ആവണി അവിട്ടം ഓഗസ്റ്റ് 30 ന്; ആചാരങ്ങൾ ഇങ്ങനെ, കൂടുതൽ അറിയാം

ആവണി അവിട്ടം 'ഉപക്രമം' എന്നും അറിയപ്പെടുന്നു, അതായത് വേദപഠനത്തിന്റെ ആരംഭം കുറിക്കുന്ന ദിനം. ഇത്  ബ്രാഹ്മണ സമൂഹത്തിന്റെ ഒരു പ്രധാന ആചാരമാണ്. ഹിന്ദു കലണ്ട റിലെ ശ്രാവണ പൗർണമിയിൽ ഇത് ആചരിക്കുന്നു. രക്ഷാബന്ധൻ ദിനവുമാണിത്. ഈ വർഷം ആവണി അവിട്ടം 2023 ഓഗസ്റ്റ് 30 ബുധനാഴ്ചയാണ്. ആവണി എന്ന വാക്ക് തമിഴ് മാസത്തെ സൂചിപ്പിക്കുന്നു, 27 നക്ഷത്രങ്ങളിൽ ഒന്നാണ് അവിട്ടം. ഈ ആചാരം പൂർണ സമർപ്പണത്തോടും ഭക്തിയോടും കൂടി ആചരിക്കുന്നു. ആറ് മാസം നീണ്ട യജുർവേദ പാരായണം ഈ ദിവസം തുടങ്ങുന്നു.

ആവണി അവിട്ടത്തിൽ ബ്രാഹ്മണർക്ക് ഒരു പുണ്യനൂൽ നൽകുകയും മൂന്നാം കണ്ണ് തുറക്കുകയും ചെയ്യുന്നുവെന്ന് വിശ്വാസം. ഈ നാളിൽ കഴിഞ്ഞ വർഷത്തെ പാപപരിഹാരത്തിനായി ഒരു വിശുദ്ധ നേർച്ച അഥവാ മഹാസങ്കൽപം എടുക്കുന്നു. ഈ സമയത്ത് പവിത്രമായ മന്ത്രങ്ങൾ ഉരുവിടുന്നു. ബ്രാഹ്മണർ സൂര്യോദയ സമയത്ത് എഴുന്നേറ്റ് പുണ്യസ്നാനം ചെയ്യുന്നു. ആവണി അവിട്ടത്തിൽ ബ്രാഹ്മണർ 'ജനേയു' അല്ലെങ്കിൽ 'യജ്ഞോപവിത്ത്' എന്ന പുതിയ പുണ്യനൂൽ ധരിക്കുന്നു. ആവണി അവിട്ടത്തിലെ ഏറ്റവും പ്രധാനപ്പെട്ട ആചാരമാണിത്. ഈ സമയത്ത് വേദമന്ത്രങ്ങൾ ഉരുവിടുന്നു. ഇത് സാധാരണയായി ഒരു നദിയുടെയോ കുളത്തിന്റെയോ തീരത്ത് നടത്തുന്ന ഒരു സമൂഹ ആചരണമാണ്.

പുതിയ നൂൽ അല്ലെങ്കിൽ ജാനേയു ധരിച്ച ശേഷം, ഒരു പുതിയ തുടക്കത്തെ സൂചിപ്പിക്കുന്നതിന് പഴയത് ഉപേക്ഷിക്കുന്നു. പുരാണങ്ങളിൽ, ഈ ദിവസം മഹാവിഷ്ണു അറിവിന്റെ ദൈവമായ ഹയഗ്രീവനായി അവ തരിച്ചതിനാൽ ഈ ദിവസം വളരെ ശുഭകരമായി കണക്കാക്കപ്പെടുന്നു. ബ്രഹ്മാവിനു വേദങ്ങളെ പുനഃസ്ഥാപിച്ചത് ഹയഗ്രീവൻ ആയിരുന്നു. ഈ ദിവസം ഹയഗ്രീവ ജയന്തിയായും ആഘോഷിക്കുന്നു.

ലേഖകൻ

Dr. P. B. Rajesh

Rama Nivas, Poovathum parambil

Near ESI Dispensary, Eloor East

Udyogamandal P.O, Ernakulam 683501

email : rajeshastro1963@gmail.com

Phone : 9846033337, 0484 2546421

Content Highlights: Avani Avittam | Shravana Purnima Upakarmam | Astrology News | Manorama Astrology | Manorama Online