വീടും പരിസരവും വെള്ളത്തിൽ; പശുത്തൊഴുത്തിൽ ചിതയൊരുക്കി സംസ്കരിച്ചു

ചേർത്തല ∙ വീട്ടുപരിസരത്തെ വെള്ളക്കെട്ടിനെ തുടർന്ന് ഗൃഹനാഥന്റെ മൃതദേഹം വീട്ടിലെ പശുത്തൊഴുത്തിൽ ചിതയൊരുക്കി സംസ്കരിച്ചു.  ചേർത്തല നഗരസഭ 15–ാം വാർഡ് നെടിയാമ്പലചിറ പ്രകാശന്റെ (59) സംസ്കാരമാണ് തൊഴുത്തിൽ നടത്തേണ്ടിവന്നത്. പ്രദേശവും പ്രകാശന്റെ വീടും വെള്ളക്കെട്ടിലായിരുന്നു.  ചേർത്തല മാർക്കറ്റിലെ പച്ചക്കറിക്കടയിലെ ജീവനക്കാരനായിരുന്ന പ്രകാശൻ ബുധനാഴ്ച രാത്രിയാണ് കോട്ടയം മെഡിക്കൽ കോളജ് ആശുപത്രിയിൽ മരിച്ചത്. ഇന്നലെ രണ്ടിനാണ് സംസ്കരിച്ചത്. ഭാര്യ: ഷീല. മക്കൾ: പ്രസിമോൾ, പ്രജിമോൻ. മരുമക്കൾ : രാജേഷ്, ആരതി.