ശ്രീകൃഷ്ണ ജയന്തി സ്പെഷൽ അവൽ ചെറുപയർ സുഖിയൻ

അവലും ചെറുപയറും ചേർത്ത് ഉണ്ടാക്കുന്ന സുഖിയൻ/മോദകം. ശ്രീകൃഷ്ണ ജയന്തി / വിനായക ചതുർഥി സ്പെഷലായി തയാറാക്കാം.

ചേരുവകൾ 

• ചെറുപയർ - മൂന്നര കപ്പ്‌
• അവൽ - 4-5 കൈപ്പിടി 
• മൈദ - 1 കപ്പിൽ താഴെ
• അരിപ്പൊടി - 1 ടേബിൾ സ്പൂൺ 
• ശർക്കര - 400-500 ഗ്രാം
• ബേക്കിങ് സോഡ - അരടീസ്പൂൺ 
• ഉപ്പ് – ഒരു നുള്ള് 
• ഏലക്കാ പൊടിച്ചത് – അരസ്പൂൺ 
• നാളികേരം  - 4-5 കൈപ്പിടി അളവ്
• മഞ്ഞൾപ്പൊടി - അരടീസ്പൂൺ (ആവശ്യമെങ്കിൽ)

തയാറാക്കുന്ന വിധം

• ചെറുപയർ കഴുകി കുക്കറിൽ ഇട്ട്  ചെറുപയർ മുങ്ങി നിക്കാൻ പാകത്തിൽ വെള്ളം ഒഴിച്ച് 5-7വിസിൽ വരുന്നത് വരെ  വേവിക്കുക.    
• ഒരു പാത്രത്തിൽ മൈദ, ഉപ്പ്, അരിപ്പൊടി ബേക്കിങ് സോഡ, മഞ്ഞൾപ്പൊടി എന്നിവ ചേർത്ത് കുറച്ച് വെള്ളം ചേർത്തു  ഏകദേശം ഇഡ്ഡലി മാവിന്റെ പാകത്തിൽ കലക്കുക.
  
• ശേഷം ഒരു പാൻ ചൂടാക്കി ശർക്കര ചേർത്ത് അരഗ്ലാസ് വെള്ളം ചേർത്ത് പാനിയാക്കുക.
• അരിച്ചു മാറിയ ശേഷം വീണ്ടും അടുപ്പത്തു വച്ചു തേങ്ങ കുറച്ചു ചേർത്തു യോജിപ്പിക്കുക. 
• ഏലക്കാപ്പൊടി കൂടെ ചേർക്കുക. രുചിക്കു അനുസരിച്ചു ചേർക്കാം. 
• ചെറുപയർ ചേർത്ത് യോജിപ്പിച്ചു കുറച്ചു തേങ്ങ കൂടെ വീണ്ടും ചേർത്തു അവിലും ചേർത്തു കട്ടിയായി ഉരുട്ടി എടുക്കാൻ പാകം വരെ യോജിപ്പിക്കുക.
• ചീനച്ചട്ടിയിൽ എണ്ണ ചൂടാക്കി തീ ചുരുക്കി വച്ച് ഓരോ ഉരുളകൾ മാവിൽ മുക്കി എണ്ണയിൽ ഇട്ട് തിരിച്ചും മറിച്ചും ഇട്ട് വേവിക്കുക.

Note:

• ബേക്കിങ് സോഡ ഉണ്ടാക്കുന്നതിനു മുൻപ് ചേർക്കുക.
• ശർക്കര പാനീയാക്കുമ്പോൾ കുറച്ചു വെള്ളം മാത്രം ചേർത്തു പാനിയാക്കുക. 
• മഞ്ഞൾപ്പൊടി ആവശ്യമെങ്കിൽ ചേർക്കാം. മാവ് യോജിപ്പിക്കുമ്പോൾ കുറേശ്ശേ വെള്ളം ചേർത്ത് യോജിപ്പിക്കുക. 
• ചെറുപയർ കുതിർത്ത് വയ്ക്കാതെ വേവിക്കുമ്പോൾ 1 കപ്പ്‌ എടുക്കുമ്പോൾ ഏകദേശം 4 കപ്പ് വെള്ളം വേണ്ടിവരും വേവിക്കാൻ.

English Summary : Sughiyan Malayalam Recipe.