മിൽമ: ക്രമക്കേട് കണ്ടെത്തിയ 18 ഓഡിറ്റർമാരെ സ്ഥലംമാറ്റി

തിരുവനന്തപുരം ∙ മിൽമ തിരുവനന്തപുരം മേഖലാ യൂണിയനിലെ ക്രമക്കേടുകൾ കണ്ടെത്തിയ 18 ഓഡിറ്റർമാർക്ക് കൂട്ട സ്ഥലംമാറ്റം. കോഴിക്കോട്, എറണാകുളം ജില്ലകളിലേക്കാണ് ഇവരെ മാറ്റിയത്.  മെറ്റീരിയൽസ് യൂണിറ്റിലെ അഴിമതിയാണ് ഇവർ കണ്ടെത്തിയത്. 2022–23 , 23–24 വർഷങ്ങളിൽ പാൽ കൊണ്ടു വന്ന ഇനത്തിൽ ലക്ഷക്കണക്കിന് രൂപയുടെ നഷ്ടം മിൽമയ്ക്കുണ്ടായെന്ന് ഓഡിറ്റിങ്ങിൽ കണ്ടെത്തിയിരുന്നു. തുക തിരിച്ചടയ്ക്കാനും നിർദേശിച്ചു. റിപ്പോർട്ട് മാറ്റിയെഴുതാൻ ഓഡിറ്റർമാരുടെമേൽ കടുത്ത സമ്മർദമുണ്ടായിരുന്നു.