ആകെ മാറ്റം, ഐഫോൺ 17 ഡിസൈൻ ലീക്കായി; പിക്സലിന്റെ കോപ്പിയെന്ന് ആരാധകർ

സെപ്റ്റംബറിൽ പുറത്തിറങ്ങാൻ പോകുന്ന ഐഫോൺ 17നെക്കുറിച്ചുള്ള പ്രതീക്ഷകൾ ആപ്പിൾ ആരാധകർക്കിടയിൽ ഇതിനോടകം തന്നെ ഉയർന്നു കഴിഞ്ഞു. ഫോണിന്റെ ഡിസൈനിനെക്കുറിച്ചുള്ള നിരവധി അഭ്യൂഹങ്ങൾ പ്രചരിക്കുന്നുണ്ടെങ്കിലും, ഏറ്റവും പുതിയ വിവരങ്ങൾ അനുസരിച്ച് ഐഫോൺ 17 ന്റെ രൂപകൽപ്പനയിൽ കാര്യമായ മാറ്റങ്ങൾ പ്രതീക്ഷിക്കാം.

• ഐഫോൺ 17 എയറിന്റെ പ്രൊട്ടക്റ്റീവ് കെയ്സിൻ്റെ ചിത്രങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.
• പ്രമുഖ ടിപ്സ്റ്റർ സോണി ഡിക്സൺ എക്സിൽ പങ്കുവെച്ച ചിത്രങ്ങളിൽ പിക്സൽ 9 സീരീസിനു സമാനമായ ക്യാമറ മൊഡ്യൂൾ കാണാം. ഇത് മുൻപ് പുറത്തുവന്ന അഭ്യൂഹങ്ങളെ ശരിവയ്ക്കുന്നു.

പുതിയ ഡിസൈൻ ലീക്കുകൾ:

∙വോളിയം ബട്ടണുകൾ, ആക്ഷൻ ബട്ടൺ, പവർ ബട്ടൺ, ക്യാമറ കൺട്രോൾ ബട്ടൺ എന്നിവയ്ക്കുള്ള സംവിധാനങ്ങളും കെയ്സിന്റെ മാതൃകയിലുണ്ട്.

∙ഐഫോൺ പ്രേമികൾക്കിടയിൽ വലിയ ചർച്ചകൾക്ക് വഴി വെച്ചിട്ടുണ്ട്. പലരും ഇതിനെ പിക്സൽ ഫോണുകളുടെ കോപ്പിയാണെന്ന് വിമർശിക്കുന്നു.

പ്രതീക്ഷിക്കുന്ന സവിശേഷതകൾ:

∙ഐഫോൺ 17 എയറിൽ 120Hz റിഫ്രഷ് റേറ്റുള്ള 6.6 ഇഞ്ച് OLED ഡിസ്‌പ്ലേ ഉണ്ടാകുമെന്നാണ് പ്രതീക്ഷിക്കുന്നത്.24 മെഗാപിക്സൽ സെൽഫി ക്യാമറയും 48 മെഗാപിക്സൽ സിംഗിൾ റിയർ ക്യാമറയും ഇതിൽ പ്രതീക്ഷിക്കുന്നു.

∙ഫോണിന് ടൈറ്റാനിയം ഫ്രെയിം ലഭിക്കാനും 8GB റാമിന്റെ പിന്തുണയോടെ A18 അല്ലെങ്കിൽ A19 ചിപ്പിൽ പ്രവർത്തിക്കാനും സാധ്യതയുണ്ട്.ഐഫോൺ 17ന്റെ ഏറ്റവും വലിയ പ്രത്യേകത അത് ചരിത്രത്തിലെ ഏറ്റവും Slimmest iPhone ആയിരിക്കും എന്നതാണ്.

∙ഐഫോൺ 17, ഉൽപാദനം ഇന്ത്യയിൽ തുടങ്ങാനുള്ള സാധ്യതകളെക്കുറിച്ചും ചർച്ചകൾ നടക്കുന്നുണ്ട്.

∙ടാറ്റയും ഇന്ത്യയിൽ ഐഫോൺ നിർമിക്കാനുള്ള പദ്ധതികളുമായി മുന്നോട്ട് പോവുകയാണ്.

∙ഇന്ത്യയിൽ നിർമിച്ച ഐഫോണുകളുടെ അനുപാതം 2024 ഓടെ ആഗോള ഉൽപ്പാദനത്തിന്റെ 25 ശതമാനമായി വർദ്ധിക്കുമെന്ന് ആപ്പിൾ അനലിസ്റ്റ് മിംഗ്-ചി കുവോ അഭിപ്രായപ്പെട്ടിരുന്നു.