19ന് ഹാജരാവാൻ കേജ്‌രിവാളിന് ഇ.ഡി നോട്ടിസ്

ന്യൂഡൽഹി ∙ മദ്യനയ അഴിമതിക്കേസിൽ ചോദ്യം ചെയ്യലിന് 19ന് ഹാജരാവണമെന്ന് ആവശ്യപ്പെട്ട് ഡൽഹി മുഖ്യമന്ത്രി അരവിന്ദ് കേജ‍്‍രിവാളിന് എൻഫോഴ്സ്മെന്റ് ഡയറക്ടറേറ്റ് (ഇ.ഡി) നോട്ടിസ് നൽകി. ആറാം തവണയാണ് മുഖ്യമന്ത്രിക്ക് നോട്ടിസ് നൽകുന്നത്. ഇ.ഡിയുടെ ആവശ്യം മുൻപ് 5 തവണയും കേജ‍്‍രിവാൾ തള്ളിയിരുന്നു. ചോദ്യം ചെയ്യലിനു വിധേയനാകാൻ മുഖ്യമന്ത്രി തയാറാകുന്നില്ലെന്ന് ചൂണ്ടിക്കാട്ടി ഇ.ഡി നൽകിയ ഹർജിയിൽ 17നു നേരിട്ട് ഹാജരാവണമെന്ന് കേജ‍്‍രിവാളിനോട് കോടതി നിർദേശിച്ചിട്ടുണ്ട്.