ഷറഫും ഇന്ദ്രൻസും; ഷാഫിയുടെ ആനന്ദം പരമാനന്ദം ടീസർ

മനസ്സ് നിറഞ്ഞ് ചിരിക്കാൻ കുറെയേറെ സമ്മാനിച്ച പഞ്ചവർണതത്ത, ആനക്കള്ളൻ എന്നീ ചിത്രങ്ങൾക്ക് ശേഷം സപ്ത തരംഗ് ക്രിയേഷൻസ് നിർമിക്കുന്ന പുതിയ ചിത്രമായ 'ആനന്ദം പരമാനന്ദം' ടീസർ പുറത്തിറങ്ങി. മലയാളി പ്രേക്ഷകർക്ക് നിരവധി സൂപ്പർഹിറ്റുകൾ തന്റെ തൂലികയിൽ നിന്നും സമ്മാനിച്ചിട്ടുള്ള എം. സിന്ധു രാജിന്റെ രചനയിൽ ചിത്രത്തിന്റെ സംവിധാനം ഷാഫിയാണ്. ഇരുവരും ആദ്യമായി ഒന്നിക്കുന്നുവെന്നതും ഈ ചിത്രത്തിന്റെ ഒരു പ്രത്യേകതയാണ്. ഇന്ദ്രൻസും ഷറഫുദ്ദീനുമാണ് ആനന്ദം പരമാനന്ദത്തിലെ നായക കഥാപാത്രങ്ങളെ അവതരിപ്പിക്കുന്നത്.

ഇവർക്ക് പുറമേ അജു വർഗീസ്, ബൈജു സന്തോഷ്, സാദിഖ്, സിനോയ്‌ വർഗീസ്, ഒ.പി. ഉണ്ണികൃഷ്ണൻ, നിഷ സാരംഗ്, അനഘ നാരായണൻ തുടങ്ങിയവരും ചിത്രത്തിൽ അഭിനയിക്കുന്നുണ്ട്.

മനോജ് പിള്ളൈ ക്യാമറയും ഷാൻ റഹ്മാൻ സംഗീത സംവിധാനവും നിർവഹിക്കുന്നു. എഡിറ്റിങ് സാജൻ, പ്രൊഡക്‌ഷൻ കൺട്രോളർ ഡിക്സൻ പൊടുത്താസ്, ആർട്ട് ഡയറക്ടർ അർക്കൻ എസ്. കർമ്മ, മേക്കപ്പ് പട്ടണം റഷീദ്, ലിറിക്‌സ് മനു മഞ്ജിത്, ഗായകർ വിജയ് യേശുദാസ്, വിനീത് ശ്രീനിവാസൻ, കോസ്റ്റ്യൂംസ് സമീറ സനീഷ്, പിആർഒ വാഴൂർ ജോസ്, എ.എസ്. ദിനേശ്, ടൈറ്റിൽ ഡിസൈൻ ടെൻപോയിന്റ്, ഡിസൈൻ പ്രമേഷ് പ്രഭാകർ, സ്റ്റിൽസ് ഹരി തിരുമല, ഡിജിറ്റൽ മാർക്കറ്റിങ് അനൂപ് സുന്ദരൻ. മാർക്കറ്റിങ് പ്ലാൻ സ്ട്രാറ്റെജി ഒബ്സ്ക്യുറ. പാലക്കാടും പരിസര പ്രദേശങ്ങളിലുമായി ചിത്രീകരണം പൂർത്തിയാക്കിയ ആനന്ദം പരമാനന്ദം ഉടൻ തിയറ്ററുകളിൽ പ്രദർശനത്തിന് എത്തും.