Activate your premium subscription today
Tuesday, Feb 18, 2025
Feb 15, 2025
പൂച്ചകൾ ഒട്ടേറെ ശാസ്ത്രജ്ഞരെ ആകർഷിച്ചിട്ടുണ്ട്. ലണ്ടൻ നാച്വറൽ ഹിസ്റ്ററി മ്യൂസിയത്തിലെ പരിണാമജീവശാസ്ത്രജ്ഞ ഡോ. അഞ്ജലി ഗോസ്വാമി ഈയിടെ പൂച്ചയ്ക്കു മണികെട്ടുന്ന ഒരു പ്രസ്താവന നടത്തി. പരിണാമജീവശാസ്ത്രമനുസരിച്ച് പൂർണത നേടിയതാണത്രേ പൂച്ചകളുടെ വംശം. വീട്ടിലെ പൂച്ച മുതൽ കാടു വാഴുന്ന കടുവയും സിംഹവും വരെ ഒട്ടേറെ ജീവികളുണ്ട് ഈ കുടുംബത്തിൽ. പലവഴികളിലൂടെ തിരിയാതെ, മുഖ്യധാരയിൽ നിലയുറപ്പിച്ചതാണ് ഈ വർഗത്തിന്റെ പ്രത്യേകത. നരിയുടെയും സിംഹത്തിന്റെയും തലയോടുകൾ തിരിച്ചറിയുക താനടക്കമുള്ള സാങ്കേതികവിദഗ്ധർക്കുപോലും വിഷമമാണെന്നു അഞ്ജലി പറയുന്നു. പൂച്ചയുടെ വശ്യത വിഖ്യാതമാണ്. ആപേക്ഷികതാ സിദ്ധാന്തത്തിന്റെ പിതാവ് ആൽബർട്ട് ഐൻസ്റ്റൈന് തന്റെ പൂച്ചയായ ടൈഗറുമായി ആഴത്തിലുള്ള ബന്ധമുണ്ടായിരുന്നു. മഴദിവസങ്ങളിൽ പൂച്ച വിഷാദത്തിലേക്കു വഴുതുമ്പോൾ അദ്ദേഹം ആശ്വസിപ്പിച്ചിരുന്നു. ഗുരുത്വാകർഷണത്തിന്റെയും ചലനനിയമങ്ങളുടെയും ഉപജ്ഞാതാവായ ഐസക് ന്യൂട്ടൻ, താൻ ജോലി ചെയ്യുമ്പോൾ തന്റെ പൂച്ചയ്ക്കു സ്വതന്ത്രമായും സ്വച്ഛമായും സഞ്ചരിക്കാൻ മുറിയിൽ പ്രത്യേക സംവിധാനമൊരുക്കി. ഓൾട്ടർനേറ്റ് കറന്റ് കണ്ടുപിടിച്ച നിക്കോള ടെസ്ല തന്റെ പൂച്ചയായ മിസിക്കിലിൽ അതീവ ആകൃഷ്ടനായിരുന്നു. മിസിക്കിലിന്റെ പുറംരോമങ്ങളിൽ സ്റ്റാറ്റിക് വൈദ്യുതി പൊട്ടിത്തെറിക്കുന്ന കാഴ്ച അദ്ദേഹത്തിനു വൈദ്യുതിയോടുള്ള ആകർഷണം നിലനിർത്തി.
Feb 4, 2025
കോഴിക്കോട്ടെ മലബാർ ബോട്ടാണിക്കൽ ഗാർഡൻ ആൻഡ് ഇൻസ്റ്റിറ്റ്യൂട്ട് ഫോർ പ്ലാന്റ് സയൻസസിൽ സയന്റിസ്റ്റ് ഒഴിവ്. റഗുലർ നിയമനം. ബയോഡൈവേഴ്സിറ്റി/ ഇക്കോളജി, പ്ലാന്റ് ബയോടെക്നോളജി വിഭാഗങ്ങളിൽ ഒാരോ ഒഴിവു വീതം. ഫെബ്രുവരി 28 വരെ ഒാൺലൈനായി അപേക്ഷിക്കാം.www.mbgips.in ലേറ്റസ്റ്റ് കരിയർ, ജോബ് അപ്ഡേറ്റുകൾ വാട്സാപ്പിൽ
Jan 15, 2025
തേഞ്ഞിപ്പലം ∙ കാലിക്കറ്റിലെ ഗവേഷകർ കണ്ടുപിടിച്ച കൊതുകുനാശിനിക്ക് കേന്ദ്ര സർക്കാരിന്റെ പേറ്റന്റ്. ജന്തുശാസ്ത്ര പഠന വകുപ്പ് മുൻ മേധാവിയും ശാസ്ത്രജ്ഞനുമായ ഡോ. വി.എം. കണ്ണനും ഗവേഷക എം. ദീപ്തിയും ചേർന്നാണ് 5 വർഷത്തെ ഗവേഷണത്തിലൂടെ ഇത് കണ്ടെത്തിയത്. കൊതുകുനാശിനി വ്യാവസായികമായി ഉൽപാദിപ്പിക്കാൻ തയാറുളള കമ്പനികൾ, സ്റ്റാർട്ടപ്പുകൾ എന്നിവയുമായി ഉടമ്പടി ഉണ്ടാക്കാൻ യൂണിവേഴ്സിറ്റി അധികൃതർ സന്നദ്ധത പ്രകടിപ്പിച്ചിട്ടുണ്ട്.
Jan 4, 2025
ന്യൂഡൽഹി ∙ 1974–ൽ ആദ്യത്തെ ആണവപരീക്ഷണത്തിനായി തയാറെടുക്കുകയായിരുന്നു ഹോമി സെഥ്നയുടെ നേതൃത്വത്തിലുള്ള ഇന്ത്യയിലെ ആണവശാസ്ത്രജ്ഞർ. പരീക്ഷണത്തിന്റെ ചുമതലയുള്ള ഭാഭാ അറ്റോമിക് റിസർച് സെന്ററിന്റെ തലവൻ ഡോ.രാജാ രാമണ്ണ പരീക്ഷണസ്ഥലമായ രാജസ്ഥാനിലെ പൊഖ്റാൻ റേഞ്ചിലെത്തി, തന്റെ രണ്ടാമൻ ഡോ.പി.കെ.അയ്യങ്കാരോടു ചോദിച്ചു. ‘‘എല്ലാം ശരിയാകുമോ?’’
ഡോ. ആർ. ചിദംബരം നേതൃത്വം നൽകിയ പൊഖ്റാൻ– 1 (1974), പൊഖ്റാൻ– 2 (1998) എന്നീ വിജയകരമായ പരീക്ഷണങ്ങളാണ് ആഗോള തലത്തിൽ ആണവ ശക്തിയെന്ന ഇന്ത്യയുടെ പദവി ഉറപ്പിച്ചത്. 1998 ലെ പരീക്ഷണത്തിനു പിന്നാലെ വ്യക്തിപരമായി അദ്ദേഹവുമായി സംസാരിക്കാൻ എനിക്ക് അവസരം ലഭിച്ചിരുന്നു. പരീക്ഷണം വിജയിച്ചെന്ന ഇന്ത്യയുടെ വാദത്തിൽ പാശ്ചാത്യ രാജ്യങ്ങൾ സംശയം പ്രകടിപ്പിച്ചത് അദ്ദേഹത്തെ വേദനിപ്പിച്ചിരുന്നു. ആണവ പരീക്ഷണം വിജയകരമാണെന്ന് അവകാശപ്പെട്ടതിന്റെ ശാസ്ത്രീയവും സാങ്കേതികവുമായ കാര്യങ്ങൾ വിശദീകരിച്ചുകൊണ്ട് മണിക്കൂറുകളോളം അദ്ദേഹം എന്നോടു സംസാരിച്ചു.
ഇന്ത്യയിലെ മഹാൻമാരായ ശാസ്ത്രജ്ഞരിലൊരാൾ എന്നതിനൊപ്പം, നല്ലൊരു മനുഷ്യൻ എന്നുകൂടി പറഞ്ഞാലാണ് ഡോ. ചിദംബരത്തെക്കുറിച്ച് ഒറ്റവാചകത്തിലുള്ള വിശേഷണം പൂർണമാവുക. ചിട്ടയായ ജീവിതവും കഠിനാധ്വാനവും മാത്രമല്ല, എല്ലാവരോടും തുല്യതയോടെയുള്ള പെരുമാറ്റവും ആ വ്യക്തിത്വത്തിന്റെ പ്രത്യേകതകളായിരുന്നു. വ്യക്തിപരവും ഒൗദ്യോഗികവുമായ ജീവിതത്തിൽ ഡോ.ചിദംബരം പാലിച്ച ചിട്ട എടുത്തു പറയേണ്ടതുണ്ട്. യോഗയും പ്രഭാതസവാരിയുമൊക്കെ കഴിഞ്ഞ്, എല്ലാ ദിവസവും രാവിലെ 8.45ന് ഓഫിസിലെത്തും, രാത്രി വൈകും വരെയും ജോലി. ശനി, ഞായർ. ദീപാവലി, ഹോളി ഒക്കെയും അദ്ദേഹത്തിന് പ്രവൃത്തി ദിവസങ്ങളായിരുന്നു.
Jan 1, 2025
തൃശൂർ ∙ സസ്യജാലങ്ങളുടെ ലോകത്ത് അർപ്പിച്ച ജീവിതമായിരുന്നു ഡോ. കെ.എസ്.മണിലാലിന്റേത്. 17–ാം നൂറ്റാണ്ടിന്റെ രണ്ടാം പകുതിയിൽ കൊച്ചിയിലെ ഡച്ച് ഗവർണറായിരുന്ന ഹെൻട്രിക് ആഡ്രിയാൻ വാൻ റീഡ് കേരളത്തിലെ സസ്യസമ്പത്തിനെക്കുറിച്ച് ലാറ്റിൻ ഭാഷയിൽ തയാറാക്കിയ 12 വോള്യം ‘ഹോർത്തൂസ് മലബാറിക്കൂസ്’ മണിലാലിന്റെ ശ്രമഫലമായി മലയാളത്തിലും ഇംഗ്ലിഷിലും പ്രസിദ്ധീകരിക്കപ്പെട്ടതിനു പിന്നിൽ ഒരു കഥയുണ്ട്. എന്നെങ്കിലുമൊരു പുസ്തകമെഴുതുമെങ്കിൽ അതു ഹോർത്തൂസ് മലബാറിക്കൂസിന്റെ പരിഭാഷ ആയിരിക്കണമെന്ന അമ്മയുടെ വാക്കുകളാണത്രേ മണിലാലിനു പ്രചോദനമായത്.
Dec 9, 2024
ഇന്ത്യയിൽ ശാസ്ത്രരംഗത്തു പ്രവർത്തിക്കുന്ന വനിതകളെ സംബന്ധിച്ച പ്രഫഷനൽ വിവരങ്ങൾ ശേഖരിക്കുന്നതിനു കേന്ദ്രസർക്കാർ ആരംഭിച്ച ‘സ്വാതി’ പോർട്ടലിൽ (SWATI– Science for Women: A Technology and Innovation Portal) ഇപ്പോൾ റജിസ്റ്റർ ചെയ്യാം. കേന്ദ്ര ബയോടെക്നോളജി വകുപ്പിന്റെ നിയന്ത്രണത്തിലുള്ള നാഷനൽ
Dec 1, 2024
ന്യൂയോർക്ക് ∙ ന്യൂയോർക്ക് അക്കാദമി ഓഫ് സയൻസസിന്റെ പങ്കാളിത്തത്തോടെ, ദേശീയ വെല്ലുവിളികളെ അഭിമുഖീകരിക്കുന്നതിൽ നൂതനമായ പ്രവർത്തനങ്ങൾ നടത്തിയതിന് അമർത്യ മുഖോപാധ്യായ, സി. ആനന്ദരാമകൃഷ്ണൻ, രാഘവൻ വരദരാജൻ എന്നീ മൂന്ന് ഇന്ത്യൻ ശാസ്ത്രജ്ഞർ പുരസ്കാര നിറവിൽ.
Nov 21, 2024
ലോകത്തിലെ ഏറ്റവും നീളമേറിയ വിഷപ്പാമ്പാണ് രാജവെമ്പാല. ഒഫിയോഫാഗസ് ജനുസിലെ ഏക അംഗമായാണ് രാജവെമ്പാല കണക്കാക്കപ്പെട്ടിരുന്നത്. പ്രകോപനം ഉണ്ടായാൽ അതീവ അപകടകാരിയാണെങ്കിലും സാധാരണ നിലയ്ക്ക് മനുഷ്യരുമായി ഇടയാൻ നിൽക്കാത്ത ഈ രാജനെപ്പറ്റി പുതിയ പഠനങ്ങളുമായി എത്തുകയാണ് ഗവേഷകർ. കർണാടകയിലെ കലിംഗ ഫൗണ്ടേഷൻ നടത്തിയ
Results 1-10 of 117
You can always sign back in at any time.
You have reached the maximum number of saved items. Please remove some items.