൻ ശ്രമിച്ചതിനെത്തുടർന്നാണു സംഘർഷം.
India
മണിപ്പുരിൽ വീണ്ടും ആക്രമണം

കൊൽക്കത്ത ∙ ഏതാനും ദിവസത്തെ ഇടവേളയ്ക്കുശേഷം മണിപ്പുരിലെ ജിരിബാമിൽ സായുധ ഗ്രൂപ്പുകളുടെ ആക്ര‌മണം. പുലർച്ചെ വെടിവയ്പും ബോംബാക്രമണവും നടന്നെങ്കിലും ആർക്കും അപായമില്ല. അത്യാധുനിക ആയുധങ്ങൾ ഉപയോഗിച്ച് ഇന്നലെ പുലർച്ചെ ബോറബെക്ര പൊലീസ് സ്റ്റേഷനു സമീപമുള്ള ഗ്രാമം ആക്രമിക്കുകയായിരുന്നു. സിആർപിഎഫും പൊലീസും എത്തി തിരിച്ചു വെടിവച്ചതിനെത്തുടർന്ന് അക്രമികൾ പിൻവാങ്ങി. ഇതിനിടെ, ഇംഫാൽ ഈസ്റ്റ് ജില്ലയിൽ കാംഗ്ലിപാക് കമ്യുണിസ്റ്റ് പാർട്ടിയിൽ പെട്ട 2 തീവ്രവാദികളെ പൊലീസ് അറസ്റ്റ് ചെയ്തു.
India
മണിപ്പുർ: മുഖ്യമന്ത്രിക്കെതിരെ ബിജെപി; കേന്ദ്ര നേതൃത്വത്തിന് 19 എംഎൽഎമാരുടെ കത്ത്

കൊൽക്കത്ത ∙ മണിപ്പുർ മുഖ്യമന്ത്രി ബിരേൻ സിങ്ങിനെ മാറ്റണമെന്നാവശ്യപ്പെട്ട് 19 ബിജെപി എംഎൽഎമാർ കേന്ദ്ര നേതൃത്വത്തിനു നിവേദനം നൽകി. സ്പീക്കർ സത്യബ്രത, മന്ത്രിമാരായ തൗനാജം ബിശ്വജിത്, വൈ.ഖേംചന്ദ് ഉൾപ്പെടെയുള്ളവരാണു കത്തെഴുതിയത്. പ്രധാനമന്ത്രി നരേന്ദ്ര മോദിക്കും കത്തു നൽകിയിട്ടുണ്ട്.
India
Sunday Special ‘കേരളത്തിലേക്കു വരുന്നോ... ’: കിംഷിയെ തേടി ആ സന്ദേശമെത്തി; കൈ പിടിച്ച നാടിന് ഇന്ന് കൈത്താങ്ങായി അവർ

പാതിയിൽ നിലച്ചു പോയൊരു ഗാനം പോലെയായിരുന്നു കിംഷി ലഹൈനെകിമ്മിന്റെ ജീവിതം. അശാന്തിയുടെ താഴ്‌വരയിൽ ജീവിതം ഹോമിക്കപ്പെടുമെന്നുറപ്പിച്ചു കണ്ണീരോടെ കഴിയുമ്പോഴാണു സുഹൃത്തിന്റെ ഒരു സന്ദേശം വരുന്നത്. കേരളത്തിലേക്കു വരുന്നോ... രക്ഷപ്പെടാനുള്ള അവസാനത്തെ പിടിവള്ളിയായി കിംഷിക്കു തോന്നി. അവൾ മറുപടിയയച്ചു.. ഞാനും വരുന്നു...
Sunday
മണിപ്പുരിൽ 3 പേർ വെടിയേറ്റു മരിച്ചു

കൊൽക്കത്ത ∙ മണിപ്പുരിലെ ഉക്രുൽ ജില്ലയിൽ ഗാന്ധിജയന്തി ദിനത്തിൽ ശുചീകരണ പ്രവർത്തനങ്ങൾ നടത്തുന്നതുമായി ബന്ധപ്പെട്ട് ഇരുവിഭാഗങ്ങൾ തമ്മിലുള്ള സംഘർഷത്തിൽ പൊലീസുകാരൻ ഉൾപ്പെടെ 3 പേർ വെടിയേറ്റു കൊല്ലപ്പെട്ടു. നാഗാ ഗോത്രങ്ങളിലെ ഇരുവിഭാഗങ്ങളിലുള്ള തർക്കമാണ് സംഘർഷത്തിലെത്തിയത്. പ്രദേശത്ത് നിരോധനാജ്ഞ പ്രഖ്യാപിച്ചു.
India
മണിപ്പുരിൽ യുവാക്കളെ ബന്ദിയാക്കി

കൊൽക്കത്ത∙ മണിപ്പുരിൽ 3 മെയ്തെയ് യുവാക്കളെ കുക്കികൾ ബന്ദികളാക്കി. ജീവൻ രക്ഷിക്കണമെന്നാവശ്യപ്പെട്ട് ഇവർ മുഖ്യമന്ത്രി ബിരേൻ സിങ്ങിനോട് അഭ്യർഥിക്കുന്ന വിഡിയോ വൈറലായതോടെ ഇംഫാൽ താഴ്‌വരയിൽ വീണ്ടും സംഘർഷാവസ്ഥ ഉടലെടുത്തു. ബന്ദികളിൽ ഒരാളെ പിന്നീടു കുക്കികൾ മോചിപ്പിച്ചു.
India
മണിപ്പുർ: കുക്കി ഭൂരിപക്ഷ ജില്ലകൾ അടച്ചിടും

കൊൽക്കത്ത ∙ മണിപ്പുരിൽ സംഘർഷസാധ്യത മുൻനിർത്തി കുക്കി ഭൂരിപക്ഷ ജില്ലകൾ ഇന്ന് അടച്ചിടും. അതിർത്തികളിൽ കുക്കികളും മെയ്തെയ്കളും യുദ്ധസന്നാഹങ്ങളുമായി ഒരുങ്ങിയിരിക്കുകയാണ്. സിആർപിഎഫിന്റെയും സൈന്യത്തിന്റെയും നേതൃത്വത്തിൽ ഇന്നലെ നടത്തിയ തിരച്ചിലിൽ ഒട്ടേറെ ആയുധങ്ങൾ പിടിച്ചെടുത്തു.
India
മണിപ്പുർ: മെയ്തെയ് മേഖലയിൽ ചൈനീസ് ഗ്രനേഡ് പിടിച്ചു

കൊൽക്കത്ത ∙ മണിപ്പുരിൽ പൊലീസും ആർമിയും നടത്തിയ തിരച്ചിലിൽ ചൈനീസ് നിർമിത ഗ്രനേഡുകൾ ഉൾപ്പെടെയുള്ളവ പിടിച്ചെടുത്തു. ഹാൻഡ് ഗ്രനേഡുകൾ, റോക്കറ്റ് പ്രൊപ്പൽഡ് ഗ്രനേഡുകൾ, തോക്കുകൾ എന്നിവയും പിടിച്ചെടുത്തവയിൽപ്പെടും. മെയ്തെയ് ഭൂരിപക്ഷ ജില്ലയായ ബിഷ്ണുപുരിൽ നിന്നാണ് ചൈനീസ് ഗ്രനേഡുകൾ ഉൾപ്പെടെയുള്ള കണ്ടെടുത്തത്. നിരോധിത മെയ്തെയ് സായുധ സംഘടനകൾക്ക് ചൈനീസ് സഹായം ലഭിക്കുന്നുവെന്ന് നേരത്തേ ആരോപണമുണ്ടായിരുന്നു.
India
കുക്കി ആക്രമണ ഭീഷണി; മണിപ്പുരിൽ വൻ സുരക്ഷ

കൊൽക്കത്ത ∙ മണിപ്പുരിൽ 900 പേരടങ്ങിയ കുക്കി സംഘം ആക്രമണം നടത്തുമെന്ന ഇന്റലിജൻസ് റിപ്പോർട്ടിന്റെ അടിസ്ഥാനത്തിൽ വൻ സന്നാഹമൊരുക്കി. ആക്രമണം നടക്കുമെന്നു റിപ്പോർട്ട് ചെയ്യപ്പെട്ട 28 ന് ആരും പുറത്തിറങ്ങരുതെന്ന് ഇൻഡിജനസ് ട്രൈബൽ ലീഡേഴ്സ് ഫോറം (ഐടിഎൽഎഫ്) ആവശ്യപ്പെട്ടു. ഇതേസമയം, കുക്കി വിഭാഗക്കാരെ ഉന്മൂലനം ചെയ്യാനുള്ള പദ്ധതിയാണ് നടക്കുന്നതെന്ന് ആരോപിച്ച് 26 മുതൽ 29 വരെ കുക്കി ജില്ലാ അതിർത്തികൾ അടച്ചിടാൻ ഗോത്രവിഭാഗക്കാർ തീരുമാനിച്ചു.
India
7 വയസ്സുകാരനെയും അമ്മയെയും ചുട്ടുകൊന്നു; ക്രമസമാധാനം പെരുവഴിയിൽ; ആളിപടരുന്ന മണിപ്പുർ ‘തീ’

മണിപ്പുരിലെ പല കൃഷിയിടങ്ങളിലും വൻ സ്ഫോടകശേഷിയുള്ള ഗ്രനേഡുകളും ബോംബുകളും പുതഞ്ഞിരിപ്പുണ്ട്. ബിഷ്ണുപുരിലെ ക്വാക്തയിൽ കൃഷിഭൂമിയിൽ ഇറങ്ങുംമുൻപ് കർഷകർ വിശദപരിശോധന നടത്തും. ചുരാചന്ദ്പുരിലെ കുക്കി കുന്നുകളിൽനിന്നു വർഷിച്ച, പൊട്ടാത്ത ഒട്ടേറെ ഗ്രനേഡുകൾ ഇവിടെ കണ്ടെത്തിയിട്ടുണ്ട്. സമാന അനുഭവങ്ങളാണ് കാങ്പോക്പിയിലെ ഗോത്രവർഗക്കാരും പറയുന്നത്. യുദ്ധസമാനമാണ് കുക്കി-മെയ്തെയ് പോരാട്ടം നടക്കുന്ന അതിർത്തിമേഖലകളിലെ സ്ഥിതി. പക്ഷേ, യുദ്ധഭൂമിയിൽപോലും പാലിക്കപ്പെടുന്ന നിയമങ്ങൾക്ക് ഇവിടെ വിലയില്ലാതാകുന്നു. ആംബുലൻസ് തടഞ്ഞുനിർത്തി 7 വയസ്സുകാരനെയും അമ്മയെയും ചുട്ടുകൊന്നതിനു സമാനമായ സംഭവങ്ങൾ ആവർത്തിക്കപ്പെടുന്നു. കൊന്നു വീഴ്ത്തിയ ശരീരങ്ങൾ വികൃതമാക്കുന്നു. നിരായുധരായ കർഷകരെ വരെ കൊലപ്പെടുത്തുന്നു. മൊയ്‌രാങ്ങിനു സമീപത്തെ മെയ്തെയ് ഗ്രാമമായ ഓക്സുബാമിലെ കൊൻജംബാം മാതും എന്ന കർഷകൻ വെടിയൊച്ചകൾക്കും ഗ്രനേഡ് ആക്രമണങ്ങൾക്കും നടുവിലാണു കൃഷി ചെയ്യുന്നത്. ചുരാചന്ദ്പുരിലെ കുക്കി കുന്നുകളുടെ താഴ്‌വരയിലാണ് അദ്ദേഹത്തിന്റെ ചെറിയ കൃഷിയിടം. കലാപത്തിന്റെ തുടക്കത്തിൽ ഭയം കാരണം കൃഷി ചെയ്യാതിരുന്നു. ദാരിദ്ര്യം പിടിമുറുക്കിയതോടെ ഇത്തവണ രണ്ടുംകൽപിച്ച് തക്കാളിയും കോളിഫ്ലവറും ഉൾപ്പെടെ പച്ചക്കറിക്കൃഷി തുടങ്ങി. ‘വെടിയൊച്ച കേട്ടാൽ നിലത്തു ചേർന്നുകിടക്കും. പിന്നെ ഓടും. പാടത്തിനടുത്തുള്ള കനാലിൽ ഒളിച്ചിരിക്കേണ്ടി വന്നിട്ടുണ്ട്’ – അദ്ദേഹം പറഞ്ഞു. ഇംഫാൽ ഈസ്റ്റിലെ കുന്നുകളിൽ മണ്ണിൽ കുഴിച്ചിട്ട 28.5 കിലോഗ്രാം ഐഇഡിയാണ്
Opinion And Analysis
‌15 വയസ്സുള്ള വിദ്യാർഥികളുടെ കൈയിലും തോക്കുകൾ; മരണഭീതി ഉയർത്തി ഡ്രോൺ ആക്രമണം; മണിപ്പുരിൽ സ്ഥിതി സ്ഫോടനാത്മകം

കാങ്പോക്പി ഉൾപ്പെടുന്ന സദാർ ഹിൽസിലൂടെ യാത്ര ചെയ്തപ്പോൾ കുക്കികളുടെ ആയുധശേഖരങ്ങൾ കണ്ടു. വാഹനയാത്ര അതീവ ദുഷ്കരമായ ഇവിടെ പലയിടത്തും കുത്തനെയുള്ള കയറ്റങ്ങളാണ്. ഇംഫാൽ താഴ്‌വരയിലേക്കു തുറന്നുകിടക്കുന്ന സദാർ ഹിൽസിൽനിന്നുള്ള ആക്രമണം തടയുക സുരക്ഷാ ഏജൻസികൾക്ക് ഏറെ ബുദ്ധിമുട്ടാകും. നിലവിൽ സുരക്ഷാ ഏജൻസികൾക്ക് ഇവിടേക്കു പ്രവേശനമില്ല. ആരെങ്കിലും അതിനു ശ്രമിച്ചാൽ സ്ത്രീകൾ ഉൾപ്പെടെയുള്ളവരുടെ കടുത്ത പ്രതിഷേധമുണ്ടാകും. കുക്കികൾ വികസിപ്പിച്ചെടുത്ത പോംപി എന്ന മാരകായുധത്തെക്കുറിച്ചു വിശദീകരിക്കാനാണ് സായുധ ഗ്രൂപ്പുകൾ സദാർ ഹിൽസിലേക്കു കൊണ്ടുപോയത്. പരമ്പരാഗത തോക്കുകളുമായി 15 വയസ്സുമാത്രമുള്ള വിദ്യാർഥികൾ വരെ കാവലിരിക്കുന്നതു യാത്രയിലുടനീളം കാണാം. ഒരു നൂറ്റാണ്ടിന്റെ പഴക്കമുണ്ട് ഗോത്രവർഗക്കാർ വികസിപ്പിച്ചെടുത്ത പോംപിക്ക്. നീളമുള്ള മുളങ്കുഴലിനു മുകളിൽ പോത്ത്, മിഥുൻ (ഇണക്കിയെടുത്ത കാട്ടുപോത്ത് ഇനം) തുടങ്ങിയ മൃഗങ്ങളുടെ തുകൽ പൊതിഞ്ഞതായിരുന്നു പഴയകാലത്തെ പോംപി. വെടിമരുന്നു നിറച്ച് ഇരുമ്പുതകിടുകളും മറ്റും പോംപി ഉപയോഗിച്ചു ദൂരേക്കു തൊടുത്തുവിടും. ബ്രിട്ടിഷുകാരുമായുള്ള യുദ്ധത്തിലും സുഭാഷ് ചന്ദ്രബോസ് നയിച്ച ഐഎൻഎ യുദ്ധത്തിലും
Opinion And Analysis
ഗർഭിണി മരിച്ചു; മണിപ്പുരിൽ വീണ്ടും സംഘർഷം

ഇംഫാൽ ∙ മണിപ്പുരിൽ കഴിഞ്ഞയാഴ്ച നടന്ന വിദ്യാർഥി പ്രക്ഷോഭത്തിനിടെ പൊലീസും സൂരക്ഷാസേനയും കണ്ണീർവാതക ഷെല്ല് ഉപയോഗിച്ചതിനെത്തുടർന്ന് ആശുപത്രിയിലായിരുന്ന ഗർഭിണി മരിച്ചു. യുവതിയുടെ വയറ്റിൽ നിന്നെടുത്ത കുഞ്ഞ് നേരത്തെ മരിച്ചിരുന്നു. മരണവാർത്തയറിഞ്ഞ് ജനക്കൂട്ടം പ്രക്ഷോഭത്തിനായി തയാറെടുത്തെങ്കിലും മുഖ്യമന്ത്രി ബിരേൻ സിങ് സമരനേതാക്കളുമായി നടത്തിയ ചർച്ചയെത്തുടർന്ന് ജനക്കൂട്ടം പിരിഞ്ഞുപോയി. കർഫ്യൂ പിൻവലിച്ചതിനെത്തുടർന്ന് ഇംഫാലിൽ സംഘർഷാവസ്ഥ തുടരുകയാണ്.
India
‘വരാനിരിക്കുന്നത് ഇന്ത്യയിലെ ഏറ്റവും വലിയ ദുരന്തം’: പൈപ്പുകൾ റോക്കറ്റായി, പൊലീസിനു പോലുമില്ല ഈ ആയുധങ്ങൾ

ഭീതിപ്പെടുത്തുന്ന നിശ്ശബ്ദതയാണ് മണിപ്പുരിൽ. 16 മാസമായി പരസ്പരം യുദ്ധം ചെയ്യുകയാണ് ജനസംഖ്യയുടെ ഭൂരിപക്ഷമായ മെയ്തെയ്കളും ന്യൂനപക്ഷമായ കുക്കി ഗോത്രങ്ങളും. വൻതോതിലുള്ള ആയുധങ്ങളാണ് ഇരുവിഭാഗവും സംഭരിച്ചിട്ടുള്ളത്. വീണ്ടും അക്രമമുണ്ടായാൽ അതു രാജ്യത്തെ ഏറ്റവും വലിയ ദുരന്തങ്ങളിൽ ഒന്നായി മാറിയേക്കാമെന്നു സുരക്ഷാ ഏജൻസികൾ ഭയപ്പെടുന്നു. മണിപ്പുർ കലാപം വഴിത്തിരിവിലെത്തിയത് ജനവാസ കേന്ദ്രങ്ങൾക്കു നേരെ കുക്കികൾ റോക്കറ്റ്, ഡ്രോൺ ആക്രമണങ്ങൾ നടത്തിയതോടെയാണ്. അതിർത്തികളിൽനിന്നു പരസ്പരം വെടിയുതിർത്തിരുന്നവർ പുതിയ ആക്രമണരീതി പുറത്തെടുത്തത് സാധാരണക്കാരുടെ ജീവിതത്തെ അരക്ഷിതാവസ്ഥയിലാക്കി. അതിർത്തികളിൽനിന്ന് അഞ്ചും ആറും കിലോമീറ്റർ അകലെയുള്ള പ്രദേശങ്ങളിൽ ജീവിക്കുന്നവർ ജീവഭയത്തിലാണ്. 15 കിലോമീറ്റർ വരെ പ്രഹരശേഷിയുള്ള ആയുധങ്ങളാണ് ഇരുവിഭാഗങ്ങളും പ്രാദേശികമായി വികസിപ്പിച്ചെടുത്തത്.
Opinion And Analysis
മണിപ്പുരിൽ ‘കലാപജോലി’ക്ക് സ്ത്രീകൾക്കും ഡ്യൂട്ടി റജിസ്റ്റർ; നടക്കാതെ പോയ നീക്കം, മുന്നിൽ 6 വഴികൾ

‘ഞങ്ങളുടെ സൈനികസംഘത്തെ തടയാൻ നിന്ന ഒരു സ്ത്രീയെ കൂട്ടത്തിലുള്ളൊരാൾ തിരിച്ചറിഞ്ഞു. അന്വേഷിച്ചപ്പോൾ ആൾ അതു തന്നെ. ഞങ്ങളുടെ കൂട്ടത്തിലുള്ള ഒരു സൈനികന്റെ ഭാര്യ. അവർ നിൽക്കുന്നതിന്റെ 10 കി.മീ. അപ്പുറത്ത് അതേ സൈനികൻ കലാപ നിയന്ത്രണ ജോലിയിലുണ്ട്. സമുദായത്തിൽ നിന്നുള്ള സമ്മർദവും ഭയവുമാണ് ആ സാധാരണ സ്ത്രീയേയും കലാപഭൂമിയിലെത്തിച്ചത്. ആസൂത്രിത സംവിധാനങ്ങളായി ഓരോ സമുദായത്തിലെയും കലാപസംഘങ്ങൾ മാറി. ഇരു സമുദായങ്ങളിലും സ്ത്രീകൾക്കുൾപ്പെടെ ഡ്യൂട്ടി റജിസ്റ്ററുണ്ട്; 7 മണിക്കൂർ നേരം ‘കലാപ’ ജോലിക്കെത്തിയിരിക്കണം’. അപ്പോഴും നേർക്കുനേർ പോരിലുള്ള ഇരുസമുദായങ്ങളിലെയും 80% പേരും കലാപം അവസാനിപ്പിക്കാൻ ആഗ്രഹിക്കുന്നവരാണ്. സമുദായത്തിൽ നിന്നുള്ള സമ്മർദവും ഭയവും അവരെ ആയുധമെടുപ്പിക്കുന്നു’– കലാപം കലുഷിതമായ മണിപ്പുരിൽ അസം റൈഫിൾസിന്റെ ഡയറക്ടർ ജനറലായിരുന്ന ലഫ്. ജനറൽ പ്രദീപ് ചന്ദ്രൻ നായർ ‘മനോരമയ്ക്ക്’ അനുവദിച്ച അഭിമുഖത്തിൽ പറഞ്ഞു. ഇപ്പോഴും കെട്ടടങ്ങാത്ത കലാപ കനലിന്റെ ഉള്ളറകളെക്കുറിച്ചും പ്രശ്ന പരിഹാര സാധ്യതളെക്കുറിച്ചും കോഴിക്കോട് സ്വദേശിയായ ഡോ. പ്രദീപ് ചന്ദ്രൻ നായർ സംസാരിക്കുന്നു:
Opinion And Analysis
‘മണിപ്പൂരിലേത് ഭീകരവാദമല്ല, വംശീയ സംഘര്‍ഷം’: മാധ്യമപ്രവർത്തകരോടു ക്ഷോഭിച്ച് അമിത് ഷാ

ന്യൂഡൽഹി ∙ മൂന്നാം മോദി സർക്കാരിന്റെ നൂറാം ദിനത്തിൽ, ഇതുവരെയുള്ള പ്രവർത്തനങ്ങൾ വിശദീകരിക്കാൻ വിളിച്ചു ചേർത്ത വാർത്താ സമ്മേളനത്തിൽ പ്രകോപിതനായി കേന്ദ്ര ആഭ്യന്തര മന്ത്രി അമിത് ഷാ. മണിപ്പുർ കലാപത്തെ കുറിച്ചുള്ള മാധ്യമപ്രവർത്തകരുടെ ചോദ്യമാണ് അദ്ദേഹത്തെ ചൊടിപ്പിച്ചത്. ബിരേൻ സിങ് മുഖ്യമന്ത്രിയായി തുടരുന്നത് എന്തുകൊണ്ടെന്നു ചോദിച്ചപ്പോൾ ‘നിങ്ങൾക്ക് ചോദിക്കാം, എന്നാൽ തർക്കിക്കേണ്ട’ എന്നായിരുന്നു അമിത് ഷായുടെ മറുപടി. മണിപ്പുരില്‍ നടക്കുന്നത് ഭീകരവാദമല്ല, വംശീയ സംഘര്‍ഷമാണ്. സമാധാനം പുനഃസ്ഥാപിക്കാന്‍ സര്‍ക്കാര്‍ നിരവധി നടപടികള്‍ സ്വീകരിച്ചിട്ടുണ്ട്. കുക്കി, മെയ്‌തെയ് വിഭാഗങ്ങളുമായി ചര്‍ച്ചകള്‍ നടത്തിവരികയാണെന്നും അമിത് ഷാ പറഞ്ഞു.
Latest News
നവജാത ശിശു മരിച്ചു, അമ്മയ്ക്ക് പരുക്ക്: മണിപ്പുരിൽ വീണ്ടും സംഘർഷം

ഇംഫാൽ ∙ നവജാത ശിശു മരിക്കുകയും മാതാവു ഗുരുതരാവസ്ഥയിൽ ആശുപത്രിയിൽ പ്രവേശിപ്പിക്കപ്പെടുകയും ചെയ്തതോടെ മണിപ്പുരിൽ വീണ്ടും സംഘർഷാവസ്ഥ. കുഞ്ഞിന്റെ മൃതദേഹവുമായി ബന്ധുക്കൾ പൊലീസ് സ്റ്റേഷനിലെത്തിയതു വികാരനിർഭരമായ നിമിഷങ്ങൾ സൃഷ്ടിച്ചു.
India
മണിപ്പുർ: ഡ്രോൺ ആക്രമണത്തിന് തെളിവില്ലെന്ന് സൈന്യം

കൊൽക്കത്ത ∙ ഇംഫാൽ താഴ്‌വരയിൽ കുക്കികൾ ഡ്രോണുകളിൽ ബോംബ് വർഷിച്ചുവെന്നതിന് തെളിവുകൾ ലഭിച്ചിട്ടില്ലെന്ന് സൈന്യം. സമൂഹമാധ്യമങ്ങളിൽ പ്രചരിച്ച, ഡ്രോണുകളിൽ നിന്ന് ബോംബ് വർഷിക്കുന്നതിന്റെ വിഡിയോകൾ മ്യാൻമറിൽ നിന്നുള്ളതാണെന്ന് സൈന്യം അറിയിച്ചു. കുക്കി ഭീകരർ മെയ്തെയ് പ്രദേശങ്ങളിൽ ഡ്രോൺ ആക്രമണം നടത്തിയതിൽ 2 പേർ കൊല്ലപ്പെട്ടെന്നും ഒട്ടേറെ പേർക്ക് പരുക്കേറ്റെന്നും മണിപ്പുർ പൊലീസ് ആണ് ആദ്യം പറഞ്ഞത്.
India
സൈനിക തോക്കുകളുമായി മണിപ്പുർ പൊലീസ്, വിമർശനവുമായി കുക്കികൾ

കൊൽക്കത്ത ∙ ഡ്രോൺ ആക്രമണവും റോക്കറ്റ് ആക്രമണവും ഉണ്ടായ സാഹചര്യത്തിൽ സൈനിക ആയുധങ്ങളുമായി മണിപ്പുർ പൊലീസ്. മീഡിയം മെഷീൻ ഗണ്ണുകൾ (എംഎംജി) വാങ്ങിയ മണിപ്പുർ പൊലീസ് പരിശീലനത്തിനായി സൈന്യത്തിന്റെ സഹായം തേടി.
India
കർഫ്യൂ തുടരുന്നു, പൊട്ടിത്തെറിയുടെ വക്കിൽ ഇംഫാൽ

കൊൽക്കത്ത ∙ മണിപ്പുരിൽ സംഘർഷാന്തരീക്ഷത്തിന് അയവില്ല. മോങ്ബൂങ്ങിൽ മെയ്തെയ്കളും കുക്കികളും മണിക്കൂറുകളോളം പരസ്പരം വെടിയുതിർത്തു. ജിരിബാമിലെ ബൊറോബെക്രയിൽ പ്രാഥമികാരോഗ്യകേന്ദ്രത്തിന് അജ്ഞാതർ തീയിട്ടു. ആളപായമില്ല. മോങ്ബുങ്ങിലെ ഗ്രാമങ്ങൾക്കുനേരെ കുക്കികൾ ബോംബാക്രമണം നടത്തിയതായി മെയ്തെയ് സംഘടനകൾ ആരോപിച്ചു.
India
ശാന്തിയിലേക്ക് ഇനിയുമെത്ര ദൂരം?

ഇടവേളയ്ക്കുശേഷം മണിപ്പുർ വീണ്ടും അശാന്തിയിലാണ്. തുടരുന്ന സംഘർഷത്തിന് അറുതിവരുത്തി അവിടെ ശാന്തി പുലർത്താൻ കേന്ദ്ര സർക്കാരിന്റെ ഭാഗത്തുനിന്നു കാര്യമായ ശ്രമങ്ങളെ‍ാന്നും ഉണ്ടാകുന്നില്ല; മുഖ്യമന്ത്രി ബിരേൻ സിങ്ങിനു നിക്ഷിപ്ത താൽപര്യങ്ങളുണ്ടെന്ന് ആരോപിക്കപ്പെടുന്ന സാഹചര്യത്തിൽ വിശേഷിച്ചും.
Editorial
മണിപ്പുർ: സംഘർഷം രൂക്ഷം; ഇംഫാൽ താഴ്‌വരയിൽ കർഫ്യൂ

കൊൽക്കത്ത ∙ മണിപ്പുരിൽ വിദ്യാർഥിപ്രക്ഷോഭം ആളിക്കത്തിയതോടെ ഇംഫാൽ താഴ്‌വരയിൽ അനിശ്ചിതകാലത്തേക്കു കർഫ്യൂ പ്രഖ്യാപിച്ചു. 5 ദിവസത്തേക്ക് ഇന്റർനെറ്റ് നിരോധിച്ചു. ഇംഫാൽ ഈസ്റ്റിലും വെസ്റ്റിലും ആളുകൾ വീടിനു പുറത്തിറങ്ങുന്നതു തടഞ്ഞ് കലക്ടർമാർ ഉത്തരവിട്ടു. രാജ്ഭവനിലേക്ക് മാർച്ച് നടത്തിയ മെയ്തെയ് വിദ്യാർഥികൾ ഇന്നലെയും സുരക്ഷാസേനയുമായി ഏറ്റുമുട്ടി. 40 പേർക്ക് പരുക്കേറ്റു.
India
മണിപ്പുരിൽ സംഘർഷം രൂക്ഷം; അഞ്ചു ദിവസത്തേക്ക് ഇന്റർനെറ്റ് സേവനം റദ്ദാക്കി

ഇംഫാൽ∙ സംഘർഷം രൂക്ഷമായ മണിപ്പുരിൽ അഞ്ചു ദിവസത്തേക്ക് ഇന്റർനെറ്റ് സേവനം റദ്ദാക്കി. വിദ്വേഷ പരാമർശങ്ങളും വിഡിയോകളും സമൂഹമാധ്യമത്തിലൂടെ പ്രചരിക്കുന്നത് ക്രമസമാധാന പ്രശ്നങ്ങൾക്ക് കാരണമാകുന്നു എന്നു ചൂണ്ടിക്കാട്ടിയാണ് നടപടി. ആഭ്യന്തര വകുപ്പാണ് ഇതു സംബന്ധിച്ച ഉത്തരവ് പുറപ്പെടുവിച്ചത്. ഇന്നു മുതൽ സെപ്റ്റംബർ 15 വൈകിട്ട് മൂന്നു വരെയാണ് സേവനം നിർത്തിവയ്ക്കുക എന്ന് സർ‌ക്കാർ പുറത്തിറക്കിയ ഉത്തരവിൽ പറയുന്നു.
Latest News
മണിപ്പുരിൽ സ്ത്രീ കൊല്ലപ്പെട്ടു; വീടുകൾക്ക് തീയിട്ട് അക്രമികൾ, വനത്തിലേക്ക് രക്ഷപ്പെട്ട് നാട്ടുകാർ

ഇംഫാൽ ∙ സംഘർഷഭരിതമായ മണിപ്പുരിൽ കുക്കി–മെയ്തെയ് ഏറ്റുമുട്ടലിനിടെ ഒരു സ്ത്രീ കൊല്ലപ്പെട്ടു. കാങ്പോക്പി ജില്ലയിലെ താങ്ബ ഗ്രാമത്തിൽ ഞായറാഴ്ച രാത്രിയുണ്ടായ സംഘർഷത്തിൽ കുടുങ്ങിപ്പോയ നെംജാഖോൽ ഹങ്ഡിം (46) ആണ് കൊല്ലപ്പെട്ടത്. അക്രമികൾ ഒട്ടേറെ വീടുകൾക്കു തീയിട്ടു. നാട്ടുകാർ വനത്തിനുള്ളിലേക്ക് ഓടി രക്ഷപ്പെടുകയാണെന്ന് പൊലീസ് പറഞ്ഞു. ഏറ്റുമുട്ടലിനിടെ ഇരുപക്ഷവും പരസ്പരം ബോംബെറിഞ്ഞെന്നും വിവരമുണ്ട്. തിങ്കളാഴ്ച രാത്രി സിആർപിഎഫ് സംഘത്തിനുനേരെയും പ്രതിഷേധക്കാർ ആക്രമണം നടത്തി.
Latest News
ജിരിബാമിൽ 6 പേർ കൊല്ലപ്പെട്ടു; കൊല്ലപ്പെട്ടവരിൽ 16 വയസ്സുകാരനും

കൊൽക്കത്ത ∙ മണിപ്പുരിലെ ജിരിബാമിൽ മെയ്തെയ് -കുക്കി സായുധ ഗ്രൂപ്പുകളുടെ ഏറ്റുമുട്ടലിൽ 6 പേർ കൊല്ലപ്പെട്ടു. കൊല്ലപ്പെട്ടവരിൽ 4 പേർ കുക്കി ഗ്രാമസംരക്ഷണ പ്രവർത്തകരാണെന്ന് ഇൻഡിജിനസ് ട്രൈബൽ ലീഡേഴ്സ് ഫോറം പറഞ്ഞു. ഇവരിലൊരാൾക്ക് 16 വയസ്സു മാത്രമാണു പ്രായം.
India
മണിപ്പുരിൽ സംഘർഷം വീണ്ടും രൂക്ഷം; ആക്രമണത്തിന് റോക്കറ്റുകളും ഡ്രോണും

കൊൽക്കത്ത ∙ റോക്കറ്റ് ആക്രമണത്തിൽ ബിഷ്ണുപുർ ജില്ലയിലെ മൊയ്രാങ്ങിൽ ഒരാൾ കൊല്ലപ്പെട്ടതോടെ മണിപ്പുരിൽ വീണ്ടും യുദ്ധസമാനമായ സാഹചര്യം. ഡ്രോൺ ആക്രമണത്തിൽ കഴിഞ്ഞ ദിവസം ഇംഫാൽ വെസ്റ്റിൽ 2 പേർ കൊല്ലപ്പെട്ടിരുന്നു. വീണ്ടും കലാപം തുടങ്ങിയ പശ്ചാത്തലത്തിൽ ഇന്ന് സംസ്ഥാനത്തെ സ്കൂളുകൾക്ക് അവധി പ്രഖ്യാപിച്ചു.
India
സമാധാനക്കരാർ പൊളിഞ്ഞു; ജിരിബാമിൽ വീടിന് തീയിട്ടു

കൊൽക്കത്ത ∙ മണിപ്പുരിലെ ജിരിബാമിൽ മെയ്തെയ് - കുക്കി സംഘടനകൾ തമ്മിലുള്ള സമാധാനക്കരാർ മണിക്കൂറുകൾക്കകം പൊളിഞ്ഞു. കരാറിനു സാധുതയില്ലെന്ന് മാർ ഗോത്രങ്ങളുടെ ഉന്നതാധികാര സമിതി അറിയിച്ചു. തൊട്ടുപിന്നാലെ ജിരിബാമിൽ ഉപേക്ഷിക്കപ്പെട്ട മെയ്തെയ് വീടിന് അക്രമികൾ തീയിട്ടു. അക്രമികൾ വെടിവയ്പ് നടത്തി ഭീകരാന്തരീക്ഷം സൃഷ്ടിക്കുകയും ചെയ്തു.
India
മണിപ്പുർ: ഒരു ജില്ലയിൽ മെയ്തെയ്– കുക്കി സമാധാനക്കരാർ

കൊൽക്കത്ത ∙ മണിപ്പുരിലെ ജിരിബാം ജില്ലയിൽ മെയ്തെയ് -കുക്കി സംഘടനകൾ സമാധാനക്കരാറിൽ ഒപ്പുവച്ചു. സിആർപിഎഫിന്റെ നേതൃത്വത്തിൽ ജില്ലാ ഭരണകൂടത്തിന്റെയും വിവിധ സേനാ വിഭാഗങ്ങളുടെയും സാന്നിധ്യത്തിലായിരുന്നു കരാർ. വെടിവയ്പോ തീവയ്പോ നടത്തില്ലെന്നും സുരക്ഷാ ഏജൻസികളുമായി സഹകരിക്കുമെന്നും കരാറിലുണ്ട്.
India
മണിപ്പുരിൽ കലാപകാരികൾ വെടിയുതിർത്തു; സിആർപിഎഫ് ജവാന് വീരമൃത്യു

ഇംഫാൽ ∙ മണിപ്പുരിലെ ജിരിബാം ജില്ലയിലുണ്ടായ ആക്രമണത്തിൽ സിആർപിഎഫ് ജവാന് വീരമൃത്യു. ബിഹാർ സ്വദേശി അജയ് കുമാർ ഝായാണ് മരിച്ചത്. കലാപം നടക്കുന്ന ജിരിബാമിലെ മോങ്ബങ് ഗ്രാമത്തിലാണ് സംഭവം. കുക്കി സായുധസംഘം ജവാനുനേരെ വെടിയുതിർക്കുകയായിരുന്നു. ഞായറാഴ്ച രാവിലെയാണ് സംഭവം.
Latest News
ആക്രമണങ്ങളിൽ നടപടി തേടി കത്തോലിക്കാ മെത്രാൻ സമിതി

ന്യൂഡൽഹി ∙ പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയിൽ മണിപ്പുർ കലാപം, ക്രൈസ്തവർക്കെതിരെയുള്ള അതിക്രമങ്ങൾ തുടങ്ങിയ വിഷയങ്ങളിൽ കാത്തലിക് ബിഷപ്സ് കോൺഫറൻസ് ഓഫ് ഇന്ത്യ (സിബിസിഐ) ആശങ്ക രേഖപ്പെടുത്തി. പ്രസിഡന്റ് ആർച്ച് ബിഷപ് മാർ ആൻഡ്രൂസ് താഴത്തിന്റെ നേതൃത്വത്തിലുള്ള സംഘമാണ് ഇന്നലെ മോദിയെ കണ്ടത്. മണിപ്പുരിൽ സമാധാനവും സാഹോദര്യവും പുലരാനായി ഇടപെടണമെന്ന് ആവശ്യപ്പെട്ടു. മണിപ്പുരിലേത് ഗോത്രങ്ങൾ തമ്മിലുള്ള പ്രശ്നമാണെന്നും സമാധാനം ഉറപ്പാക്കുന്നതിന് സർക്കാർ പ്രതിജ്ഞാബദ്ധമാണെന്നും മോദി സംഘത്തെ അറിയിച്ചു.
India
‘ഞാൻ മണിപ്പൂർ ജനതയുടെ സഹോദരൻ’: സമാധാന സന്ദേശവുമായി രാഹുൽ ഗാന്ധി മണിപ്പൂരിൽ

കൊൽക്കത്ത ∙ രണ്ടാം ഭാരത് ജോഡോയാത്രയ്ക്കു തുടക്കമിട്ട മണിപ്പുരിന്റെ മണ്ണിലേക്ക് മനുഷ്യസങ്കടങ്ങൾ ഏറ്റെടുക്കാൻ പ്രതിപക്ഷനേതാവ് രാഹുൽഗാന്ധിയെത്തി. മണിപ്പുരിലെ സ്ഥിതി മാറിയിട്ടുണ്ടാകുമെന്ന പ്രതീക്ഷയിലാണു വീണ്ടുമെത്തിയതെങ്കിലും ഒരു മാറ്റവുമുണ്ടായിട്ടില്ലെന്നതു വേദനയുളവാക്കുന്നുവെന്നു പറഞ്ഞ രാഹുലിന്റെ മുന്നിൽ കലാപത്തിന്റെ ഇരകൾ ദുരിതത്തിന്റെ കെട്ടഴിച്ചു. കുക്കി-മെയ്തെയ് മേഖലകളിലെത്തിയ രാഹുലിനെ അവർ ഇരുകയ്യുംനീട്ടി സ്വീകരിച്ചു.
Latest News
പാർലമെന്റിൽ അസം ജനതയുടെ സൈനികനാകും; സാധ്യമായതെല്ലാം ചെയ്യും: രാഹുൽ ഗാന്ധി

ഗുവാഹത്തി∙ അസം ജനതയുടെ സൈനികനായി ലോക്‌സഭയിൽ പോരാടുമെന്നു പ്രതിപക്ഷ നേതാവ് രാഹുൽ ഗാന്ധി. അസമിലെ അവസ്ഥയ്ക്കു പരിഹാരമായി ഹ്രസ്വകാല പദ്ധതികൾ, മുഴുവൻ വടക്കുകിഴക്കൻ സംസ്ഥാനങ്ങളിലെയും പ്രളയ നിയന്ത്രണത്തിനായുള്ള ദീർഘകാല പദ്ധതികള്‍ എന്നിവ നടപ്പിലാക്കണമെന്നു കേന്ദ്ര സർക്കാരിനോട് ആവശ്യപ്പെടുന്നതായി രാഹുൽ പറഞ്ഞു.
Latest News
രാഹുൽ ഗാന്ധി നാളെ മണിപ്പുരിൽ; അഭയാർഥി ക്യാംപുകൾ സന്ദർശിക്കും

ന്യൂഡൽഹി/ ഇംഫാൽ∙ ലോക്സഭയിലെ പ്രതിപക്ഷനേതാവ് രാഹുൽ ഗാന്ധി നാളെ മണിപ്പുരിൽ സന്ദർശനം നടത്തും. കഴി‍ഞ്ഞവർഷം കലാപം പൊട്ടിപ്പുറപ്പെട്ട ശേഷം രാഹുലിന്റെ മൂന്നാമത്തെ സന്ദർശനമാണിത്. അസമിലെ സിൽച്ചറിൽ വിമാനമിറങ്ങുന്ന രാഹുൽ അവിടെനിന്നു മണിപ്പുരിലെ ജിരിബാമിലേക്കു പോകും.
India
മണിപ്പുരിനെ വീണ്ടെടുക്കാം

കേരളത്തിലെ ജനസംഖ്യയുടെ പത്തിലെ‍ാന്നോളം മാത്രമേയുള്ളൂ മണിപ്പുരിലെ ജനസംഖ്യ. ആ ജനത കടന്നുപോകുന്ന അതികഠിനകാലം രാജ്യത്തിന്റെയാകെ സങ്കടമായിത്തീർന്നിട്ട് പതിനാലു മാസമായി. വിവേകപൂർണമായ നടപടികളിലൂടെ അവിടെ ശാശ്വതസമാധാനത്തിനു വഴിതുറക്കാൻ കേന്ദ്ര – സംസ്ഥാന സർക്കാരുകൾക്ക് ഇതുവരെ കഴിഞ്ഞിട്ടുമില്ല.
Editorial
മണിപ്പുർ സർക്കാരിനെ വിശ്വാസമില്ല: സുപ്രീം കോടതി

ന്യൂഡൽഹി ∙ മണിപ്പുർ കലാപക്കേസിലെ വിചാരണത്തടവുകാരന് കുക്കി വിഭാഗത്തിൽപെട്ടയാളെന്ന കാരണത്താൽ ചികിത്സ നൽകാത്തതിൽ സംസ്ഥാന സർക്കാരിനെ സുപ്രീം കോടതി രൂക്ഷമായി വിമർശിച്ചു. സർക്കാരിനെ വിശ്വസിക്കില്ലെന്നു പറഞ്ഞ ജസ്റ്റിസ് ജെ.ബി.പർദിവാല അധ്യക്ഷനായ ബെഞ്ച്, തടവുകാരനെ എത്രയും വേഗം ഗുവാഹത്തി മെഡിക്കൽ കോളജിലെത്തിച്ചു ചികിത്സ നൽകാനും നിർദേശിച്ചു.
India
മണിപ്പുർ: രാജ്യസഭയിൽ മൗനം വെടിഞ്ഞ് മോദി

ന്യൂഡൽഹി ∙ മണിപ്പുർ കലാപം സംബന്ധിച്ച് പ്രധാനമന്ത്രി നരേന്ദ്ര മോദി ലോക്സഭയിൽ പുലർത്തിയ മൗനം രാജ്യസഭയിൽ വെടിഞ്ഞു; സംസ്ഥാനത്ത് സമാധാനാന്തരീക്ഷം പുനഃസ്ഥാപിക്കാനുള്ള ശ്രമങ്ങൾ തുടരുകയാണെന്ന് രാഷ്ട്രപതിയുടെ അഭിസംബോധനയ്ക്കുള്ള നന്ദിപ്രമേയ ചർച്ചയ്ക്കു മറുപടി നൽകവെ മോദി പറഞ്ഞു. എരിതീയിൽ എണ്ണയൊഴിക്കാനുള്ള ശ്രമം പ്രതിപക്ഷം ഉപേക്ഷിക്കണമെന്നും ആവശ്യപ്പെട്ടു.
India
ഇത് മണിപ്പൂരിലെ സംഘർഷത്തിൽ തകർത്ത മാതാവിന്റെ രൂപമല്ല ; സത്യമിതാണ് | Fact Check

തിരഞ്ഞെടുപ്പ് വിജയത്തിന് പിന്നാലെ ലൂർദ്ദ് പള്ളിയിലെ മാതാവിന് സുരേഷ് ഗോപി സ്വർണ്ണ കൊന്ത സമർപ്പിച്ചത് സമൂഹമാധ്യമങ്ങളിൽ ഏറെ ചർച്ചയായിരുന്നു. ഇതിനിടെ മണിപ്പൂരില്‍ മാതാവിന്റെ രൂപം തകര്‍ത്തു എന്ന പേരിൽ ഒരു ചിത്രം സമൂഹമാധ്യമങ്ങളിൽ വൈറലാകുന്നുണ്ട്. “തൃശൂരിലെ മാതാവിന് സ്വര്‍ണ്ണം അണിയിക്കുന്നത് കാണുന്ന
Viral
മണിപ്പുരിൽ വീണ്ടും സംഘർഷം പടരുന്നു; പൊലീസ് ഔട്പോസ്റ്റിനും വീടുകൾക്കും തീയിട്ടു

കൊൽക്കത്ത ∙ മണിപ്പുരിലെ ജിരിബാമിൽ മെയ്തെയ് യുവാവിനെ കഴുത്തറുത്തു കൊന്നതിനെത്തുടർന്നുണ്ടായ സംഘർഷം കൂടുതൽ ശക്തമാകുന്നു. അനിശ്ചിത കാലത്തേക്ക് കർഫ്യൂ പ്രഖ്യാപിച്ചിരിക്കുന്ന ജിരിബാമിൽ ഇന്നലെ പൊലീസ് ഔട്പോസ്റ്റിനും ഒട്ടേറെ വീടുകൾക്കും തീയിട്ടു. സംഭവത്തെത്തുടർന്ന് ജിരിബാം പൊലീസ് സൂപ്രണ്ട് എ.ഘനശ്യാം ശർമയെ അടിയന്തരമായി സ്ഥലംമാറ്റി.
India
മണിപ്പുരിൽ വീണ്ടും വൻ സംഘർഷം; 3 കുക്കി ഗ്രാമങ്ങൾ തീയിട്ടു

കൊൽക്കത്ത ∙ മണിപ്പുരിലെ ജിരിബാമിൽ മെയ്തെയ് യുവാവിനെ കഴുത്തറുത്തു കൊന്നതിനെത്തുടർന്ന് വൻ സംഘർഷം. 3 കുക്കി ഗ്രാമങ്ങൾ മെയ്തെയ് സായുധ സംഘങ്ങൾ തീയിട്ടു. തിരിച്ചടിയായി ഏതാനും മെയ്തെയ് വീടുകൾ തകർത്തു. ജിരിബാമിൽ അനിശ്ചിത കാലത്തേക്ക് കർഫ്യൂ പ്രഖ്യാപിച്ചിട്ടുണ്ട്.
India
മണിപ്പുർ എന്ന ദീർഘവിലാപം

നീണ്ടുപോകുകയാണ് ആ നിസ്സഹായ വിലാപം. കേരളത്തിലെ ജനസംഖ്യയുടെ പത്തിലെ‍ാന്നോളം മാത്രമുള്ള മണിപ്പുർ ജനത അനുഭവിക്കുന്ന സങ്കടങ്ങളുടെ ആഴവും പരപ്പും നമുക്കു സങ്കൽപിക്കാനാവുമോ? അവിടെ 230ൽ അധികം പേർ ഇതിനകം കൊല്ലപ്പെട്ടുകഴിഞ്ഞു. എത്രയോ കുടുംബങ്ങളുടെ വേരറ്റു. അരലക്ഷത്തിലധികം പേർ ഭവനരഹിതരായി. ഒട്ടേറെ ഗ്രാമങ്ങൾ ചാമ്പലായി; വിവിധ വിഭാഗങ്ങളുടെ ആരാധനാലയങ്ങൾ നശിപ്പിക്കപ്പെട്ടു. എത്രയോ പേർ അഭയാർഥികളായി അന്യസംസ്ഥാനങ്ങളിലെത്തി. എത്രയോ പേർ പലായനം തുടരുന്നു.
Editorial
മണിപ്പുർ കലാപം: ഹർത്താലും പ്രാർഥനയുമായി ഒന്നാം വാർഷികം

കൊൽക്കത്ത ∙ മണിപ്പുർ കലാപത്തിന്റെ ഒന്നാം വാർഷികദിനത്തിൽ കുക്കി ഗോത്രമേഖലയിൽ ഹർത്താൽ ആചരിച്ചു. കലാപത്തിൽ കൊല്ലപ്പെട്ടവർക്കായി പ്രത്യേക പ്രാർഥനകളും ചുരാചന്ദ്പുർ, കാങ്പോക്പി, തെഗ്നോപാൽ ജില്ലകളിൽ നടന്നു. ഡൽഹി ഉൾപ്പെടെയുള്ള നഗരങ്ങളിലും രക്തസാക്ഷിത്വ ദിനാചരണം നടന്നു. മെയ്തെയ് മേഖലകളിലും പ്രാർഥനകൾ നടന്നു.
India
മണിപ്പുർ കലാപം: ഒന്നാം വാർഷികത്തിലും തീയണയുന്നില്ല

കൊൽക്കത്ത ∙ മണിപ്പുർ കലാപത്തിന് ഇന്ന് ഒരു വർഷം പൂർത്തിയാകുന്നു. 230 ൽ അധികം പേർ കൊല്ലപ്പെടുകയും അരലക്ഷത്തിലധികം പേർ ഭവനരഹിതരാകുകയും ചെയ്ത കലാപത്തിൽ ഇപ്പോഴും കൊലപാതകങ്ങളും ആക്രമണങ്ങളും നടക്കുന്നു. ഗോത്രവിഭാഗക്കാരുടെ നേതൃത്വത്തിൽ ഇന്ന് ഗോത്ര ഭൂരിപക്ഷ ജില്ലകളിൽ ഹർത്താൽ നടത്തും. ഡൽഹി ഉൾപ്പെടെ വിവിധ കേന്ദ്രങ്ങളിൽ രക്തസാക്ഷിദിനം ആചരിക്കും.
India
മണിപ്പുരിൽ സേനാവാഹനം തടഞ്ഞ് സ്ത്രീകൾ, വൻ പ്രതിഷേധം; ആകാശത്തേയ്ക്ക് വെടിവച്ച് സൈന്യം

ഇംഫാൽ∙ മണിപ്പുരിലെ ബിഷ്ണുപുർ ജില്ലയിൽ സൈനിക വാഹനം തടഞ്ഞ് മെയ്‌തെയ് വിഭാഗത്തിൽപ്പെട്ട സ്ത്രീകളുടെ സംഘം. കുമ്പി പ്രദേശത്ത് രാവിലെ പട്രോളിങ്ങിനിടെ
Latest News
മണിപ്പുരിൽ ഭീകരാക്രമണം: 2 സിആർപിഎഫ് ജവാന്മാർ വീരമൃത്യു വരിച്ചു

ബിഷ്ണുപുർ∙ മണിപ്പുരിലെ ബിഷ്ണുപ്പുര്‍ ജില്ലയിലെ നരൻസേന മേഖലയിലുണ്ടായ ആക്രമണത്തിൽ രണ്ട് സിആർപിഎഫ് ജവാന്മാർ വീരമൃത്യു. രണ്ടുപേർക്കു പരുക്കേറ്റു. നരൻസേന ഗ്രാമത്തിലെ ഒരു കുന്നിൻമുകളിൽനിന്നും താഴ്‍വരയിലേക്ക് സുരക്ഷാ ഉദ്യോഗസ്ഥരുടെ കേന്ദ്രം ലക്ഷ്യമിട്ട് ഒരു സംഘം ഭീകരവാദികള്‍
Latest News
മണിപ്പുർ: ഇംഫാലിൽ സംഘർഷം, വെടിവയ്പ്; സ്ഫോടനത്തിൽ പാലം തകർത്തു

കൊൽക്കത്ത ∙ മണിപ്പുരിൽ തിരഞ്ഞെടുപ്പിന്റെ അവസാനഘട്ടത്തിനു തൊട്ടുമുൻപു വീണ്ടും വ്യാപകമായ അക്രമം. കാങ്പോക്പിയിൽ ദേശീയപാതയിലെ പാലം 3 സ്ഫോടനങ്ങളിൽ ഭാഗികമായി തകർത്തു. ഇതോടെ ഗതാഗതം തിരിച്ചുവിട്ടു. ഇംഫാലിനെയും നാഗാലാൻഡിലെ ദിമാപുരിനെയും ബന്ധിപ്പിക്കുന്ന പ്രധാന ദേശീയപാതയിലെ പാലത്തിലായിരുന്നു സ്ഫോടനം.
India
കലാപ മണിപ്പുരിന്റെ വിലാപവർഷം

മണിപ്പുർ വംശീയ കലാപം തുടങ്ങിയിട്ട് ഒരു വർഷം ആകുമ്പോഴും സംഘർഷം അവസാനിപ്പിക്കാൻ ഒരു ശ്രമവും കേന്ദ്ര- സംസ്ഥാന സർക്കാരുകളുടെ ഭാഗത്തുനിന്നുണ്ടാകുന്നില്ല. 230ൽ അധികം പേർ കൊല്ലപ്പെടുകയും അരലക്ഷം പേർ ഭവനരഹിതരാകുകയും നൂറുകണക്കിനു ക്രിസ്തീയ ദേവാലയങ്ങൾ തകർക്കപ്പെടുകയും ചെയ്ത കലാപം തുടരുന്നു; രാജ്യത്തെ ഏറ്റവും ദൈർഘ്യമേറിയ കലാപം എന്ന കുപ്രസിദ്ധിയുമായി. കഴിഞ്ഞ വർഷം മേയ് മൂന്നിനാണ് മണിപ്പുരിൽ കലാപം പൊട്ടിപ്പുറപ്പെട്ടത്. ഭൂരിപക്ഷ സമുദായമായ മെയ്തെയ്കളും ഗോത്രവിഭാഗക്കാരായ കുക്കികളും തമ്മിലുള്ള സംഘർഷം ഇപ്പോൾ രണ്ടു രാജ്യങ്ങൾ തമ്മിലുള്ള പോരാട്ടംപോലെയായിരിക്കുന്നു.
Editorial
ഇന്ത്യയിലെ മനുഷ്യാവകാശം: യുഎസ് റിപ്പോർട്ടിൽ വിമർശനം; മണിപ്പുർ കലാപത്തിൽ കാര്യമായ അതിക്രമം നടന്നെന്ന് പരാമർശം

വാഷിങ്ടൻ ∙ മണിപ്പുർ വംശീയ കലാപത്തിനിടെ കാര്യമായ തോതിൽ അതിക്രമങ്ങൾ നടന്നതായി യുഎസ് സ്റ്റേറ്റ് ഡിപ്പാർട്മെന്റിന്റെ വാർഷിക മനുഷ്യാവകാശ റിപ്പോർട്ട് വിലയിരുത്തി. ഇന്ത്യയുടെ മറ്റുഭാഗങ്ങളിൽ ന്യൂനപക്ഷങ്ങൾക്കും സർക്കാരിനെ വിമർശിക്കുന്ന മാധ്യമപ്രവർത്തകർക്കും എതിർസ്വരമുയർത്തുന്നവർ‍ക്കുമെതിരെ ആക്രമണങ്ങൾ നടക്കുന്നതായും റിപ്പോർട്ടിൽ പറയുന്നു. കഴിഞ്ഞ മേയിൽ തുടങ്ങിയ മണിപ്പുർ കലാപത്തിൽ 60,000 പേർ ഭവനരഹിതരായി.
India
മണിപ്പൂരിൽ ന്യൂനപക്ഷങ്ങൾക്കു നേരെയുണ്ടായത് വലിയതോതിലുള്ള പീഡനം; കേന്ദ്ര സർക്കാരിനെ വിമർ‌ശിച്ച് യുഎസ്

ന്യൂഡൽഹി∙ മണിപ്പൂർ കലാപത്തിൽ കേന്ദ്ര സർക്കാരിനെ വിമർശിച്ച് യുഎസ് സ്റ്റേറ്റ് ഡിപ്പാർട്ട്മെന്റ്. ന്യൂനപക്ഷങ്ങൾക്കെതിരെ മണിപ്പൂരിൽ ആക്രമണമുണ്ടായെന്നും വലിയതോതിലുള്ള പീഡനമാണ് നടന്നതെന്നുമാണ് റിപ്പോർട്ടിലെ വിമർശനം. യുഎസ് സ്റ്റേറ്റ് ഡിപ്പാർട്ട്മെന്റിന്റെ വാർഷിക മനുഷ്യാവകാശ റിപ്പോർട്ടിലാണ് പരാമർശം.
Latest News
മണിപ്പുർ: തിരഞ്ഞെടുപ്പിന് 6 ദിവസം ബാക്കിനിൽക്കെ സംഘർഷം; രണ്ടു കുക്കി യുവാക്കളെ വധിച്ചു

ആദ്യഘട്ട തിരഞ്ഞെടുപ്പിന് 6 ദിവസം മാത്രം ബാക്കിനിൽക്കെ മണിപ്പുരിൽ വീണ്ടും മെയ്തെയ് -കുക്കി കലാപം രൂക്ഷമായി. കാങ്പോക്പി-ഇംഫാൽ ഈസ്റ്റ് അതിർത്തിയിൽ ഇന്നലെ നടന്ന വെടിവയ്പിൽ 2 കുക്കി ഗോത്രവിഭാഗക്കാർ കൊല്ലപ്പെട്ടു. ഇതിനു തൊട്ടുമുൻപ്, മണിപ്പുരിലെ കോൺഗ്രസ് സ്ഥാനാർഥികളുടെ പ്രചാരണസ്ഥലത്തു വെടിവയ്പുണ്ടായി. ഇന്നർ മണിപ്പുരിലെ കോൺഗ്രസ് സ്ഥാനാർഥിയും ജെഎൻയു പ്രഫസറുമായ ബിമൽ അക്കോയിജാമിന് തിരഞ്ഞെടുപ്പു കമ്മിഷൻ സിആർപിഎഫ് സംരക്ഷണം ഏർപ്പെടുത്തി.
India
കേരള സ്റ്റോറിക്ക് പകരം മണിപ്പുർ ഡോക്യുമെന്‍ററിയുമായി വൈപ്പിന്‍ പള്ളി

കൊച്ചി∙ കേരള സ്റ്റോറി സിനിമയ്ക്ക് പകരം മണിപ്പുർ കലാപത്തെക്കുറിച്ചുള്ള ഡോക്യുമെന്‍ററി പ്രദർശിപ്പിക്കാൻ വൈപ്പിൻ സാൻജോപുരം സെന്റ് ജോസഫ്സ് പള്ളി. സിറോ മലബാർ സഭ എറണാകുളം അങ്കമാലി അതിരൂപതയിലെ ഇന്‍റന്‍സീവ് ബൈബിൾ കോഴ്സിന്‍റെ ഭാഗമായാണ് വിശ്വാസ പരിശീലനത്തിനെത്തുന്ന വിദ്യാർഥികളെ ഡോക്യുമെന്‍ററി കാണിക്കുന്നത്.
Latest News
ന്യൂനപക്ഷ രാഷ്ട്രീയത്തോട് വിയോജിപ്പ്; മണിപ്പുർ സംഘര്‍ഷം വേദനാജനകം: ആർഎസ്എസ്

നാഗ്‌പുർ ∙ ന്യൂനപക്ഷ രാഷ്ട്രീയത്തോട് ആര്‍എസ്എസിനു വിയോജിപ്പാണുള്ളതെന്ന് ആര്‍എസ്എസ് സര്‍കാര്യവാഹ് ദത്താത്രേയ ഹൊസബാളെ. രണ്ടാമത്തെ സര്‍സംഘചാലകിന്റെ
Latest News
ഇലക്ടറൽ ബോണ്ട്, പൗരത്വ നിയമം; തിളയ്ക്കും രാഷ്ട്രീയം

സിഎഎ, യുസിസി : 2019ൽ പാസായ പൗരത്വ ഭേദഗതി നിയമം (സിഎഎ) അനുസരിച്ചുള്ള ചട്ടങ്ങൾ 4 വർഷത്തിനുശേഷം തിരഞ്ഞെടുപ്പിനു തൊട്ടുമുൻപായി വിജ്ഞാപനം ചെയ്തത് ചർച്ചയായി. ദേശീയ പൗര റജിസ്റ്റർ (എൻപിആർ), ദേശീയ ജനസംഖ്യാ റജിസ്റ്റർ (എൻആർസി) എന്നിവ സംബന്ധിച്ച അനുബന്ധ ചർച്ചകളും ഇതോടൊപ്പം ഉയരുന്നു. ഉത്തരാഖണ്ഡ് ഏക വ്യക്തിനിയമം (യുസിസി) നടപ്പാക്കി. അസമും ആ വഴിയിലാണ്. സംസ്ഥാനങ്ങളിൽ നടപ്പാക്കിയശേഷം കേന്ദ്രം നിയമനിർമാണം കൊണ്ടുവരുന്ന രീതിയാണ് ബിജെപി ലക്ഷ്യമിടുന്നത്.
India
മോദിജി ഒരിക്കലെങ്കിലും മണിപ്പുർ സന്ദർശിക്കണം: സമ്മാനദാനത്തിനിടെ പൊട്ടിക്കരഞ്ഞ് എംഎംഎ താരം

മുംബൈ∙ പ്രധാനമന്ത്രി നരേന്ദ്ര മോദി മണിപ്പുർ സന്ദർശിക്കണമെന്ന ആവശ്യവുമായി മിക്സഡ് മാർഷ്യൽ ആർട്സ് ഫൈറ്റർ ചുങ്‍രെൻ കുരെന്‍. മാട്രിക്സ് ഫൈറ്റ് നൈറ്റ് പോരാട്ടത്തിൽ വിജയിച്ച ശേഷം സംസാരിക്കവെയാണ് പ്രധാനമന്ത്രി നരേന്ദ്ര മോദി ഒരു തവണയെങ്കിലും മണിപ്പുരിലെത്തണമെന്ന് ചുങ്‍രെൻ
Other Sports
മണിപ്പുർ: സൈനിക ഓഫിസറെ മോചിപ്പിച്ചു

കൊൽക്കത്ത ∙ മണിപ്പുരിലെ മെയ്തെയ് ഭൂരിപക്ഷ പ്രദേശമായ തൗബാലിൽനിന്നു തട്ടിക്കൊണ്ടുപോയ സൈനികനെ മോചിപ്പിച്ചു. തട്ടിക്കൊണ്ടുപോകലിന്റെ കാരണം ദുരൂഹമായി തുടരുന്നു. അവധിക്ക് നാട്ടിലെത്തിയ ജൂനിയർ കമ്മിഷൻഡ് ഓഫിസറായ കൊൻസാം ഖേദാ സിങ്ങിനെയാണു കഴിഞ്ഞ ദിവസം വീട്ടിൽ നിന്നു തട്ടിക്കൊണ്ടുപോയത്. തിരച്ചിൽ തുടരുന്നതിനിടെയാണ് മോചിപ്പിച്ചത്. പണം ആവശ്യപ്പെട്ട് കുടുംബാംഗങ്ങൾക്കു നേരത്തെയും ഭീഷണിയുണ്ടായിരുന്നു. അവധിയിലെത്തിയ സൈനിക ഉദ്യോഗസ്ഥരെയോ ബന്ധുക്കളെയോ തട്ടിക്കൊണ്ടുപോകുന്ന നാലാമത്തെ സംഭവമാണിത്.
India
മണിപ്പുരിൽ വീണ്ടും സൈനിക ഓഫിസറെ തട്ടിക്കൊണ്ടുപോയി

കൊൽക്കത്ത ∙ ഇംഫാൽ താഴ്വരയിലെ മെയ്തെയ് ഭൂരിപക്ഷ പ്രദേശമായ തൗബാലിൽ ജൂനിയർ കമ്മിഷൻഡ് ഓഫിസർ കൊൻസാം ഖേദാ സിങ്ങിനെ വീട്ടിൽനിന്നു തട്ടിക്കൊണ്ടുപോയി. അവധിയ്ക്ക് വീട്ടിലെത്തിയതായിരുന്നു. തീവ്ര മെയ്തെയ് സംഘടനകളാണു സംഭവത്തിനു പിന്നിൽ. അവധിയിലെത്തിയ സൈനിക ഉദ്യോഗസ്ഥരെയോ ബന്ധുക്കളെയോ തട്ടിക്കൊണ്ടുപോകുന്ന
India
മണിപ്പുരിൽ അജ്ഞാതർ തട്ടിക്കൊണ്ടുപോയ സൈനികനെ രക്ഷപെടുത്തി; കണ്ടെത്തിയത് 10 മണിക്കൂറിനു ശേഷം

ഇംഫാൽ∙ മണിപ്പുരിലെ തൗബാൽ ജില്ലയിലെ ചരാങ്പത് മമാങ് ഗ്രാമത്തിൽനിന്നു തട്ടിക്കൊണ്ടുപോയ സൈനികനെ രക്ഷിച്ചു. പത്തു മണിക്കൂറോളം നീണ്ട തിരച്ചിലിനൊടുവിലാണ് ജൂനിയർ കമ്മിഷൻഡ് ഓഫിസറായ കൊന്‍സം ഖേദാസിങ്ങിനെ കണ്ടെത്തിയതെന്ന് കരസേനാ വൃത്തങ്ങൾ അറിയിച്ചു. ഖേദാസിങ്ങിനെ വെയ്ഖോങ് പൊലീസ് സ്റ്റേഷനിൽ എത്തിച്ചുവെന്നും തുടരന്വേഷണം പൊലീസ് നടത്തുമെന്നും സൈന്യം വ്യക്തമാക്കി.
Latest News
മണിപ്പുർ കലാപത്തിനു വഴിവച്ച ഉത്തരവിലെ വിവാദ നിർദേശം ഹൈക്കോടതി നീക്കി

ഇംഫാൽ ∙ മണിപ്പുർ കലാപത്തിനു വഴിവച്ച വിവാദനിർദേശം നീക്കം ചെയ്ത് മണിപ്പുർ ഹൈക്കോടതി മുൻ ഉത്തരവു പരിഷ്കരിച്ചു. മെയ്തെയ് വിഭാഗത്തെ പട്ടികവർഗമാക്കാൻ സംസ്ഥാനസർക്കാരിനു കേന്ദ്രത്തോടു ശുപാർശ ചെയ്യാവുന്നതാണെന്ന 2023 മാർച്ച് 27ലെ ഉത്തരവിലെ ഭാഗം ഒഴിവാക്കിയാണു ജസ്റ്റിസ് ജി. ഗയ്ഫുൽഷില്ലുവിന്റെ ബെഞ്ച് ഉത്തരവു പരിഷ്കരിച്ചത്. പുനഃപരിശോധനാ ഹർജി പരിഗണിച്ചാണു നടപടി.
India
മെയ്തെയ്കളെ പട്ടികവർഗമാക്കാനുള്ള നിർദേശം റദ്ദാക്കി മണിപ്പുർ ഹൈക്കോടതി; കലാപത്തിന് വഴിവച്ച ഉത്തരവിന് തിരുത്ത്

ഗുവാഹത്തി∙ മണിപ്പുരിൽ കലാപത്തിന് വഴിമരുന്നിട്ട ഉത്തരവ് തിരുത്തി മണിപ്പുർ ഹൈക്കോടതി. ഭൂരിപക്ഷ ജനവിഭാഗമായ മെയ്തെയ് വിഭാഗക്കാരെ പട്ടികവർഗമായി പ്രഖ്യാപിക്കാനുള്ള നടപടികൾക്കു സംസ്ഥാന സർക്കാരിനോടു നിർദേശിച്ചുള്ള മണിപ്പുർ ഹൈക്കോടതി വിധിക്കു പിന്നാലെയാണു കഴിഞ്ഞ വർഷം മേയ് ആദ്യവാരം കലാപം തുടങ്ങിയത്. ഈ നിർദേശമാണ് ഹൈക്കോടതി റദ്ദാക്കിയത്.‌‌
Latest News
‘ബിജെപി വീണ്ടും അധികാരത്തിലെത്തിയാൽ ആശങ്ക; മോദി പോപ്പുലർ അല്ല; 80% പണവും പരസ്യത്തിന്’

പ്രമുഖ സാമ്പത്തിക ശാസ്ത്രജ്ഞനും രാഷ്ട്രീയ ചിന്തകനുമാണ് ഡോ. പറകാല പ്രഭാകർ. കേന്ദ്ര ധനമന്ത്രി നിര്‍മല സീതാരാമന്റെ ഭർത്താവും. ‘ദ് ക്രൂക്ക്ഡ് ടിംബർ ഓഫ് ന്യൂ ഇന്ത്യ, എസ്സേയ്സ് ഓൺ എ റിപ്പബ്ലിക് ഇൻ ക്രൈസിസ്’ (The Crooked Timber of New India, Essays on a Republic in Crisis) എന്ന അദ്ദേഹത്തിന്റെ പുസ്തകം അടുത്തിടെ പുറത്തുവന്നിരുന്നു. രാജ്യത്തിന്റെ സാമ്പത്തിക, സാംസ്കാരിക, രാഷ്ട്രീയ മേഖലകളാണ് അദ്ദേഹത്തിന്റെ എഴുത്തിലും പ്രഭാഷണങ്ങളിലും നിറയാറുള്ളത്. ഏതാനും വർഷങ്ങളായി നരേന്ദ്ര മോദി സർക്കാരിനെതിരെ ഒട്ടേറെ വിഷയങ്ങളില്‍ അദ്ദേഹം രൂക്ഷമായി പ്രതികരിക്കാറുമുണ്ട്. ഇപ്പോൾ വിവിധ സംസ്ഥാനങ്ങിലെ നിരവധി വേദികളിലും അദ്ദേഹം സംസാരിക്കാനെത്തുന്നു. അടുത്തിടെ കേരളത്തിൽ എത്തിയ പറകാല പ്രഭാകറുമായി നടത്തിയ അഭിമുഖത്തിന്റെ പ്രസക്ത ഭാഗങ്ങൾ. തന്റെ രാഷ്ട്രീയ ചരിത്രം, മോദി സർക്കാരിനെക്കുറിച്ചുള്ള അഭിപ്രായം, ബിജെപിയോട് സ്വീകരിക്കുന്ന നിലപാട്, രാഹുൽ ഗാന്ധി, നരേന്ദ്ര മോദി, ലോക്‌സഭാ തിരഞ്ഞെടുപ്പ്, സമകാലിക ഇന്ത്യയുടെ അവസ്ഥ ഉൾപ്പെടെയുള്ള കാര്യങ്ങളിൽ അദ്ദേഹം ‘മനോരമ ഓൺലൈൻ’ പ്രീമിയത്തിൽ നയം വ്യക്തമാക്കുകയാണ്.
Opinion And Analysis
മണിപ്പുരിൽ എസ്പി ഓഫിസ് ആക്രമിച്ചു; വെടിയേറ്റ് 2 മരണം; കലക്ടറുടെ ഓഫിസും ഔദ്യോഗിക വസതിയും തീയിട്ടു

കൊൽക്കത്ത ∙ മണിപ്പുരിൽ ഗോത്രമേഖലയായ ചുരാചന്ദ്പുരിൽ പൊലീസ് സൂപ്രണ്ടിന്റെ ഓഫിസിനു നേരെയുള്ള ആക്രമണത്തിൽ 2 പേർ വെടിയേറ്റു മരിച്ചു. ഇരുപത്തിയഞ്ചോളം പേർക്ക് പരുക്കേറ്റു. ജില്ലാ കലക്ടറുടെ ഓഫിസും ഔദ്യോഗിക വസതിയും ജനക്കൂട്ടം തീയിട്ടു. കലക്ടറും എസ്പിയും അസം റൈഫിൾസ് ക്യാംപിൽ അഭയം തേടിയിരിക്കുകയാണ്.
India
മണിപ്പുരിൽ പ്രതിഷേധക്കാർ കലക്ടറുടെ വസതിയിലേക്ക് ഇരച്ചുകയറി തീയിട്ടു; പൊലീസ് വെടിവയ്പ്പിൽ 2 മരണം

ഇംഫാൽ∙ മണിപ്പുരിലെ ചുരാചന്ദ്പുരിൽ പ്രതിഷേധക്കാർക്കു നേരെ സുരക്ഷാ ഉദ്യോഗസ്ഥർ നടത്തിയ വെടിവയ്പ്പിൽ രണ്ടു പേർ കൊല്ലപ്പെട്ടു. നിരവധി പേർക്ക് പരുക്കേറ്റു. സംഘർഷം രൂക്ഷമായ‌ ചുരാചന്ദ്പുരിലെ ജില്ലാ പൊലീസ് സൂപ്രണ്ടന്റിന്റെയും കലക്ടറുടെയും ഓഫിസുകൾ സ്ഥിതി ചെയ്യുന്ന കെട്ടിട സമുച്ചയത്തിലേക്ക് ആളുകൾ ഇരച്ചു
Latest News
ഇംഫാൽ താഴ്‌വരയിൽ സൈനികനിയമം ആവശ്യപ്പെട്ട് കുക്കി എംഎൽഎമാർ

കൊൽക്കത്ത ∙ മണിപ്പുരിൽ താലിബാൻ രീതിയിലുള്ള ഭരണമാണു നടക്കുന്നതെന്നും മെയ്തെയ് സായുധസംഘങ്ങൾ ആയുധങ്ങളുമായി ഇംഫാലിൽ റോന്തുചുറ്റുകയാണെന്നും 10 കുക്കി ഗോത്ര എംഎൽഎമാർ പ്രധാനമന്ത്രി നരേന്ദ്രമോദിക്ക് കത്തെഴുതി. ഇവരിൽ 7 പേർ ബിജെപി അംഗങ്ങളാണ്.
India
മണിപ്പുരിൽ വീണ്ടും സംഘർഷം: 2 പേർ കൊല്ലപ്പെട്ടു, 5 പേർക്ക് പരുക്ക്

ഇംഫാൽ∙ മണിപ്പുരിലെ ഇംഫാൽ വെസ്റ്റ് ജില്ലയിലുണ്ടായ സംഘർഷത്തിൽ 2 പേർ കൊല്ലപ്പെട്ടു. സംഭവത്തിൽ 5 പേർക്ക് പരുക്കേറ്റു. രണ്ടു വിഭാഗങ്ങൾ തമ്മിലുള്ള സംഘർഷം പിന്നീട് വെടിവയ്പ്പിൽ കലാശിക്കുകയായിരുന്നുവെന്നും മരണസംഖ്യ ഇനിയും ഉയർന്നേക്കാമെന്നും പൊലീസ് പറഞ്ഞു. സംഭവത്തെത്തുടർന്ന് ഒരാളെ കാണാതായിട്ടുണ്ട്.
Latest News
മണിപ്പുർ സ്ഥിതി സ്ഫോടനാത്മകം; ഇംഫാൽ താഴ‍്‍വരയിൽ ‘ഭരണം പിടിച്ച്’ മെയ്തെയ് തീവ്രസംഘം

കൊൽക്കത്ത ∙ മണിപ്പുരിൽ ഇംഫാൽ താഴ്വരയുടെ നിയന്ത്രണം മെയ്തെയ് തീവ്രസംഘടനയായ ‘ആരംഭായ് തെംഗോലി’ന്റെ കൈകളിലേക്ക്. ഇംഫാൽ താഴ്വരയിലൂടെ തുറന്ന വാഹനങ്ങളിൽ ആയുധങ്ങളുമായി പരേഡ് നടത്തുന്ന ആരംഭായ് തെംഗോലിനൊപ്പം നിരോധിത മെയ്തെയ് ഭീകരസംഘടനകളുടെ അണികളും ചേർന്നതോടെ മണിപ്പുരിൽ സ്ഥിതി സ്ഫോടനാത്മകമായി. സംസ്ഥാന സർക്കാർ വെറും കാഴ്ചക്കാരായി.
India
‘മണിപ്പുരിൽ സംഭവിച്ചതു കേരളത്തിലും സംഭവിക്കാം’: കേന്ദ്ര സർക്കാരിനെതിര നിർമല സീതാരാമന്റെ ഭർത്താവ്

കൊച്ചി ∙ കേന്ദ്ര സർക്കാരിനെതിരായ രൂക്ഷവിമർശനം തുടര്‍ന്നു പ്രമുഖ സാമ്പത്തിക വിദഗ്ധനും കേന്ദ്ര ധനമന്ത്രി നിർമല സീതാരാമന്റെ ഭർത്താവുമായ പറകാല പ്രഭാകര്‍. മണിപ്പുരിൽ സംഭവിച്ചതു കേരളത്തിലും സംഭവിക്കാമെന്നും ഇതിനെതിരെ ജാഗ്രത വേണമെന്നും അദ്ദേഹം പറഞ്ഞു. അന്തരിച്ച കവി എസ്.രമേശന്റെ ഓർമയ്ക്കു പുരോഗമന കലാ സാഹിത്യസംഘം ആരംഭിച്ച അനുസ്മരണ പ്രഭാഷണത്തിൽ സംസാരിക്കുകയായിരുന്നു പ്രഭാകർ.
Latest News
തീവ്ര മെയ്തെയ് സംഘടനാ യോഗത്തിൽ മുഖ്യമന്ത്രിയും; മണിപ്പുർ വീണ്ടും ഭീതിയിൽ

കൊൽക്കത്ത ∙ തീവ്ര മെയ്തെയ് സംഘടനയായ ആരംഭായ് തെംഗോൽ വിളിച്ചുചേർത്ത യോഗത്തിൽ മുഖ്യമന്ത്രി ബിരേൻ സിങ് അടക്കം 40 എംഎൽഎമാർ പങ്കെടുത്തതോടെ മണിപ്പുരിൽ വീണ്ടും സംഘർഷം ഉരുണ്ടുകൂടുന്നു. മണിപ്പുർ കലാപത്തിൽ കുക്കി ഗോത്രവിഭാഗക്കാരെ കൊന്നൊടുക്കുന്നതിൽ മുൻനിരയിൽ നിന്നുവെന്ന ആക്ഷേപം നേരിടുന്ന വിവാദ സംഘടനയാണ് ആരംഭായ് തെംഗോൽ. എംഎൽഎമാർ ആരംഭായ് തെംഗോലിനു മുൻപിൽ പ്രതിജ്ഞയെടുത്തതായും ജനാധിപത്യം അപകടത്തിലാണെന്നും കുക്കി സംഘടനകൾ ആരോപിച്ചു.
India
മണിപ്പുരിൽ സംഘർഷം തുടരുന്നു; ബിഷ്ണുപുരിൽ വെടിവയ്പ്, 4 പേർ കൊല്ലപ്പെട്ടു

ഇംഫാൽ ∙ മണിപ്പുരിലെ ബിഷ്ണുപുർ ജില്ലയിലെ നിങ്തൗകോങ്ങിൽ അക്രമികൾ നടത്തിയ വെടിവയ്പിൽ 4 പേർ കൊല്ലപ്പെട്ടു. ഇന്നലെ വൈകിട്ടായിരുന്നു സംഭവം. നിലമുഴുതുകൊണ്ടിരുന്നവരെ തോക്കുകളുമായി എത്തിയവർ ആക്രമിക്കുകയായിരുന്നു. ഇതോടെ കഴിഞ്ഞ ബുധനാഴ്ചയ്ക്കു ശേഷം മണിപ്പുരിൽ കൊല്ലപ്പെട്ടവരുടെ എണ്ണം ഏഴായി.
India
മണിപ്പുരിൽ വീണ്ടും ആൾക്കൂട്ട ആക്രമണം; 3 ബിഎസ്‌എഫ് ഉദ്യോഗസ്ഥർക്ക് വെടിവയ്‌പിൽ പരുക്ക്

ഇംഫാൽ∙ മണിപ്പുരിൽ ആൾക്കൂട്ട ആക്രമണത്തിൽ മൂന്ന് ബിഎസ്‌എഫ് ഉദ്യോഗസ്ഥർക്ക് പരുക്കേറ്റു. ബുധനാഴ്ച രാത്രി തൗബാൽ ജില്ലയിലെ പൊലീസ് ആസ്ഥാനത്തിനു നേരെയായിരുന്നു ആക്രമണം. ഇന്ത്യ–മ്യാൻമർ അതിർത്തി നഗരമായ മോറെയിൽ കുക്കി സായുധഗ്രൂപ്പുകൾ നടത്തിയ വെടിവയ്‌പിൽ ഇന്ത്യ റിസർവ് ബറ്റാലിയനിലെ രണ്ടു കമാൻഡോകൾ കൊല്ലപ്പെട്ടിരുന്നു.
Latest News
മണിപ്പുരിൽ വീണ്ടും സംഘർഷം: നാലു മരണം, നിരവധി പേർക്ക് പരുക്ക്

ഇംഫാൽ∙ മണിപ്പുരിൽ ചുരാചന്ദ്പൂർ അതിർത്തിയിൽ വൻ സംഘർഷം. കുക്കി സായുധഗ്രൂപ്പുകളും തീവ്ര മെയ്തെയ് സംഘടനയും തമ്മിലാണ് സംഘർഷമുണ്ടായത്. വെടിവയ്പ്പിൽ നാലു മെയ്തെയ് വിഭാഗക്കാർ കൊല്ലപ്പെട്ടു. നിരവധി പേർക്ക് പരുക്കേറ്റിട്ടുണ്ടെന്നാണ് റിപ്പോർട്ട്.
Top News
പുതുവർഷദിനത്തിൽ മണിപ്പുരിലെ വെടിവയ്പ്: അന്വേഷണത്തിന് പ്രത്യേക സംഘം

ന്യൂഡൽഹി∙ മണിപ്പുരിലെ തൗബാലിൽ ജനുവരി ഒന്നിനു നടന്ന വെടിവയ്പ് അന്വേഷിക്കാൻ പ്രത്യേക സംഘത്തെ രൂപീകരിച്ചു. സബ് ഡിവിഷനൽ പൊലീസ് ഓഫിസർ റിയാജുദ്ദീൻ ഷായാകും ആറംഗ സംഘത്തെ നയിക്കുക. ഇൻസ്പെക്ടർ എൻ. സുരേഷ് സിങ്, സബ് ഇൻസ്പെക്ടർമാരായ അൻവർ ഹുസൈൻ, എസ്. ഭുബോൻ സിങ്, എൻ.തോമസ് സിങ് എന്നിവരാണ് മറ്റ് അംഗങ്ങൾ.സംഭവത്തിൽ
Top News
മണിപ്പുരിലെ തീക്കളി

രാജ്യത്തിന്റെ പ്രഥമ പ്രധാനമന്ത്രി ജവാഹർലാൽ നെഹ്റു ‘ഇന്ത്യയുടെ രത്നം’ എന്നു വിശേഷിപ്പിച്ച പ്രദേശമാണു മണിപ്പുർ. അഴകിന്റെ ആ അഭിമാന ഭൂമിക പക്ഷേ, അത്യധികം സങ്കടകരവും സമാനതകളില്ലാത്തതുമായ സാഹചര്യമാണ് എട്ടു മാസമായി നേരിടുന്നത്. കേരളത്തിലെ ജനസംഖ്യയുടെ പത്തിലെ‍ാന്നോളം മാത്രമുള്ള മണിപ്പുർ ജനത കടന്നുപോകുന്ന ഈ അതികഠിനകാലം രാജ്യത്തിന്റെയാകെ സങ്കടമായിത്തീരുന്നു.
Editorial
മണിപ്പുർ വെടിവയ്പ്: ഒരാൾ കൂടി മരിച്ചു

കൊൽക്കത്ത ∙ മണിപ്പുരിലെ തൗബാലിലെ വെടിവയ്പിൽ പരുക്കേറ്റ ഒരാൾ കൂടി മരിച്ചു. ഇതോടെ മരിച്ചവരുടെ എണ്ണം 5 ആയി. പുതുവർഷദിനത്തിലാണ് തൗബാലിലെ പംഗൽ (മെയ്തെയ് മുസ്ലിം) മേഖലയായ ലിലോങ്ങിൽ തീവ്ര മെയ്തെയ് സംഘടനകളിലെ അംഗങ്ങൾ പൊലീസ് യൂണിഫോമിലെത്തി വെടിവയ്പ് നടത്തിയത്. ആശുപത്രിയിൽ കഴിയുന്ന പത്തോളം പേരിൽ ചിലരുടെ നില ഗുരുതരമാണ്.
India
ഇംഫാൽ ഭീകരരുടെ പിടിയിൽ; പൊലീസിനു മുന്നിൽ റോഡ്ഷോ

കൊൽക്കത്ത ∙ മണിപ്പുരിൽ വംശീയകലാപം തുടരുമ്പോൾ റോക്കറ്റ് ലോഞ്ചറുകളുമായി ഇംഫാൽ താഴ്വരയിൽ തീവ്ര മെയ്തെയ് സംഘടനയുടെ റോഡ് ഷോ. പട്ടാപ്പകൽ തുറന്ന ജീപ്പിലാണ് റോക്കറ്റ് ലോഞ്ചറും യന്ത്രത്തോക്കുകളുമായി ആരംഭായ് തെംഗോൽ ഉൾപ്പെടെയുള്ളവരുടെ പ്രവർത്തകർ റോന്ത് ചുറ്റുന്നത്. അയ്യായിരത്തോളം യന്ത്രത്തോക്കുകളും മറ്റുമാണ് പൊലീസിന്റെ ആയുധപ്പുരകളിൽ നിന്നും കലാപദിനങ്ങളിൽ കവർന്നിരുന്നത്. ഇതിൽ ആയിരത്തോളം തോക്കുകൾ മാത്രമാണ് തിരികെ ലഭിച്ചത്.
India
മഹാനാകാൻ പരസ്യങ്ങളുടെ ശക്തി മതിയോ?: ‘മണിപ്പുരില്‍’ പ്രധാനമന്ത്രിയെ വിമർശിച്ച് പ്രിയങ്ക

ന്യൂഡൽഹി∙ മണിപ്പുരിലെ അക്രമ സംഭവങ്ങളിൽ പ്രധാനമന്ത്രി നരേന്ദ്ര മോദിയെ വിമർശിച്ച് കോൺഗ്രസ് നേതാവ് പ്രിയങ്ക ഗാന്ധി. തിങ്കളാഴ്ച തൗബാൽ ജില്ലയിൽ തീവ്രവാദികൾ നടത്തിയ വെടിവയ്പിൽ നാലു ഗ്രാമവാസികൾ കൊല്ലപ്പെട്ടതിന്റെ പശ്ചാത്തലത്തിലാണ് അവരുടെ വിമർശനം. പ്രധാനമന്ത്രി ഇതുവരെ സംസ്ഥാനം സന്ദർശിച്ചിട്ടില്ലെന്നും അവർ കുറ്റപ്പെടുത്തി.
Top News
INDIA FILES

സ്നേഹപ്രചാരകർ

ക്രിസ്മസ് ദിവസം തന്റെ വീട്ടിൽ‍ അതിഥികളായെത്തിയ ക്രൈസ്തവരോട് പ്രധാനമന്ത്രി നരേന്ദ്ര മോദി ക്രിസ്തുവിന്റെ ജീവിതത്തെയും സന്ദേശങ്ങളെയും മൂല്യങ്ങളെയുംകുറിച്ചു പറഞ്ഞു. എല്ലാവർക്കും നീതിയുള്ളതും എല്ലാവരെയും ഉൾക്കൊള്ളുന്നതുമായ സമൂഹം സൃഷ്ടിക്കാനാണ് ക്രിസ്തു ശ്രമിച്ചത്. ഈ മൂല്യങ്ങൾ ദേശീയ വികസനത്തിനു മാർഗദീപമാകുമെന്നും നിർധനരെയും പാർശ്വങ്ങളിൽ കഴിയുന്നവരെയും സേവിക്കുന്നവരാണ് ക്രൈസ്തവരെന്നും മോദി പറഞ്ഞു. മോദിതന്നെ തുടങ്ങിവച്ച ഒരു യാത്രയുടെ ഭാഗമായിരുന്നു ഈ വാക്കുകൾ‍. 2022 ജൂലൈയിൽ ഹൈദരാബാദിൽ ബിജെപി ദേശീയ നിർവാഹക സമിതിയിലാണ് സ്നേഹയാത്രയെന്ന ആശയം മോദി നിർദേശിച്ചത്. ക്രൈസ്തവരെയും മുസ്‌ലിംകളിലെ താഴെത്തട്ടിലുള്ളവരെയും സ്വാധീനിക്കാനുള്ള യാത്ര. ഇതിനു സംഘപരിവാറിലെ മറ്റു പ്രസ്ഥാനങ്ങളിൽനിന്ന് അത്ര പിന്തുണ ലഭിച്ചില്ല. കഴിഞ്ഞ ജനുവരിയിൽ‍ ഡൽഹിയിൽ നിർവാഹക സമിതി ചേർന്നപ്പോൾ മോദി വീണ്ടും പറഞ്ഞു: ഹൈന്ദവ പിന്തുണ മാത്രം പോരാ, മറ്റു വിഭാഗങ്ങളുടെ വിശ്വാസം നേടിയെടുക്കാനുള്ള ശ്രമംകൂടി വേണം. തുടർന്ന്, ഈസ്റ്റർ ദിവസം മോദി ഡൽഹിയിലെ തിരുഹൃദയ ദേവാലയം സന്ദർശിച്ചു; അവിടെ പുൽത്തകിടിയിൽ മരത്തൈയും നട്ടു. അദ്ദേഹത്തിന്റെ യാത്രാനിർദേശം അനുസരിക്കുന്ന പാർട്ടിയുടെ കേരളഘടകം കഴിഞ്ഞ ഈസ്റ്ററിനും ഇപ്പോൾ ക്രിസ്മസിനും സ്നേഹപ്രചാരകരായി.
Opinion And Analysis
പട്ടാപ്പകൽ ഇംഫാൽ നഗരത്തിൽ റോക്കറ്റ് ലോഞ്ചറുകളുമായി തീവ്ര വിഭാഗത്തിന്റെ പരേഡ്; ആശങ്ക – വിഡിയോ

ഇംഫാൽ∙ മണിപ്പുരിലെ ഇംഫാൽ താഴ്‌വരയിൽ പുതുവർഷ ദിനത്തിൽ നാലുപേരുടെ മരണത്തിന് ഇടയാക്കിയ വെടിവയ്പിനു പിന്നാലെ, പ്രകോപനം സൃഷ്ടിച്ച് പട്ടാപ്പകൽ റോക്കറ്റ് ലോ‍ഞ്ചറുകളുമായി മെയ്തെയ് വിഭാഗത്തിന്‍റെ പരേഡ്. ഇംഫാല്‍ നഗരത്തില്‍ തുറന്ന വാഹനത്തില്‍ തീവ്ര മെയ്തെയ് വിഭാഗമാണ് പരേഡ് നടത്തിയത്. ഇതിന്റെ വിഡിയോ
Top News
മണിപ്പുരിൽ ചോരക്കളമായി പുതുവർഷം; ജനക്കൂട്ടത്തിനു നേരെ വെടിവയ്പ്, 4 മരണം

കൊൽക്കത്ത ∙ മണിപ്പുരിലെ ഇംഫാൽ താഴ്‌വരയിൽ പുതുവർഷദിനത്തിൽ തീവ്രവാദികൾ നടത്തിയ വെടിവയ്പിൽ നാലുപേർ കൊല്ലപ്പെട്ടു. 14 പേർക്ക‌ു പരുക്കേറ്റു. തൗബാലിലെ മെയ്തെയ് മുസ്‌ലിം (പംഗൽ) മേഖലയായ ലിലോങ്ങിൽ പൊലീസ് യൂണിഫോമിലെത്തിയ തീവ്ര മെയ്തെയ് സംഘടനകളിലെ ആയുധധാരികൾ ജനക്കൂട്ടത്തിനുനേരെ യന്ത്രത്തോക്കുകൾ ഉപയോഗിച്ച് വെടിയുതിർക്കുകയായിരുന്നു. ക്ഷുഭിതരായ ജനക്കൂട്ടം അക്രമികളുടെ രണ്ടു വാഹനങ്ങൾക്ക് തീയിട്ടു. ഇംഫാൽ താഴ്‌വരയിൽ അനിശ്ചിതകാല കർഫ്യൂ ഏർപ്പെടുത്തി.
India
മണിപ്പുരിൽ അക്രമങ്ങൾക്ക‌് നേതൃത്വം നൽകിയവർ സൗഹൃദം നടിക്കുന്നു: പിണറായി

കാക്കനാട്∙ മണിപ്പുരിൽ വംശഹത്യയുടെതിനു തുല്യമായ അക്രമങ്ങൾക്കു നേതൃത്വം നൽകിയവർ അതൊന്നും അറിഞ്ഞില്ലെന്ന നാട്യത്തോടെ സൗഹൃദം നടിക്കുകയാണെന്നു മുഖ്യമന്ത്രി പിണറായി വിജയൻ. നാലു വോട്ടിനു വേണ്ടി നടത്തുന്ന ഇത്തരം നീക്കങ്ങൾ എല്ലാവരും തിരിച്ചറിയുമെന്നു തൃക്കാക്കര മണ്ഡലത്തിലെ നവകേരള സദസ്സിൽ മുഖ്യമന്ത്രി പറഞ്ഞു.
Kerala
മണിപ്പുരിൽ സംഘർഷം: 4 പേർ വെടിയേറ്റ് കൊല്ലപ്പെട്ടു; അടിയന്തര യോഗം വിളിച്ച് മുഖ്യമന്ത്രി

ഗുവാഹത്തി∙ പുതുവത്സര ദിനത്തിൽ മണിപ്പുരിൽ പൊട്ടിപ്പുറപ്പെട്ട അക്രമത്തിൽ നാല് പേർ വെടിയേറ്റു കൊല്ലപ്പെട്ടു. തൗബാൽ ജില്ലയിലുണ്ടായ അക്രമത്തിൽ നിരവധിപ്പേർക്ക് പരുക്കേറ്റു. അജ്ഞാതരായ ഒരു സംഘം ആളുകൾ കൊള്ളയടിക്കാനാണ് എത്തിയതെന്ന് പ്രദേശവാസികൾ പറഞ്ഞു.
Top News
മണിപ്പുരിൽ ഗ്രാമത്തലവനെ വെടിവച്ചുകൊന്നു

ഇംഫാൽ ∙ മണിപ്പുരിലെ ഇംഫാൽ വെസ്റ്റ് മേഖലയിലുള്ള കടങ്ബാൻഡ് ഗ്രാമത്തലവനായ ജയിംസ് ബോണ്ട് നിങ്ഗോംബത്തിനെ ആയുധധാരികൾ വെടിവച്ചുകൊന്നു. കടങ്ബാൻഡിൽ ഏറെനാളായി അക്രമസംഭവങ്ങൾ തുടരുകയാണ്. ഇതിനിടെ, മോറെ മേഖലയിൽ പൊലീസ് കമാൻഡോകൾ സഞ്ചരിച്ച വാഹനത്തിനു നേരെ ആയുധധാരികൾ വെടിവച്ചു. ഒരു പൊലീസുകാരന് പരുക്കേറ്റു.
India
മണിപ്പുരിൽ വീണ്ടും അക്രമം; പൊലീസ് വാഹനത്തിന് നേരെ വെടിവയ്പ്പ്: പുലർച്ചെ കൗമാരക്കാരൻ വെടിയേറ്റു മരിച്ചു

ന്യൂഡൽഹി∙ മണിപ്പുരിലെ മൊറെയിൽ വീണ്ടും അക്രമം പൊട്ടിപ്പുറപ്പെട്ടു. തോക്കുധാരിയായ ആൾ പൊലീസ് കമാൻഡോകൾക്ക് നേരെ വെടിയുതിർക്കുകയായിരുന്നു. പൊലീസ് സഞ്ചരിക്കുന്ന വാഹനത്തിനു നേരെ എം ചനൗ ഗ്രാമത്തിൽ വച്ചാണ് വെടിവയ്പ്പുണ്ടയാത്. ഒരു പൊലീസുകാരന് പരുക്കേറ്റു. ഇതിനു തുടർച്ചയായി വീണ്ടും വെടിവയ്പ്പുണ്ടായതാണ്
Top News

കനലണയാതെ മണിപ്പുർ

our sites

about

QUICK LINKS

EXPERIENCE MANORAMA ONLINE PREMIUM