എ സോൺ: വിക്ടോറിയ കിരീടമണിഞ്ഞത് 274 പോയിന്റോടെ

മണ്ണാർക്കാട് ∙ കാലിക്കറ്റ് യൂണിവേഴ്സിറ്റി എ സോൺ കലോത്സവത്തിൽ പാലക്കാട് വിക്ടോറിയ കോളജിന് കലാകിരീടം. 274 പോയിന്റ് നേടിയാണ് വിക്ടോറിയ കിരീടം സ്വന്തമാക്കിയത്. 121 പോയിന്റ് നേടി മണ്ണാർക്കാട് എംഇഎസ് കല്ലടി കോളജ് രണ്ടാം സ്ഥാനവും 116 പോയിന്റ് നേടി ചിറ്റൂർ ഗവ. കോളജ് മൂന്നാം സ്ഥാനവും നേടി. കാലിക്കറ്റ് യൂണിവേഴ്സിറ്റി സിൻഡിക്കറ്റ് അംഗം ഡോ.പി.റഷീദ് അഹമ്മദ് വിജയികളെ പ്രഖ്യാപിച്ചു. കലാതിലകമായി വിക്ടോറിയയിലെ സ്വാതി പുല്ലാനിക്കാടും കലാ പ്രതിഭയായി പി.എ.ആദിത്യ കൃഷ്ണനും തിരഞ്ഞെടുക്കപ്പെട്ടു. വിക്ടോറിയ കോളജിലെ പത്മശ്രീയാണ് ചിത്രപ്രതിഭ. എംഇഎസ് കല്ലടി കോളജിലെ സിഷാനാണ് സാഹിത്യ പ്രതിഭ. ഇന്നലെ പുലർച്ചെയാണ് മത്സരങ്ങൾ അവസാനിച്ചത്.