വിഷുവിന് എളുപ്പത്തിൽ ഒരു കുറുക്കു കാളൻ ഉണ്ടാക്കിയാലോ...

കണി വച്ച ചേരുവകൾ കൊണ്ടു തയാറാക്കുന്ന സദ്യയാണ് വിഷുവിന്റെ പ്രത്യേകത. സദ്യയ്ക്കൊരുക്കാവുന്ന സൂപ്പർ രുചിക്കൂട്ട്.

ചേരുവകൾ

1. നേന്ത്രക്കായ - ഒരെണ്ണം വലുത്
2. തേങ്ങ - അരമുറി.
3. തൈര് - 1 കപ്പ്
4. കുരുമുളക് - ഒരു ടീസ്പൂൺ
5. പച്ചമുളക് - രണ്ടെണ്ണം
6. മഞ്ഞൾപ്പൊടി - അര ടീസ്പൂൺ
7. ഉപ്പ് – പാകത്തിന്
8. എണ്ണ അല്ലെങ്കിൽ നെയ്യ് - 1ടേബിൾ സ്പൂൺ
9. കടുക് - അര ടീസ്പൂൺ
10. ഉലുവ - അര ടീസ്പൂൺ
11. കറിവേപ്പില - ഒരു തണ്ട്

വിഷുവിനൊരുക്കാം, അരി അരച്ചു കാച്ചിയ പായസം...

തയാറാക്കുന്ന വിധം

• കായ തൊലികളഞ്ഞു കറ മാറ്റിയ ശേഷം ചെറിയ കഷ്ണങ്ങളാക്കി മഞ്ഞൾപ്പൊടിയും ഉപ്പും ചേർത്തു കുറച്ച് വെള്ളമൊഴിച്ചു  വേവിക്കുക.
• തേങ്ങയും തൈരും പച്ചമുളകും കുരുമുളകും കൂടി ചേർത്തു നല്ലതു പോലെ മിക്സിയിൽ അരച്ചെടുക്കുക.
• വെള്ളം ചേർക്കാതെ തൈരു മാത്രം ചേർത്ത് അരച്ചെടുക്കുവാൻ പ്രത്യേകം ശ്രദ്ധിക്കണം.
• ഈ അരപ്പ്, വെന്ത കായയിലേക്കു ചേർത്തു ചെറിയ തീയിൽ ഇളക്കി കുറുക്കിയെടുക്കുക.
• ചൂടാക്കിയ എണ്ണയിൽ കടുക്, വറ്റൽമുളക്, ഉലുവ, കറിവേപ്പില എന്നിവ ചേർത്തു വറുത്തിടുക.
• നെയ്യിൽ വറുത്തിട്ടാൽ കറിയുടെ  സ്വാദ് കൂടും.
• അരപ്പ് ചേർത്തതിനു ശേഷം ഉപ്പിന്റെ പാകം നോക്കണം, വേണമെങ്കിൽ ഒരു നുള്ള് പഞ്ചസാര കൂടി  ചേർക്കുന്നത് നല്ലതായിരിക്കും.

തയാറാക്കിയത്

സജിനി സുബ്രമണ്യൻ
തേപ്പറമ്പിൽ
കോണത്തുകുന്ന് പി. ഒ
തൃശ്ശൂർ

Content Summary : Kurukku kalan, vishu special food recipe.