31–ാമത് കടപ്പത്ര സമാഹരണവുമായി കൊശമറ്റം ഫിനാൻസ്

കോട്ടയം∙ ബാങ്കിതര ധനകാര്യ സ്ഥാപനമായ കൊശമറ്റം ഫിനാൻസ് ലിമിറ്റഡിന്റെ 31–ാമത് നോൺ- കൺവർട്ടബിൾ ഡിബഞ്ചർ (ഓഹരിയാക്കി മാറ്റാനാകാത്ത കടപ്പത്രങ്ങൾ) പബ്ലിക് ഇഷ്യൂ ഇന്ന് ആരംഭിക്കും. 1000 രൂപ മുഖവിലയുള്ള കടപ്പത്രങ്ങളാണു വിപണിയിൽ എത്തുന്നത്. ഓഗസ്റ്റ് 1 വരെയാണ് കടപ്പത്രങ്ങൾക്ക് അപേക്ഷിക്കാനാവുക. വിവിധ കാലാവധികളിലായി 8 പദ്ധതികളുള്ള കടപ്പത്രങ്ങൾക്ക് ആകർഷകമായ പലിശനിരക്കുണ്ട്. ഈ കടപ്പത്രങ്ങൾ ബിഎസ്ഇയിൽ ലിസ്റ്റ് ചെയ്യും.

നിക്ഷേപം നടത്താൻ ഡീമാറ്റ് അക്കൗണ്ടും ബാങ്ക് അക്കൗണ്ടും മാത്രം മതിയാകും. ഓൺലൈനായും യുപിഐ വഴിയും നിക്ഷേപിക്കാനാകും.

കടപ്പത്ര വിതരണത്തിലൂടെ സമാഹരിക്കുന്ന തുക കമ്പനിയുടെ വർധിച്ചുവരുന്ന ഗോൾഡ് ലോൺ ബിസിനസിനെ ലക്ഷ്യമിട്ടാണെന്ന് ചെയർമാനും മാനേജിങ് ഡയറക്ടറുമായ മാത്യു കെ. ചെറിയാൻ അറിയിച്ചു.