ഉറക്കം തുടർന്ന് ചന്ദ്രയാൻ 3; ആകാംക്ഷ ബാക്കി

തിരുവനന്തപുരം ∙ വിക്രം ലാൻഡറും പ്രഗ്യാൻ റോവറും ചന്ദ്രനിൽ വീണ്ടും ഉണരുമോയെന്ന ആകാംക്ഷ ബാക്കി. ചന്ദ്രനിൽ വീണ്ടും സൂര്യാസ്തമയം തുടങ്ങാനിരിക്കേ, ചന്ദ്രയാൻ 3 ദൗത്യഭാഗങ്ങളിൽ നിന്ന് പ്രതികരണമൊന്നും ലഭിച്ചിട്ടില്ല. 

ഓഗസ്റ്റ് 23ന് ആണ് ചന്ദ്രന്റെ ദക്ഷിണധ്രുവത്തിലെ ‘ശിവശക്തി പോയിന്റിൽ’ വിക്രം ലാൻഡറും പ്രഗ്യാൻ റോവറും സോഫ്റ്റ്ലാൻഡിങ് നടത്തിയത്. 

ആദ്യത്തെ 10 ദിവസത്തിൽ ലക്ഷ്യങ്ങളെല്ലാം നിറവേറ്റി. റോവർ ചന്ദ്രനിൽ ഏകദേശം 100 മീറ്റർ സഞ്ചരിച്ചു. ലാൻഡറിനെ ഒരിക്കൽക്കൂടി പൊക്കി ഇറക്കാനും കഴിഞ്ഞു. 

ചന്ദ്രമണ്ണിലെ താപനില, പ്രകമ്പനങ്ങൾ, മൂലക സാന്നിധ്യം എന്നിങ്ങനെ പല വിലപ്പെട്ട വിവരങ്ങളും ദൗത്യം ഇതിനിടെ കൈമാറി.

English Summary: No response from Chandrayaan 3; Vikram lander and Pragyan rover remain inactive