വെന്തുരുകുന്ന യുഎഇയിൽ ആശ്വാസമായി വേനൽ മഴ

അൽഐൻ ∙ കടുത്ത ചൂടിൽ കുളിരായി അൽഐനിൽ ശക്തമായ മഴയും ആലിപ്പഴ വർഷവും. ചൊവ്വാഴ്ച അൽഐനിലും അബുദാബിയിലും 50.8 ചൂട് രേഖപ്പെടുത്തിയതിനിടെ ലഭിച്ച മഴ ജനങ്ങൾക്ക് അൽപം ആശ്വാസമായി. ഇന്നലെ വൈകിട്ട് 6.15നായിരുന്നു മഴ. ജൂണിലും വടക്കൻ എമിറേറ്റുകളിൽ 3 തവണ വേനൽ മഴ ലഭിച്ചിരുന്നു. വേനൽ അവസാനിക്കുന്ന സെപ്റ്റംബർ വരെ ഇടയ്ക്കിടെ മഴ ലഭിക്കുമെന്നാണ് കാലാവസ്ഥാ റിപ്പോർട്ട്.