കനത്ത മഴ: ഒമാനില്‍ ഹൈക്കിങ്ങിനിടെ അപകടം, നാല് മരണം
Mail This Article
×
മസ്‌കത്ത്∙ ദാഖിലിയ ഗവര്‍ണറേറ്റിലെ നിസ്‌വ വിലായത്തില്‍ ഹൈക്ക് ചെയ്യുന്നതിനിടെ ഒഴുക്കില്‍ പെട്ട് നാല് പേര്‍ മരിച്ചു. ഒരാള്‍ക്ക് പരുക്കേറ്റു. വാദി തനൂഫില്‍ ശനിയാഴ്ച രാവിലെയാണ് അപകടമുണ്ടായത്. 16 അംഗ രാജ്യാന്തര ഹൈക്കിങ് ഗ്രൂപ്പ് ആണ് അപകടത്തില്‍ പെട്ടതെന്നും റോയല്‍ ഒമാന്‍ പൊലീസ് അറിയിച്ചു.
ഹൈക്കിങ്ങിനിടെ ശക്തമായ മഴ പെയ്യുകയും വാദി നിറഞ്ഞൊഴുകുകയുമായിരുന്നു. മരിച്ച മൂന്ന് പേര്‍ അറബ് വംശജരാണ്. പരുക്കേറ്റയാളുടെ നില ഗുരുതരമാണ്. ഇയാളെ നിസ്‌വ റഫറന്‍സ് ആശുപത്രിയിലേക്ക് പൊലീസ് എയര്‍ലിഫ്റ്റ് ചെയ്തു.
English Summary:
Four hikers died in an accident during heavy rain in Oman.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
