സത്യപാൽ മാലിക്കിന്റെ മൊഴി രേഖപ്പെടുത്തി സിബിഐ; ചോദ്യം ചെയ്തത് 5 മണിക്കൂർ

ന്യൂഡൽഹി∙ ജമ്മു കശ്മീർ മുൻ ഗവർണർ സത്യപാൽ മാലിക്കിന്റെ മൊഴി രേഖപ്പെടുത്തി സിബിഐ. റിലയൻസ് ഇൻഷുറൻസ് പദ്ധതിയുമായി ബന്ധപ്പെട്ട വെളിപ്പെടുത്തലിലാണ് മൊഴി രേഖപ്പെടുത്തിയത്. അഞ്ച് മണിക്കൂർ സിബിഐ ചോദ്യം ചെയ്തു.

കശ്മീർ ഗവർണറായിരിക്കെ 2 പദ്ധതികൾ പാസാക്കാൻ വന്നുവെന്നും അതിലൊന്ന് അനിൽ അംബാനിയുടേതും മറ്റേതു പ്രധാനമന്ത്രിയുമായി അടുപ്പമുള്ള ആർഎസ്എസ് നേതാവ് റാംമാധവിന്റേതുമാണെന്നാണ് സത്യപാൽ മാലിക്ക് വെളിപ്പെടുത്തിയത്. പദ്ധതികളിൽ കുഴപ്പങ്ങളും അഴിമതി സാധ്യതകളും കണ്ടതോടെ രണ്ടും റദ്ദാക്കാൻ നിർദേശിച്ചു. അവ ഒപ്പിട്ടാൽ 300 കോടി രൂപ കൈക്കൂലി കിട്ടുമെന്നു ചില ഉദ്യോഗസ്ഥർ സൂചിപ്പിച്ചതായും ഗവർണർ പറഞ്ഞിരുന്നു.

ഇതോടെയാണ് സത്യപാൽ മാലിക്കിന്റെ ചോദ്യം ചെയ്യാൻ സിബിഐ വിളിപ്പിച്ചത്. അതേസമയം, ആരോപണം അടിസ്ഥാനരഹിതമാണെന്നു വ്യക്തമാക്കിയ റാംമാധവ്, സത്യപാലിനെതിരെ അപകീർത്തി കേസ് ഫയൽ ചെയ്തിരുന്നു.

English Summary: CBI records Satya Pal Malik's statement