കോടികളുടെ എണ്ണപ്പണത്തിന് ഭാര്യയ്ക്ക് വിഷം: ആ പൂക്കൾ ചവിട്ടിയരച്ചത് ‌ആരാണ്? ചരിത്രം മറന്ന വംശഹത്യയുടെ നടുക്കുന്ന കഥ

‘ദ് ന്യൂയോർക്കർ’ എന്ന അതിപ്രശസ്തമായ അമേരിക്കൻ മാസികയിലെ രണ്ടു പതിറ്റാണ്ടു പിന്നിട്ട മാധ്യമപ്രവർത്തനത്തിനിടെ കണ്ടെത്താനിടയായ ചില വിവരങ്ങൾ ഡേവിഡ് ഗ്രാൻ എന്ന പത്രപ്രവർത്തകനെ വളരെയധികം അസ്വസ്ഥനാക്കുന്നു. 2012ൽ അദ്ദേഹം ആ വിവരങ്ങളുടെ യാഥാർഥ്യം തേടിയുള്ള യാത്ര ആരംഭിക്കുന്നു. റെഡ് ഇന്ത്യൻസ് എന്നു പൊതുവെ വിളിക്കാറുള്ള അമേരിക്കയിലെ ആദിമനിവാസികളിലെ ഒരു വിഭാഗമായ ഓക്‌ലഹോമയിലെ ഒസേജ് വംശജർക്കു സംഭവിച്ച ഒരു ദുരന്തത്തിനു പുറകെയായിരുന്നു ആ യാത്ര.