ന്യൂസീലൻഡ് പ്രധാനമന്ത്രി ഇന്ന് എത്തും

ന്യൂഡൽഹി ∙ ന്യൂസീലൻഡ് പ്രധാനമന്ത്രി ക്രിസ്റ്റഫർ ലക്സൺ 5 ദിവസത്തെ സന്ദർശനത്തിനായി ഇന്ന് ഇന്ത്യയിലെത്തും. പ്രധാനമന്ത്രി പദവിയേറ്റ ശേഷം അദ്ദേഹത്തിന്റെ ആദ്യ ഇന്ത്യ സന്ദർശനമാണിത്. പ്രധാനമന്ത്രി നരേന്ദ്ര മോദി, വിദേശകാര്യ മന്ത്രി ഡോ. എസ്. ജയശങ്കർ തുടങ്ങിയവരുമായി കൂടിക്കാഴ്ച നടത്തുന്ന അദ്ദേഹം നാളെ ഡൽഹിയിൽ ആരംഭിക്കുന്ന റെയ്സിന ഡയലോഗിൽ മുഖ്യാതിഥിയായി പങ്കെടുക്കും. 19, 20 തീയതികളിൽ മുംബൈയും സന്ദർശിച്ച ശേഷമാകും മടങ്ങുക.