ഗൂഗിൾ മാപ്പ് നോക്കി വന്നു; വൈദ്യുത ലൈനിൽ തട്ടി ലോറി കുടുങ്ങി: ദുരന്തം ഒഴിവായി

പഴയങ്ങാടി ∙ കാസർകോട് നിന്ന് പട്ടുവത്തേക്ക് പോവുകയായിരുന്ന ചരക്ക് ലോറി ശ്രീസ്ഥ– ഏഴോം – നെരുവമ്പ്രം റോഡിൽ കുടുങ്ങി. വെള്ളിയാഴ്ച പുലർച്ചെ രണ്ടരയോടെയാണ് സംഭവം. ഗൂഗിൾ മാപ്പ് നോക്കി വന്ന ലോറി ഡ്രൈവർ പരിയാരം ദേശീയ പാതയിൽ നിന്ന് തളിപ്പറമ്പ് ഭാഗത്തേക്ക് പോകാതെ ശ്രീസ്ഥ– ഏഴോം നെരുവമ്പ്രം റോഡിൽ എത്തുകയായിരുന്നു. ഇവിടെയുളള വൈദ്യുത ലൈനിൽ തട്ടി ലോറി കുടുങ്ങി. വിവരമറിഞ്ഞ് പഴയങ്ങാടി കെഎസ്ഇബി അധികൃതർ സ്ഥലത്തെത്തി. അപകടഭീഷണി ഒഴിവാക്കി തുടർന്ന് ഏഴോം റോഡ് വഴി പട്ടുവത്തേക്ക് പോവുകയായിരുന്നു. ലോറിയിൽ നിറയെ ഗ്ലാസ് ആയിരുന്നു.