Activate your premium subscription today
തിരുവനന്തപുരം ∙ ലോക ചാംപ്യൻമാരായ അർജന്റീന ഫുട്ബോൾ ടീം കേരളത്തിൽ 2 സൗഹൃദ മത്സരങ്ങൾ കളിക്കുമെന്നത് ഉറപ്പായതായി കായിക മന്ത്രി വി.അബ്ദു റഹിമാൻ. അടുത്ത ഒക്ടോബർ, നവംബർ മാസങ്ങളിലാകും ടീമിന്റെ കേരള സന്ദർശനം. ലയണൽ മെസ്സി ഉൾപ്പെടുന്ന ടീമാകും വരികയെന്നും ഒന്നര മാസത്തിനുള്ളിൽ കേരളത്തിലെത്തുന്ന അർജന്റീന ഫുട്ബോൾ അസോസിയേഷൻ പ്രതിനിധികൾ മത്സരത്തീയതി പ്രഖ്യാപിക്കുമെന്നും മന്ത്രി പറഞ്ഞു. ഇതുമായി ബന്ധപ്പെട്ട മുഴുവൻ ചെലവും ഗോൾ‍ഡ് ആൻഡ് സിൽവർ മർച്ചന്റ്സ് അസോസിയേഷനും കേരള വ്യാപാരി വ്യവസായി ഏകോപന സമിതിയും ചേർന്നുള്ള വ്യാപാരി സമൂഹം വഹിക്കുമെന്ന് ആ സംഘടനകളുടെ ഭാരവാഹികളുടെകൂടി സാന്നിധ്യത്തിൽ മന്ത്രി പ്രഖ്യാപിച്ചു. ഇതുമായി ബന്ധപ്പെട്ടു നടത്തിയ മാധ്യമസമ്മേളനത്തിൽ ഉയർന്ന വിവിധ ചോദ്യങ്ങൾക്കു മന്ത്രി നൽകിയ ഉത്തരം ഇങ്ങനെ:
ലയണല്‍ മെസ്സിയും അര്‍ജന്റീന ടീമിനൊപ്പം കേരളത്തിൽ എത്തിച്ചേരുമെന്നാണ‌ു പ്രതീക്ഷയെന്ന് മുഖ്യമന്ത്രി പിണറായി വിജയന്‍. അസാധ്യമെന്നു പലരും എഴുതിത്തള്ളിയ ഈ സമ്മാനം കേരളത്തിലെ സ്പോര്ട്സ് പ്രേമികള്‍ക്കു നല്‍കാന്‍ കഴിഞ്ഞതു സംസ്ഥാന സര്‍ക്കാരിന്റെ നിരന്തരമായ ഇടപെടല്‍ കൊണ്ടു മാത്രമാണ്. ലോക സ്പോര്ട്സ് ഭൂപടത്തില്‍ കേരളത്തിന്റെ പേര് ഉറക്കെ മുഴങ്ങിക്കേള്‍ക്കുന്ന ഒരു നിമിഷമായിരിക്കും അതെന്നും മുഖ്യമന്ത്രി
ലോകകപ്പ് യോഗ്യതാ മത്സരത്തിൽ പെറുവിനെ തോൽപിച്ച് അര്‍ജന്റീന ഫുട്ബോൾ ടീം. ഏകപക്ഷീയമായ ഒരു ഗോളിനാണ് സൂപ്പർ താരം ലയണൽ മെസ്സി നയിച്ച അർജന്റീനയുടെ വിജയം. 55–ാം മിനിറ്റിൽ ലൊതാരോ മാർട്ടിനസാണ് അർജന്റീനയുടെ വിജയ ഗോൾ നേടിയത്. ലോകകപ്പ് യോഗ്യതാ മത്സരങ്ങളിൽ അർജന്റീനയുടെ എട്ടാം വിജയമാണിത്.
ലയണല്‍ മെസ്സി അടക്കമുള്ള അര്‍ജന്റീന ഫുട്‌ബോള്‍ ടീം കേരളത്തില്‍ കളിക്കുമെന്ന് സ്ഥിരീകരിച്ച് കായിക മന്ത്രി വി. അബ്ദുറഹിമാന്‍. അടുത്ത വര്‍ഷമാണ് മത്സരം നടക്കുക. ഔദ്യോഗിക പ്രഖ്യാപനം അര്‍ജന്റീന ഫുട്‌ബോള്‍ അസോസിയേഷന്‍ നടത്തും. ഒന്നരമാസത്തിനകം എഎഫ്എ അധികൃതര്‍ എത്തുമെന്ന് മന്ത്രി അബ്ദുറഹിമാന്‍ അറിയിച്ചു. അടുത്ത വര്‍ഷം നടക്കുന്ന മത്സരത്തിന്റെ തീയതിയും എഎഫ്എ പ്രഖ്യാപിക്കുമെന്ന് മന്ത്രി പറഞ്ഞു. സെപ്റ്റംബര്‍, ഒക്‌ടോബര്‍ മാസങ്ങളിലാകും മത്സരം നടക്കുക. മത്സരത്തിന്റെ ചെലവ് കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ്‌സും വ്യാപാരി വ്യവസായി സമിതിയും വഹിക്കും. മത്സരം പൂര്‍ണമായും സര്‍ക്കാര്‍ നിയന്ത്രണത്തിലായിരിക്കുമെന്നും മന്ത്രി പറഞ്ഞു. അതേസമയം എഎഫ്എ പ്രതിനിധികള്‍ കേരളത്തില്‍ എത്തി മെസ്സി ഉള്‍പ്പടെ കളിക്കേണ്ട ഗ്രൗണ്ടും സുരക്ഷാകാര്യങ്ങളും വിലയിരുത്തിയ ശേഷമായിരിക്കും പ്രഖ്യാപനം എന്നാണു റിപ്പോര്‍ട്ട്.
അർജന്റീന ഫുട്ബോൾ ടീം കേരളത്തിൽ പന്തു തട്ടും. അടുത്ത വർഷം അര്‍ജന്റീന ദേശീയ ടീം കേരളത്തിൽ രണ്ട് മത്സരങ്ങൾ കളിക്കുമെന്നാണു പുറത്തുവരുന്ന വിവരം. ബുധനാഴ്ച രാവിലെ കായിക മന്ത്രി വി. അബ്ദുറഹിമാൻ നടത്തുന്ന വാർത്താ സമ്മേളനത്തിൽ ഇതു സംബന്ധിച്ച് അന്തിമ പ്രഖ്യാപനമുണ്ടാകും. തിരുവനന്തപുരത്തും കൊച്ചിയിലുമായിരിക്കും മത്സരങ്ങൾ നടക്കുക.
ഫിഫ ലോകകപ്പ് യോഗ്യതാ മത്സരത്തിൽ നിലവിലെ ചാംപ്യൻമാരായ അർജന്റീനയ്ക്കു തോൽവി. പാരഗ്വായ് ഒന്നിനെതിരെ രണ്ടു ഗോളുകൾക്കാണു ലയണൽ മെസ്സി നയിച്ച ടീമിനെ തകർത്തുവിട്ടത്. പാരഗ്വായുടെ ഹോം ഗ്രൗണ്ടിൽ നടന്ന മത്സരത്തിൽ, അന്റോണിയോ സനബ്രിയ (19–ാം മിനിറ്റ്), ഒമർ ആൽഡെരെറ്റ് (47) എന്നിവരാണ് എന്നിവരാണ് ആതിഥേയർക്കായി ലക്ഷ്യം കണ്ടത്.
അർജന്റീനയ്ക്കായി ഹാട്രിക് തികച്ച ശേഷമുള്ള തൊട്ടടുത്ത മത്സരത്തിൽ, ഇന്റർ മയാമിക്കു വേണ്ടിയും മൂന്നു ഗോളുകൾ അടിച്ച് സൂപ്പർ താരം ലയണൽ മെസ്സി. മെസ്സിയുടെ ഹാട്രിക് കരുത്തിൽ മയാമി, ന്യൂ ഇംഗ്ലണ്ട് റെവല്യൂഷനെ 6–2നാണു തകർത്തത്. രണ്ടു ഗോളിനു പിന്നിൽനിന്ന ശേഷമാണ് ഇന്റർ മയാമി ഫ്ലോറി‍ഡയിൽ ഗോളുകൾ അടിച്ചുകൂട്ടിയത്.
സാന്തിയാഗോ∙ ലോകകപ്പ് യോഗ്യതാ റൗണ്ടിൽ മറ്റൊരു സമനിലയുടെ വക്കിലായിരുന്ന ബ്രസീലിന്റെ രക്ഷകനായി പകരക്കാരൻ താരം ലൂയിസ് ഹെൻറിക്. മത്സരം അവസാനിക്കാൻ ഒരു മിനിറ്റ് മാത്രം ശേഷിക്കെ ഹെൻറിക് നേടിയ ഗോളിൽ മഞ്ഞപ്പട കരുത്തരായ ചിലെയെ വീഴ്ത്തി. മറ്റൊരു മത്സരത്തിൽ നിലവിലെ ലോക ചാംപ്യൻമാരായ അർജന്റീനയെ വെനസ്വേല സമനിലയിൽ
ബ്യൂണസ് ഐറിസ്∙ വെനസ്വേലയ്ക്കെതിരായ ഫുട്ബോൾ ലോകകപ്പ് യോഗ്യതാ റൗണ്ട് മത്സരത്തിനുള്ള അർജന്റീന ടീമിൽ സൂപ്പർ താരം ലയണൽ മെസ്സിയെയും ഉൾപ്പെടുത്തി. കോപ്പ അമേരിക്ക ഫൈനലിനിടെയേറ്റ പരുക്കുമൂലം ചിലെ, കൊളംബിയ ടീമുകൾക്കെതിരായ യോഗ്യതാ മത്സരങ്ങളിൽ നിന്ന് മുപ്പത്തിയേഴുകാരനായ മെസ്സി വിട്ടുനിന്നിരുന്നു.
ബ്യൂണസ് ഐറിസ് ∙ ലോകകപ്പ് യോഗ്യതാ റൗണ്ട് മത്സരങ്ങളിലെ മോശം പെരുമാറ്റത്തെത്തുടർന്ന് അർജന്റീന ഗോൾകീപ്പർ എമിലിയാനോ മാർട്ടിനസിന് ഫിഫ രണ്ടു മത്സരങ്ങളിൽ നിന്ന് വിലക്കേർപ്പെടുത്തി. ഒക്ടോബറിൽ വെനസ്വേലയ്ക്കും ബൊളീവിയയ്ക്കുമെതിരെയുള്ള ലോകകപ്പ് യോഗ്യതാ മത്സരങ്ങളാണ് മാർട്ടിനസിനു നഷ്ടമാവുക. ഈ മാസം ചിലെയ്ക്കും കൊളംബിയയ്ക്കുമെതിരെയുള്ള മത്സരങ്ങൾക്കു ശേഷമുള്ള പെരുമാറ്റമാണ് വിലക്കിനു കാരണം.
Results 1-10 of 413
