Activate your premium subscription today
Saturday, Mar 29, 2025
ന്യൂഡൽഹി ∙ ഒറ്റരാത്രികൊണ്ട് സമരപ്പന്തലുകൾ ഒഴിപ്പിച്ചു. പ്രധാന നേതാക്കളെയും മുന്നൂറിലേറെ കർഷകരെയും അറസ്റ്റ് ചെയ്തു. സമരത്തെ പിന്തുണച്ചിരുന്ന പഞ്ചാബ് സർക്കാർ നിലപാടു മാറ്റിയതോടെ പഞ്ചാബ്–ഹരിയാന അതിർത്തികളിലെ കർഷകസമരത്തിന്റെ ഭാവി തുലാസിലായി. ‘ആം ആദ്മി പാർട്ടി പിന്നിൽനിന്നു കുത്തി. കേന്ദ്രവുമായി കൈകോർത്ത് പഞ്ചാബ് മുഖ്യമന്ത്രി ഭഗവന്ത് സിങ് മാൻ കർഷകർക്കെതിരെ തിരിഞ്ഞു’– കിസാൻ മസ്ദൂർ സംഘർഷ് കമ്മിറ്റി (കെഎംഎസ്‌സി) നേതാവ് സത്‌നാം സിങ് പന്നു പറഞ്ഞു. എഎപിയുടെ നടപടിയെ കോൺഗ്രസും ബിജെപിയും വിമർശിച്ചു.
ന്യൂഡൽഹി ∙ സംസ്ഥാനങ്ങളിൽ പുതിയ നേതൃത്വത്തെ പ്രഖ്യാപിച്ച് ആം ആദ്മി പാർട്ടി (എഎപി). ശക്തികേന്ദ്രങ്ങളായ ഡൽഹിയിൽ സൗരഭ് ഭരദ്വാജും പഞ്ചാബിൽ മനീഷ് സിസോദിയയുമാണു പാർട്ടിയെ നയിക്കുക. ഡൽഹി നിയമസഭാ തിരഞ്ഞെടുപ്പിലെ അപ്രതീക്ഷിത തോൽവിക്കു പിന്നാലെയാണ് എഎപിയിലെ അഴിച്ചുപണി.
ന്യൂഡൽഹി∙ പത്തു ദിവസത്തെ ധ്യാനത്തിൽ പങ്കെടുക്കാൻ പഞ്ചാബിലെത്തി ആം ആദ്മി പാർട്ടി കൺവീനറും ഡൽഹി മുൻ മുഖ്യമന്ത്രിയുമായ അരവിന്ദ് കേജ്‍രിവാൾ. ഇന്നു മുതൽ മാർച്ച് 15 വരെയാണ് ദിവസമാണ് ധ്യാനം. ഹോഷിയാർ പൂരിൽ ആനന്ദ്ഘട്ടിലെ ധമ്മ ധജ വിപാസന കേന്ദ്രത്തിലാണ് ധ്യാനം നടക്കുക. സുരക്ഷാ വാഹനങ്ങൾ, ആംബുലൻസ്, ഫയർ എൻജിൻ തുടങ്ങി ആഡംബര വാഹനങ്ങളുടെ അകമ്പടിയോടെയാണ് കേജ്‍രിവാൾ പഞ്ചാബിലെത്തിയതെന്ന് ബിജെപി ആരോപിച്ചു.
ന്യൂഡൽഹി∙ ഡൽഹിയിൽ കനത്ത തോൽവി ഏറ്റുവാങ്ങിയതിനു പിന്നാലെ അരവിന്ദ് കേജ്‍രിവാൾ രാജ്യസഭ എംപി ആയേക്കുമെന്ന് സൂചന. പഞ്ചാബിലെ നിയമസഭാ ഉപതെരഞ്ഞെടുപ്പിൽ ലുധിയാന വെസ്റ്റ് മണ്ഡലത്തിൽനിന്ന് നിലവിലെ എഎപി എംപി സഞ്ജീവ് അറോറ ജനവിധി തേടും. ഈ ഒഴിവിലേക്ക് രാജ്യസഭാ എംപിയായി അരവിന്ദ് കേജ്‍രിവാൾ നാമനിർദേശ പത്രിക സമർപ്പിക്കുമെന്നാണ് വിവരം.
എഎപി (ആം ആദ്മി പാർട്ടി) സർക്കാർ നടപ്പിലാക്കിയ മദ്യനയം കാരണം ഡൽഹിയിൽ 2,002 കോടിയുടെ വരുമാന നഷ്ടമുണ്ടായെന്ന് സിഎജി റിപ്പോർട്ട്. മുഖ്യമന്ത്രി രേഖാ ഗുപ്തയാണ് ഇതുസംബന്ധിച്ച റിപ്പോർട്ട് നിയമസഭയിൽ സമർപ്പിച്ചത്.
ചണ്ഡിഗഡ് ∙ പഞ്ചാബിൽ എഎപി സർക്കാർ അധികകാലം തുടരില്ലെന്ന സൂചനയുമായി കോൺഗ്രസ്. ഭരണകക്ഷിയായ ആം ആദ്മി പാർട്ടിയിലെ 32ലേറെ എംഎൽഎമാർ കോൺഗ്രസുമായി ബന്ധപ്പെട്ടിട്ടുണ്ടെന്നും മറ്റുള്ളവർ ബിജെപിയുമായി ബന്ധപ്പെടാൻ സാധ്യതയുണ്ടെന്നും പ്രതിപക്ഷ നേതാവ് പ്രതാപ് സിങ് ബജ്‌വ പറഞ്ഞു.
ന്യൂഡൽഹി ∙ ബിജെപി അധികാരത്തിലേറിയ ഡൽഹിയിൽ ആം ആദ്മി പാർട്ടി (എഎപി) നേതാവും മുൻ മുഖ്യമന്ത്രിയുമായ അതിഷി പ്രതിപക്ഷ നേതാവാകും. ഈ സ്ഥാനത്തേക്കു വനിതയെ തിരഞ്ഞെടുക്കുന്നത് ആദ്യമാണ്. മുഖ്യമന്ത്രിയും പ്രതിപക്ഷ നേതാവും വനിതയാകുന്നതും ഡൽഹിയുടെ ചരിത്രത്തിലാദ്യം. ഇന്നു ചേർന്ന എഎപി നിയമസഭാകക്ഷി യോഗത്തിൽ സഞ്ജീവ്
ന്യൂഡൽഹി ∙ ബിജെപി സർക്കാർ അധികാരമേറ്റെടുത്തതിനു പിന്നാലെ ഡൽഹിയിൽ ഭരണ–പ്രതിപക്ഷ പോരിനു കളമൊരുങ്ങുന്നു. ആം ആദ്മി പാർട്ടി (എഎപി) സർക്കാർ പൂഴ്ത്തിവച്ചെന്ന് ആരോപിക്കുന്ന 14 സിഎജി റിപ്പോർട്ടുകൾ 25ന് നിയമസഭയിൽ വയ്ക്കും. എഎപിയുടെ വിവാദ മദ്യനയത്തിലൂടെ ഖജനാവിന് 2,026 കോടിയുടെ നഷ്ടമുണ്ടായെന്നാണു റിപ്പോർട്ടിലെ പ്രധാന വെളിപ്പെടുത്തൽ. മദ്യനയം നടപ്പാക്കിയതിലൂടെ എഎപി നേതാക്കൾക്കുണ്ടായ സാമ്പത്തിക നേട്ടങ്ങളെക്കുറിച്ചും പരാമർശമുണ്ട്. ചട്ടങ്ങൾ ലംഘിച്ചു മദ്യശാലകൾക്കു ലൈസൻസ് നൽകിയെന്നും മന്ത്രിസഭാ യോഗത്തിന്റെയും ലഫ്. ഗവർണറുടെയും അംഗീകാരമില്ലാതെയാണ് നയം നടപ്പാക്കിയതെന്നും കുറ്റപ്പെടുത്തുന്നുണ്ടെന്നാണു വിവരം. നാളെ ആരംഭിക്കുന്ന നിയമസഭാ സമ്മേളനത്തിൽ പുതിയ എംഎൽഎമാർ സത്യപ്രതിജ്ഞ ചെയ്യും. തൊട്ടുപിന്നാലെ സ്പീക്കർ തിരഞ്ഞെടുപ്പു നടക്കും. 25നാണു ഗവർണറുടെ അഭിസംബോധന.
തിരുവനന്തപുരം ∙ ബിജെപി ജയിച്ചതിന് ആഹ്ലാദിക്കുന്ന പാർട്ടിയായി കോൺഗ്രസ് മാറിയെന്നും കോൺഗ്രസിന് ഒരു സാധ്യതയുമില്ലാത്ത ഡൽഹി നിയമസഭാ തിരഞ്ഞെടുപ്പിൽ ആംആദ്മി പാർട്ടിയെ തോൽപിച്ചെന്നും മുഖ്യമന്ത്രി പിണറായി വിജയൻ. എഎപിക്കെതിരെ പ്രചാരണം നയിച്ചതു രാഹുൽ ഗാന്ധിയാണ്. എന്നിട്ടും കോൺഗ്രസിനു കിട്ടിയതു വലിയ പൂജ്യമാണ്. കഴിഞ്ഞ തിരഞ്ഞെടുപ്പിലും പൂജ്യമായിരുന്നുവെന്ന് എസ്എഫ്ഐ സംസ്ഥാന സമ്മേളനത്തിലെ പൊതുസമ്മേളനം ഉദ്ഘാടനം ചെയ്തുകൊണ്ടു മുഖ്യമന്ത്രി പരിഹസിച്ചു.
ന്യൂഡൽഹി ∙ 27 വർഷങ്ങൾക്ക് ശേഷം രാജ്യതലസ്ഥാനത്ത് ഭരണം ലഭിച്ചിട്ടും മുഖ്യമന്ത്രിയെ തീരുമാനിക്കാനാകാതെ ബിജെപി. നാളെ സത്യപ്രതിജ്ഞ നിശ്ചയിച്ചിരിക്കെ മുഖ്യമന്ത്രി ആരെന്നതു സസ്പെൻസാക്കി വച്ചിരിക്കുകയാണ് പാർട്ടി. ദേശീയ അധ്യക്ഷൻ ജെ.പി.നഡ്ഡയുടെ നേതൃത്വത്തിൽ ഇന്ന് ബിജെപി നിയമസഭാ കക്ഷിയോഗം ചേരും. മുഖ്യമന്ത്രി, സ്പീക്കർ, കാബിനറ്റ് മന്ത്രിമാർ എന്നിവരെ ഈ യോഗത്തിൽ തിരഞ്ഞെടുക്കുമെന്നാണു റിപ്പോർട്ട്.
Results 1-10 of 1022
You can always sign back in at any time.
You have reached the maximum number of saved items. Please remove some items.
