വാരിസ് ഫാൻ ഷോ കാണാൻ തിയറ്ററിലെത്തി വിജയ്‌യുടെ അമ്മ; ചിത്രങ്ങൾ

വാരിസ് സിനിമയുടെ ഫാൻ ഷോ കാണാൻ തിയറ്ററിലെത്തി നടൻ വിജയ്‌യുടെ അമ്മ ശോഭ ചന്ദ്രശേഖർ. വിജയ്‌യുടെ പൊങ്കൽ ചിത്രമാണിത്. നടൻ ഗണേഷ് വെങ്കിട്ടറാമിന്റെ കുടുംബത്തോടൊപ്പമാണ് ശോഭ ചന്ദ്രശേഖർ വാരിസ് ആസ്വദിച്ചത്. ഗണേഷ് വെങ്കിട്ടറാമിന്റെ ഭാര്യ നിഷാ ഗണേഷ് ആണ് വിജയ്‌യുടെ അമ്മയോടൊപ്പമുള്ള ചിത്രം സമൂഹമാധ്യമങ്ങളിൽ പങ്കുവച്ചത്. കുടുംബപ്രേക്ഷകർ ഇഷ്ടപ്പെടുന്ന സിനിമയാണ് വാരിസെന്നും ശോഭ അമ്മയോടൊപ്പം സിനിമ കാണാൻ കഴിഞ്ഞതിൽ സന്തോഷമുണ്ടെന്നും നിഷ കുറിച്ചു. 

‘വാരിസ് വളരെയധികം ഇഷ്ടമായി. ഓരോ ഫ്രെയിമും സ്റ്റൈലിഷ് ആയിരുന്നു. വിജയ് അണ്ണാ മാസ്സ്. രശ്‌മിക മനോഹാരിയായിരിക്കുന്നു. വിജയ് അണ്ണന്റെ ആരാധകർക്കും കുടുംബ പ്രേക്ഷകർക്കും പറ്റിയ പാക്കേജാണ് ഈ സിനിമ. വംശി സാറിന്റെ കുടുംബ സിനിമയ്ക്കായി ഏറെ നാളായി കാത്തിരുന്നതാണ്. ശോഭ അമ്മയ്ക്കൊപ്പം സിനിമ കാണാൻ കഴിഞ്ഞതിൽ സന്തോഷമുണ്ട്. മുഴുവൻ കുടുംബത്തോടുമൊപ്പമാണ് ഈ മനോഹരമായ സിനിമ ഞങ്ങൾ ആസ്വദിച്ചത്’, നിഷ വെങ്കിട്ടരാമൻ പറയുന്നു.