ടെസ്ല 2020ൽ പുറത്തിറക്കിയ മിഡ്-സൈസ് ക്രോസ്ഓവർ എസ്യുവിയാണ് ടെസ്ല മോഡൽ വൈ. മോഡൽ 3 സെഡാൻ പ്ലാറ്റ്ഫോമിനെ അടിസ്ഥാനമാക്കിയാണ് മോഡൽ വൈ പുറത്തിറക്കിയത്. വാഹനത്തിന്റെ 75 ശതമാനം ഭാഗങ്ങളും ടെസ്ല മോഡൽ 3 യുമായി പങ്കിടുന്നു. അഞ്ച്, ഏഴ് സീറ്റ് കോൺഫിഗറേഷനുകളിൽ വാഹനം ലഭിക്കും. 2023-ന്റെ ആദ്യ പാദത്തിൽ, മോഡൽ വൈ ടൊയോട്ട കൊറോളയെ മറികടന്ന് ലോകത്ത് ഏറ്റവുമധികം വിറ്റഴിക്കപ്പെടുന്ന കാറായി മാറി.
