പരോളിന് വേണം വീട്ടുകാരുടെ ‘നല്ല’ ഉറപ്പ്; രേഖാമൂലം ഉറപ്പു നൽകേണ്ടത് ജയിൽ സൂപ്രണ്ടിന്
![jail jail](https://img-mm.manoramaonline.com/content/dam/mm/mo/global-malayali/gulf/images/2024/6/23/jail.jpg?w=1120&h=583)
Mail This Article
×
കോട്ടയം ∙ പരോൾ കാലയളവിൽ നാട്ടിൽ പ്രശ്നങ്ങളുണ്ടാക്കാതെ നോക്കുമെന്നു കുടുംബാംഗങ്ങൾ ഉറപ്പു നൽകിയാൽ മാത്രമേ ജയിൽപുള്ളികൾക്ക് ഇനി പരോൾ അനുവദിക്കൂ. കുഴപ്പം കാട്ടിയാൽ അതിന്റെ ഉത്തരവാദിത്തം ഇനി കുടുംബത്തിനു കൂടിയായിരിക്കും. ഇത്തരത്തിൽ രേഖാമൂലമുള്ള ഉറപ്പ് ജയിൽപുള്ളിയെ കൂട്ടിക്കൊണ്ടു പോകാൻ എത്തുന്ന ബന്ധു ജയിൽ സൂപ്രണ്ടിന് എഴുതി നൽകണം.
-
Also Read
കുറ്റക്കാരെല്ലാം ശിക്ഷിക്കപ്പെടണം
പരോൾ കഴിഞ്ഞു തിരികെ ജയിലിൽ എത്തിക്കേണ്ട ഉത്തരവാദിത്തവും ഇനി കുടുംബത്തിനായിരിക്കും. നാട്ടിലെത്തിയാൽ സ്ഥലം സബ് ഇൻസ്പെക്ടറുടെ നിരീക്ഷണത്തിലായിരിക്കും ജയിൽപുള്ളി. തിരികെ ജയിലിൽ എത്തുമ്പോൾ സബ് ഇൻസ്പെക്ടർ നൽകുന്ന നല്ലനടപ്പിന്റെ സാക്ഷ്യപത്രവും വേണം. നെട്ടുകാൽത്തേരി തുറന്ന ജയിലിലെ അന്തേവാസി പരോൾ കാലയളവിൽ സഹോദരനെ കൊലപ്പെടുത്തിയതിനെ തുടർന്നാണ് കർശന നിയന്ത്രണങ്ങൾ.
English Summary:
Prisoners will grante parole only if family members give an assurance that they will not cause problems in parole period
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.