ടാറ്റ മോട്ടോഴ്സ് നിർമിക്കുന്ന പ്രീമിയം ഹാച്ച്ബാക്കാണ് ആൾട്രോസ്. 2019 ൽ നടന്ന 89-ാമത് ജനീവ ഇന്റർനാഷണൽ മോട്ടോർ ഷോയിലാണ് ആൾട്രോസ് ആദ്യമായി പ്രദർശിപ്പിച്ചത്. തുടർന്ന് 2020 ജനുവരി 22 ന് ഇന്ത്യൻ വിപണിയിൽ അവതരിപ്പിച്ചു. ആൽബട്രോസ് എന്ന പക്ഷി ഇനത്തിൽ നിന്നാണ് "Altroz" എന്ന പേര് പ്രചോദനം ഉൾക്കൊണ്ടത്. നിലവിൽ 1.2-ലീറ്റർ ത്രീ-സിലിണ്ടർ പെട്രോൾ, 1.5-ലീറ്റർ ടർബോഡീസൽ , 1.2-ലീറ്റർ ത്രീ-സിലിണ്ടർ ടർബോചാർജ്ഡ് പെട്രോൾ എന്നീ എൻജിൻ ഓപ്ഷനുകളിൽ കാർ ലഭ്യമാണ്.
