ഇന്ത്യൻ കുടുംബങ്ങൾക്ക് ഭാവിയിൽ വരുമാനം കൂടുമെന്ന്

വരും മാസങ്ങളിൽ പണപ്പെരുപ്പം കുറയുമെന്ന് ഇന്ത്യൻ കുടുംബങ്ങൾ പ്രതീക്ഷിക്കുന്നുവെന്ന് റിസർവ് ബാങ്കിന്റ സർവേ. ഭാവി വരുമാനത്തെയും തൊഴിൽ സാധ്യതകളെയും കുറിച്ച് ഇന്ത്യൻ കുടുംബങ്ങൾ കൂടുതൽ ശുഭാപ്തിവിശ്വാസം പുലർത്തുന്നവരാണ്‌ എന്നും സർവേയിലുണ്ട് .

ഉപഭോക്തൃ ആത്മവിശ്വാസം വർധിക്കുന്നതായും ജീവിതം മെച്ചപ്പെടുന്നതായും ആളുകൾ പറഞ്ഞു. പണപ്പെരുപ്പം കുറയുമെന്നാണ് കുടുംബങ്ങൾ കരുതുന്നത്. എന്നാൽ ആർബിഐ പ്രവചിച്ചതിനു വിരുദ്ധമായി 6.5 ശതമാനത്തേക്കാൾ താഴ്ന്നതായിരിക്കും വളർച്ചയെന്നാണ് പ്രഫഷണൽ ഏജൻസികൾ കരുതുന്നത്. സമ്പദ്‌വ്യവസ്ഥക്ക് 6% വളർച്ച ഉണ്ടാകുമെന്നാണ് അവർ കരുതുന്നത്.

English Summary : Indian Families Income may Increase