ADVERTISEMENT
We've detected that you're currently using an ad-blocker
You can now access Manorama Online with minimal ads by subscribing to Premium
Subscribe Now
OR

Please turn off your ad blocker

Already a Premium Member?

ദുബായ് ∙ റമസാൻ മാസം പൊതുഗതാഗത മേഖലയിലെ സമയക്രമം പുതുക്കി ആർടിഎ. കസ്റ്റമർ ഹാപ്പിനസ് സെന്റർ, പെയ്ഡ് പാർക്കിങ് സോൺ, ബസ്, മെട്രോ, ട്രാം, മറൈൻ ട്രാൻസ്പോർട്ട്, സർവീസ് പ്രൊവൈഡർ സെന്റർ (വാഹന പരിശോധന കേന്ദ്രം) എന്നിവയുടെ പ്രവൃത്തി സമയമാണ് പുതുക്കിയത്.

∙ കസ്റ്റമർ ഹാപ്പിനസ് കേന്ദ്രങ്ങൾ
ദെയ്റ ഉം റമൂൽ, അൽ മനാറ, അൽ ബർഷ, അൽ തവാർ എന്നിവിടങ്ങളിലെ കസ്റ്റമർ ഹാപ്പിനസ് കേന്ദ്രങ്ങൾ തിങ്കൾ മുതൽ വ്യാഴം വരെ രാവിലെ 9 മുതൽ വൈകിട്ട് 5 വരെയും വെള്ളിയാഴ്ചകളിൽ രാവിലെ 9 മുതൽ ഉച്ചയ്ക്കു 12 വരെയും പ്രവർത്തിക്കും. അതേസമയം, സ്മാർട്ട് ഹാപ്പിനസ് കേന്ദ്രങ്ങൾ പതിവു പോലെ 7 ദിവസവും 24 മണിക്കൂറും പ്രവർത്തിക്കും.

∙ സർവീസ് പ്രൊവൈഡർ സെന്റർ
ജബൽ അലിയിലെയും ഹത്തയിലെയും വാഹന പരിശോധനാ കേന്ദ്രങ്ങൾ (സർവീസ് പ്രൊവൈഡർ സെന്റർ) തിങ്കൾ മുതൽ വ്യാഴം വരെ രാവിലെ 7 മുതൽ വൈകിട്ട് 4 വരെയും ശനിയാഴ്ചകളിൽ രാവിലെ 8 മുതൽ ഉച്ചയ്ക്കു 3 വരെയും പ്രവർത്തിക്കും. വെള്ളിയാഴ്ചകളിൽ ജബൽ അലി കേന്ദ്രം രാവിലെ 7 മുതൽ ഉച്ചയ്ക്കു 12 വരെയും ഹത്തയിലേത് രാവിലെ 8 മുതൽ ഉച്ചയ്ക്കു 12വരെയും തുറക്കും. ഖിസൈസ്, ബർഷ, വർസാൻ എന്നിവിടങ്ങളിലെ വാഹന പരിശോധന കേന്ദ്രങ്ങൾ (തസ്ജീൽ) തിങ്കൾ മുതൽ വ്യാഴം വരെയും ശനിയാഴ്ചകളിലും രാവിലെ 8 മുതൽ വൈകിട്ട് 4 വരെയും രാത്രി 8 മുതൽ 12 വരെയും പ്രവർത്തിക്കും. വെള്ളിയാഴ്ചകളിൽ രാവിലെ 8 മുതൽ ഉച്ചയ്ക്കു 12 വരെയും വൈകുന്നേരം 4 മുതൽ രാത്രി 12 വരെയും പ്രവർത്തിക്കും.

∙ ദുബായ് മെട്രോ
ദുബായ് മെട്രോ തിങ്കൾ മുതൽ വ്യാഴം വരെയും ശനിയാഴ്ചകളിലും രാവിലെ 5 മുതൽ രാത്രി 12 വരെ സർവീസ് നടത്തും. വെള്ളിയാഴ്ചകളിൽ രാത്രി ഒന്നുവരെ സർവീസുണ്ട്. ഞായറാഴ്ചകളിൽ രാവിലെ 8 നു മാത്രമേ സർവീസ് ആരംഭിക്കൂ. രാത്രി 12വരെ തുടരും.

∙ ദുബായ് ട്രാം
ദുബായ് ട്രാം തിങ്കൾ മുതൽ ശനി വരെ രാവിലെ 6 മുതൽ രാത്രി ഒന്നുവരെ സർവീസ് നടത്തും. ഞായറാഴ്ചകളിൽ രാവിലെ 9 മുതൽ രാത്രി ഒന്നുവരെ.

∙ ആർടിഎ ബസ്
ആർടിഎ ബസുകളുടെ സമയം എസ് ഹെയ്‌ൽ ആപ്പിൽ പരിശോധിച്ച് ഉറപ്പാക്കണം. പണം നൽകി ഉപയോഗിക്കേണ്ട പാർക്കിങ് സമയം തിങ്കൾ മുതൽ ശനിവരെ രണ്ടു ഘട്ടമാക്കി. രാവിലെ 8 മുതൽ 6വരെയും രാത്രി 8 മുതൽ 12 വരെയും. ഞായറാഴ്ച സൗജന്യം. അതേസമയം ബഹുനില പാർക്കിങ് കേന്ദ്രങ്ങളിൽ മുഴുവൻ സമയവും പണം നൽകണം.

English Summary:

Dubai's RTA changes public transport timetable for Ramadan month

പ്രീമിയത്തോടൊപ്പം ഇനി
മനോരമ മാക്സും ....

+

40% കിഴിവില്‍

subscribe now
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com